SAK 16
Kɩɩs-y Sʋɩtãanã
“Kɩɩs-y Sʋɩtãanã, t’a na n zoe n basa yãmba.”—ZAK 4:7, MN.
1, 2. Bõe la d segd n bao n bãng a Sʋɩtãan ne a zĩn-dãmbã wɛɛngẽ?
DŨNI-PAALGÃ pʋgẽ, vɩɩmã na n talla yamleoog wʋsgo. D sẽn na n vɩɩmd to-to wã na n zemsa ne a Zeova sẽn datã. La nananda, d sẽn be dũni ning pʋgẽ wã yaa a Sʋɩtãan ne a zĩn-dãmbã n so. (2 Korẽnt rãmbã 4:4) Yaa sɩd tɩ d pa tõe n yã-b ye. La b beeme, b tara pãng wʋsg me.
2 Sag-kãngã pʋgẽ, d na n bao n bãnga d sẽn tõe n maan to-to n da tol n lak n bas a Zeova, la d paam t’a kogl-do. A Zeova yeelame t’a na n sõnga tõndo. La d segd n bao n bãnga a Sʋɩtãan ne a zĩn-dãmbã sɩlmã la b sẽn maand to-to n belgd nebã.
SƲƖTÃANÃ KELEMDA WA GƖGEMDE
3. Bõe la a Sʋɩtãan rata?
3 A Sʋɩtãan yeelame tɩ nebã sẽn tũud a Zeova wã, yaa b sẽn baood b mens nafrã yĩng bala, la tɩ zu-loees sasa, b na n basa a Zeova. (Karm-y Zoob 2:4, 5.) Ned sã n zãmsd Biiblã n dat n bãng a Zeova, a Sʋɩtãan ne a zĩn-dãmbã neeme. B na n baoome n na n gɩdg-a. A soabã sã n wa rɩk a meng n kõ a Zeova n deeg lisgu, b sũyã yikdame. Biiblã maka a Sʋɩtãan ne “gɩgemd sẽn kelemde, n baood ned n na n wãbe.” (1 Pɩyɛɛr 5:8, MN) A Sʋɩtãan rat n sãama tõnd ne a Zeova zoodã.—Yɩɩn-sõamyã 7:2, 3; 2 Tɩmote 3:12.
Ned sã n dɩk a meng n kõ a Zeova, a Sʋɩtãan sũurã yikdame
4, 5. a) Bõe la a Sʋɩtãan pa tõe n maane? b) “Kɩɩs Sʋɩtãanã” rat n yeelame tɩ bõe?
4 D pa segd n zoe a Sʋɩtãan ne a zĩn-dãmbã ye. A Zeova kɩtame tɩ b sẽn tõe n maan bũmb ningã tar koaka. A Zeova yeelame tɩ “kʋʋn-kãseng” sẽn yaa kiris-neb hakɩɩk n na n põs “to-kãsengã.” (Vẽnegre 7:9, 14, MN) Bũmb kae Sʋɩtãanã sẽn tõe n maan tɩ gom-kãngã pa pids ye. Bala a Zeova kogenda a nin-buiidã.
5 Tõnd sã n gãd a Zeova sõma, a Sʋɩtãan pa na n tõog n sãam zood ning d sẽn tar ne-a wã ye. Biiblã meng yetame: “Yãmb sã n pa ne Sẽn-Ka-Saabo, bãmb me na n paa ne yãmba.” (2 Kibayã 15:2; karm-y 1 Korẽnt rãmb 10:13, MN.) Pĩnd wẽndẽ wẽn-sakdb kɩɩsa a Sʋɩtãana, n kell n pa ne a Zeova. Wala makre, a Abɛlle, a Enok, a Saara, a Moyiizi. (Ebre-rãmbã 11:4-40) Tõnd me tõe n maana wa bãmba. Biiblã yetame yaa: “Sulg-y y mens n sak Wẽnnaam, la y kɩɩs Sʋɩtãanã, t’a na n zoe n basa yãmba.”—Zak 4:7, MN.
“TÕND TARA ZABRE”
6. Wãn to la Sʋɩtãanã bẽt nebã?
6 A Sʋɩtãan miime t’a pa tõe n nams tõnd wa a sẽn dat ye. La baa ne rẽ, a ket n baooda a sẽn tõe n maan n sãam tõnd ne a Zeova zoodã. Hal pĩnd n tãag masã, Sʋɩtãanã tũnugda ne manesem buud toor-toor n bẽt nebã. D na n goma manesem kẽer yelle.
