बायबलचा हा अभ्यास सुरू केल्यापासून तुम्हाला देवाच्या आणखी जवळ आल्यासारखं वाटतं का? त्याच्यासोबतचं हे नातं तुम्हाला पुढेही मजबूत करत राहायचंय का? तर मग हे नेहमी लक्षात असू द्या, की तुम्ही यहोवावर किती प्रेम करता हे तो पाहू शकतो. तुम्ही त्याच्यावर जितकं जास्त प्रेम कराल, तितकंच तोही तुमच्यावर प्रेम करेल आणि तुमची काळजी घेईल. पण तुमचं यहोवावर प्रेम आहे हे तुम्ही कसं दाखवू शकता?

१. यहोवावर आपलं प्रेम आहे हे आपण त्याला कसं दाखवतो?

जेव्हा आपण यहोवाच्या आज्ञा पाळतो, तेव्हा आपण दाखवतो की आपलं त्याच्यावर प्रेम आहे. (१ योहान ५:३ वाचा.) तो कोणालाही त्याच्या आज्ञा पाळायची जबरदस्ती करत नाही. याउलट, त्याच्या आज्ञा पाळायच्या की नाही याचा निर्णय तो आपल्यावर सोडतो. कारण त्याची इच्छा आहे की आपण त्याच्या आज्ञांचं “मनापासून पालन” करावं. (रोमकर ६:१७) म्हणजेच, त्याच्या आज्ञा फक्‍त पाळाव्या लागतात म्हणून नाही, तर त्याच्यावर प्रेम असल्यामुळे आपण त्या पाळाव्यात असं त्याला वाटतं. यहोवाला आवडणाऱ्‍या गोष्टी करून आणि त्याला न आवडणाऱ्‍या गोष्टींपासून दूर राहून, तुम्ही दाखवू शकता की तुमचं त्याच्यावर प्रेम आहे. या पुस्तकातले भाग ३ आणि ४ तुम्हाला नेमकं हेच करण्यासाठी मदत करतील.

२. यहोवावर आपलं प्रेम आहे हे दाखवणं कधीकधी कठीण का जाऊ शकतं?

“नीतिमान माणसावर बरेच कठीण प्रसंग येतात.” (स्तोत्र ३४:१९) चांगलं ते करण्याची इच्छा असूनही आपल्या सगळ्यांच्याच हातून बऱ्‍याच वेळा चुका होतात. यासोबतच आपल्याला आर्थिक अडचणी, दुसऱ्‍यांकडून वाईट वागणूक आणि अशाच इतर समस्यांचाही सामना करावा लागू शकतो. असा एखादा कठीण प्रसंग येतो तेव्हा यहोवाच्या इच्छेप्रमाणे वागणं आपल्याला कदाचित अवघड जाईल. याउलट, त्याला न आवडणारी गोष्ट करणं त्या वेळी आपल्याला सोपं वाटेल. पण कठीण परिस्थितीतही जेव्हा तुम्ही यहोवावर विश्‍वास ठेवून त्याच्या आज्ञेप्रमाणे वागता, तेव्हा तुम्ही हे दाखवून देता की तुमचं त्याच्यावर सगळ्यात जास्त प्रेम आहे. शिवाय, तुम्ही हेही दाखवता की तुम्ही त्याला एकनिष्ठ आहात. आणि जेव्हा तुम्ही असं कराल, तेव्हा तोही तुम्हाला एकनिष्ठ राहील आणि तुमची साथ कधीही सोडणार नाही.—स्तोत्र ४:३ वाचा.

४. यहोवाला आनंद होईल असं वागा

नीतिवचनं २७:११ वाचा, आणि मग या प्रश्‍नांवर चर्चा करा:

• आपण यहोवाच्या आज्ञा पाळतो आणि चांगलं वागतो तेव्हा त्याला कसं वाटतं? आणि का?

 ५. यहोवाला नेहमी एकनिष्ठ राहा

६. यहोवाच्या आज्ञा पाळल्यामुळे आपल्याला फायदा होतो

यहोवाच्या आज्ञा पाळणं नेहमीच चांगलं असतं. यशया ४८:१७, १८ वाचा, आणि मग या प्रश्‍नांवर चर्चा करा:

• यहोवा जे काही सांगतो ते नेहमी आपल्या भल्यासाठीच असतं असं तुम्हाला वाटतं का? आणि तुम्हाला असं का वाटतं?

• बायबलचा अभ्यास केल्यामुळे आणि खऱ्‍या देवाबद्दल, म्हणजेच यहोवाबद्दल शिकून घेतल्यामुळे आतापर्यंत तुम्हाला कोणते फायदे झाले आहेत?

 थोडक्यात

जेव्हा आपण यहोवाच्या आज्ञा पाळतो आणि कठीण परिस्थितीतही त्याला एकनिष्ठ राहतो, तेव्हा आपण हे दाखवतो की आपलं त्याच्यावर प्रेम आहे.

उजळणी

• ईयोबच्या उदाहरणावरून तुम्हाला काय शिकायला मिळालं?

• तुमचं यहोवावर प्रेम आहे हे तुम्ही कसं दाखवाल?

• यहोवाला एकनिष्ठ राहायला तुम्हाला कशामुळे मदत होईल?