Tõnd biru-kãsengã bee Etazĩni, Amerik soolmẽ wã. La tõnd tũudmã pa Etazĩni tũudum ye. Ad bʋʋm a wãn sẽn wilgd rẽ:

•   A Zeova Kaset rãmbã pa kiris-neb ne yʋʋrã tũudum sull ye. Bala, tõnd tũuda Wẽnnaam, wa pipi kiris-nebã sẽn da tũud-a to-to wã.

•   A Zeova Kaset rãmbã moonda koɛɛgã tẽns 230 la zak pʋgẽ. Tõnd sẽn be tẽng ning fãa, d sakda Wẽnnaam a Zeova ne a Zeezi Kirisi. D pa sakd Etazĩni goosneema wã bɩ ninsaalb goosneema buud baa a ye, n yɩɩd Wẽnnaam ne a Bi-riblã ye.—Zã 15:19; 17:15, 16.

•   Tõnd sẽn zãmsd nebã bũmb ninsã tika Biiblã. B pa tik Etazĩni tũudum taoor soab goam ye.—1 Tesalonik-rãmbã 2:13.

•   Tõnd tũuda a Zeezi Kiris, d pa tũud ninsaal baa a yembr ye.—Matye 23:8-10.