7. Bõe yĩng t’a Sʋɩtãan zabd ne a Zeova nin-buiidã?
7 Tʋm-tʋmd a Zã yeelame: “Dũniyã tõr bee wẽng soabã nugẽ.” (1 Zã 5:19, MN) A Sʋɩtãan n so dũni-wẽng kãnga. A nongẽ lame n soog a Zeova nin-buiidã me. (Miise 4:1; Zã 15:19; Vẽnegre 12:12, 17) A miime t’a wakatã sẽn ketã pa waoog ye. Rẽ so t’a maand a sẽn tõe n dat tɩ d maan bũmb sẽn kɩɩsd Wẽnnaam noyã. Wakat ninga, a zabda ne tõnd vẽeneg-vẽenega. La wakat ninga, yaa ne sɩlem.
8. Bõe la kiris-ned fãa tog n bãng vẽenega?
Efɛɛz rãmb 6:12, MN pʋgẽ b yetame: “Bala, tõnd tara zabre, . . . ne . . . zĩn-dãmb sẽn be saasẽ n yaa nanambs la pãn-soaadba.” Kiris-ned fãa tog n zaba ne a Sʋɩtãan la ne a zĩn-dãmbã. D bãng vẽeneg tɩ neb nins fãa sẽn dɩk b mens n kõ a Zeova wã zabda ne a Sʋɩtãana. Tʋm-tʋmd a Poll sẽn gʋls lɛtr n tool Efɛɛz kiris-nebã, a yeel-b-la naoor a tãab tɩ b “yals kãn-kãe.”—Efɛɛz rãmbã 6:11, 13, 14, MN.
89. Bõe la a Sʋɩtãan ne a zĩn-dãmbã maand n dat n bẽd tõndo?
9 A Sʋɩtãan ne a zĩn-dãmbã tũnugda ne manesem buud toor-toor n dat n belg tõndo. D sã n tõog n gil a Sʋɩtãan bẽdga, pa rat n yeel t’a pa le tõe n bẽd tõnd ye. A Sʋɩtãan baood n bãnga tõnd pãn-komsmã, sẽn na yɩl n bãng n bẽd tõndo. La d pa na n bas t’a paam-d ye. Bala Biiblã sõngda tõnd tɩ d bãng a sɩlmã fãa. (2 Korẽnt rãmbã 2:11; ges-y Vẽnegr 31.) Wala makre, a Sʋɩtãan tũnugda ne zĩn-dãmb yɛla.
D ZÃAG D MENS NE ZĨN-DÃMBÃ YƐLA
10. a) Bõe la b sẽn boond tɩ zĩn-dãmb yɛlã? b) A Zeova tagsg yaa wãn ne zĩn-dãmbã yɛla?
10 Ned sẽn bʋgd bagre, n togsd beoog yɛla, n wẽed bĩisri, n lobd ligd-pɛɛla, n wilgd zãmsd võore, bɩ n kẽnd kinkir-bagb nengẽ maanda zĩn-dãmb yɛla. Biiblã yeelame t’a Zeova kisa zĩn-dãmb yɛla, la tɩ d pa tõe n maand rẽ, la d tũud-a ye. (Tõodo 18:10-12; Vẽnegre 21:8) Kiris-ned tog n zãaga a meng fasɩ ne zĩn-dãmbã yɛla.—Rom dãmbã 12:9.
11. Ned sã n nong yel-soalma, na n wa kɩtame t’a maan bõe?
11 A Sʋɩtãan miime tɩ ned sã n nong yel-soalmã, a tõe n tusa a soabã nana-nana t’a kẽ zĩn-dãmbã yɛlẽ. Sẽn yaa bũmb ning fãa la d maan tɩ yaa zĩn-dãmb yɛla, na n sãama tõnd ne a Zeova zoodã.
A SƲƖTÃAN RAT N BELGA TÕNDO
12, 13. Bõe la a Sʋɩtãan maand n yuusd nebã yam?
12 A Sʋɩtãan yuusda nebã yam. A kɩtdame tɩ b maand sãmbse, hal n wa “boond wẽng tɩ sõama la b boond sõama tɩ wẽngã.” (Ezayi 5:20) A Sʋɩtãan kɩtdame tɩ nebã tẽed tɩ Biiblã saglsã pa tar yõod ne-b ye. A sã n sɩd ne tɩ nebã maand b toog kae ne Wẽnnaam noyã, a sũur noomame.
13 A Sʋɩtãan yuusda neb wʋsg yam tɩ b maand sãmbse. La a pa sɩng masã ye. Edɛn zẽedã zĩigẽ, a soka a Awa sokre, tɩ kɩt t’a maan sãmbse. A soka a Awa yaa: “Sɩd-sɩdã, rẽ yĩnga, Wẽnnaam yeela yãmb tɩ y ra rɩ tɩɩsã fãa sẽn be zẽedã zĩigẽ wã biis sɩda?” (Sɩngre 3:1) A Zoob wakatẽ wã me, a yalsa malɛgsã fãa taoor n sok a Zeova yaa: “A Zoob zoeta yãmb a Wẽnnaam zaalem yĩng la?” (Zoob 1:9) A Zeezi sẽn deeg lisgã poore, a Sʋɩtãan yeel-a lame yaa: “Fo sã n yaa Wẽnnaam bi-ribl bɩ f yeel kug-kãensã tɩ b lebg buri.”—Matiye 4:3, MN.
14. Zĩn-dãmbã yɛl maaneg wɛɛngẽ, bõe la a Sʋɩtãan maand n kẽesd nebã sãmbse?
14 Rũndã-rũndã, a Sʋɩtãan ket n yuusda nebã yam tɩ b maand sãmbse. A maandame tɩ zĩn-dãmbã yɛl wõnd yaa sõma, n dat tɩ nebã sok b mens sã n sɩd yaa wẽnga. A tõogame meng tɩ kiris-neb kẽes b 2 Korẽnt rãmbã 11:3) Bõe la d tõe n maan n kogl d menga? Bõe la d tõe n maan tɩ Sʋɩtãanã ra tõog n tudg tõndo? D gom bũmb a yiib a sẽn tũnugd ne n bẽt nebã. Yaa reemã la tɩbsgã.
mens zĩn-dãmb yɛlẽ. (A SƲƖTÃAN TŨNUGDA NE BŨMB NINS D SẼN NONGÃ
15. Wãn to la reemã la pemsmã kokrã tõe n wa kɩt tɩ ned kẽes a meng zĩn-dãmb yɛlẽ?
15 Rũndã-rũndã, filim-dãmb wʋsg pʋgẽ, tele wã, ẽntɛrnetã ze-rãmbã la a sɩt-rãmb wʋsg pʋgẽ, b nong n wilgda zĩn-dãmb yɛla. Neb wʋsg tagsdame tɩ pa wẽng ye. B pa mi tɩ zĩn-dãmbã tõe n maan-b-la wẽng ye. Bũmb a taab me la neb maand tɩ yaa zĩn-dãmb yɛla. Wala makre ãdsã gesgo, nus-pʋsã karengo, la bĩisrã pãbre. Sʋɩtãana maandame tɩ wõnd yaa sõma, n be yamleoogo, la sõngd nebã, tɩ b pa le ne yell ning rẽ sẽn tõe n wa ne wã ye. Ninã meng tõe n tagsame t’a sẽn pa maand zĩn-dãmb yɛlã yĩnga, a sã n get rẽ tele wã, filim-dãmb pʋsẽ bɩ zĩig a to, pa wẽng ye. Ned sã n tagsd woto yaa yelle. Bõe yĩnga?—1 Korẽnt-rãmbã 10:12.
16. Bõe yĩng tɩ d segd n gũus ne filim-dãmb bɩ mizik wall sɛb sẽn gomd zĩn-dãmb yɛla?
16 A Sʋɩtãan ne a zĩn-dãmbã pa tõe n bãng d sẽn tagsd bũmb ning d sũurẽ wã ye. La b sã n get reem nins d sẽn nongã, bũmb nins d sẽn maand tõnd meng yĩng bɩ d zakã rãmb yĩngã, b tõe n bãnga tõnd sẽn nonge, bɩ d sẽn tagsde. Ned sã n nong n get filim-dãmb bɩ n kelgd mizik wall n karemd sɛb sẽn gomd tɩt maaneg yelle, bɩ sõod wall vãmpɩɩr dãmb Galat rãmb 6:7, MN.
yelle, a Sʋɩtãan ne a zĩn-dãmbã na n bãngame tɩ rẽ nooma a soabã. B na n makame n tus a soabã tɩ yẽ mengã maan zĩn-dãmb yɛla.—Karm-y17. Wãn to la a Sʋɩtãan tõe n tũnug ne bãag n bẽd neda?
17 Tõnd ned fãa rata laafɩ. La a Sʋɩtãan tõe n tũnuga ne rẽ n bẽd tõndo. Rũndã-rũndã, neb wʋsg maooda ne bã-kɛgemse. Ninã maka tɩbsg buud toor-toore, tɩ pa yãk neng ye. (Mark 5:25, 26) Tõe n komsa a raood wʋsgo, n kɩt t’a sak tɩbsg buud fãa. La tõnd sẽn yaa kiris-nebã, d segd n gũusame n da wa sak tɩbsg sẽn naag ne zĩn-dãmb yɛl ye.—Ezayi 1:13.
D sã n wa ka laafɩ, d teeg a Zeova
18. Kiris-ned tog n zãaga a meng ne tɩbsg bʋg buudu?
18 Pĩnd wẽndẽ, Israyɛll neb kẽer n da maand zĩn-dãmb yɛla. A Zeova yeel-b lame: “Yãmb sã n zẽk y nusã n tees maam, mam mumda m nin n ka rat n yãnd yãmb ye. Baa ne yãmb sẽn pʋʋsd n yɩlemdẽ wã, mam ka kelgd ye. Yãmb nusã pida ne zɩɩm.” (Ezayi 1:15) Tags-y n ges-y-yã! A Zeova ra pa kelgd b pʋʋsgã meng ye. D pa rat n maan bũmb sẽn na n sãam tõnd ne a Zeova zoodã, t’a pa le sõngd tõndo, sẽn yɩɩd fãa, d sã n wa bẽedẽ ye. (Yɩɩn-sõamyã 41:4) Dẽnd nand tɩ d sak tɩbsgo, d tog n bãnga sã n pa naag ne zĩn-dãmb yɛla. (Matiye 6:13) Sã n mik tɩ naagame, baa yaa bilfu, d pa tog n sak ye.—Ges-y Vẽnegr 32.
KIBAY SẼN GOMD ZĨN-DÃMB YELLE
19. Bõe n kɩt tɩ neb wʋsg zoet a Sʋɩtãana?
19 Neb kẽer tẽedame t’a Sʋɩtãan ne zĩn-dãmbã pa be ye. La sãnda miime tɩ b beeme, bala b yãa zĩn-dãmbã sẽn tõe n maane. Zĩn-dãmbã kẽesda neb wʋsg rabeem, tɩ rẽ kɩt tɩ b tẽed bũmb toor-toor sẽn yaa ziri. Neb sãnda me yɛɛsdame, bala b kelga soalem bɩ kibay sẽn wilgd tɩ zĩn-dãmb n maan neb wẽnga. Naoor wʋsgo, soalem bɩ kibay a woto nooma neba, tɩ b rɩkd n togsd b taaba. Kɩtame tɩ nebã zoet a Sʋɩtãana.
20. Bõe la tõnd tõe n wa maan tɩ yaa wa d sõngda a Sʋɩtãan n yelgd a ziri wã?
20 A Sʋɩtãan ratame tɩ nebã zoe-a. (2 Tesalonik rãmbã 2:9, 10) Yaa ziri yagd sẽn mi a sẽn na n maan to-to n tudg neb nins sẽn maand zĩn-dãmb yɛlã, n kɩt tɩ b tẽed bũmb sẽn pa sɩda. Nin-kãens tõe n tẽedame tɩ b yãa bũmbu, wall b wʋma koeese, hal n dɩk rẽ n togsd neb a taaba. Neb nins sẽn wʋma na n paasa b mens tagsgo, n dɩk n togs neb a taab me. Bilf-bilfã kibay-kãens na n yelga zĩig fãa, n kẽes nebã rabeem. Tõnd me sã n naag n yelg kiba-kãensã, tõnd sõngda a Sʋɩtãan.—Zã 8:44; 2 Tɩmote 2:16.
21. Bõe yell la d segd n nong n gomda?
21 Ned sã n da maand zĩn-dãmb yɛl n yaool n lebg a Zeova Kaset soaba, a pa tog n dɩk a sẽn da maandã n togs neb a taabã, baa reem pʋgẽ ye. A Sʋɩtãan ne a zĩn-dãmbã sẽn maandã pa tog n yɛɛs a Zeova nin-buiidã ye. D tog n tagsa a Zeezi yelle, la d tags pãng ning a Zeova sẽn kõ-a wã me yelle. (Ebre-rãmbã 12:2) A Zeezi sẽn da be tẽng zugã, a ra pa togsd a karen-biisã kibay zĩn-dãmbã wɛɛngẽ ye. Sẽn da pak-a n yɩɩd yaa a taas nebã Rĩungã koɛɛgã, la a gom “Wẽnnaam bõn-kãsemsã” yelle.—Tʋʋma 2:11, MN; Luk 8:1; Rom dãmbã 1:11, 12.
22. Bõe la y yãk yam n na n maane?
22 D ra tol n yĩm t’a Sʋɩtãan sẽn dat n yɩɩd yaa a sãam tõnd ne a Zeova zoodã. A maanda a sẽn tõe rẽ yĩnga. La tõnd mii a sɩlmã fãa. D pa na n kẽes d mens zĩn-dãmb yɛlẽ baa bilfu. D pa na n ‘kõ a Sʋɩtãan weer ye.’ (Karm-y Efɛɛz rãmb 4:27, MN.) Hakɩɩka, d sã n kɩɩs a Sʋɩtãanã, a pa na n tõog n bẽd tõnd ye. La sẽn yɩɩda, d na n paamame t’a Zeova kogl-do.—Efɛɛz rãmbã 6:11.