प्रामाणिक लोक सगळ्यांनाच आवडतात. यहोवाचीही अशी इच्छा आहे की जे त्याच्याशी मैत्री करतात, त्यांनी प्रामाणिक असावं. पण आज प्रामाणिक राहणं सोपं नाही. कारण जगात बहुतेक लोक अप्रामाणिक आहेत. असं असलं तरी, सर्व गोष्टींत प्रामाणिक राहिल्यामुळे बरेच फायदे होतात.

१. प्रामाणिक राहण्याचं सगळ्यात महत्त्वाचं कारण कोणतं आहे?

आपण जेव्हा दुसऱ्‍यांशी प्रामाणिकपणे वागतो तेव्हा आपण यहोवाला हे दाखवून देतो, की आपलं त्याच्यावर प्रेम आहे आणि आपण त्याचा आदर करतो. आपण काय विचार करतो आणि कसं वागतो हे सगळं यहोवाला माहीत असतं. (इब्री लोकांना ४:१३) आणि जेव्हा आपण प्रामाणिकपणे वागायचं निवडतो तेव्हा तो त्याकडे लक्ष देतो आणि त्याला खूप आनंद होतो. बायबलमध्ये असं म्हटलंय: “यहोवाला कपटी माणसाची घृणा वाटते, पण सरळ माणसाशी त्याची जवळची मैत्री असते.”—नीतिवचनं ३:३२.

२. दररोजच्या जीवनात आपण प्रामाणिक कसं राहू शकतो?

यहोवाची इच्छा आहे की आपण ‘एकमेकांसोबत खरं बोलावं.’ (जखऱ्‍या ८:१६, १७) म्हणून जेव्हा आपण आपल्या घरातल्या लोकांशी, सहकाऱ्‍यांशी, ख्रिस्ती भाऊ-बहिणींशी किंवा सरकारी अधिकाऱ्‍यांशी बोलतो तेव्हा आपण कधीही खोटं बोलू नये किंवा त्यांची दिशाभूल करू नये. प्रामाणिक लोक कधीच दुसऱ्‍यांच्या वस्तू चोरत नाहीत किंवा त्यांना फसवत नाहीत. (नीतिवचनं २४:२८ आणि इफिसकर ४:२८ वाचा.) तसंच, ते कर भरण्याच्या बाबतीत कधीच सरकारची फसवणूक करत नाहीत. (रोमकर १३:५-७) अशा प्रकारे, आपण “सर्व गोष्टींत प्रामाणिकपणे” वागतो.—इब्री लोकांना १३:१८.

३. प्रामाणिक राहिल्यामुळे कोणते फायदे होतात?

आपण प्रामाणिक आहोत हे जेव्हा लोकांना माहीत असतं तेव्हा ते आपल्यावर भरवसा ठेवतात. आपण प्रामाणिकपणे वागतो तेव्हा संपूर्ण मंडळीला फायदा होतो. यामुळे मंडळीतले सगळे जण एका प्रेमळ कुटुंबाप्रमाणे एकमेकांवर भरवसा ठेवू शकतात. तसंच आपला विवेकही शुद्ध राहतो. शिवाय आपण प्रामाणिकपणे वागल्यामुळे, “आपला तारणकर्ता देव याच्या शिक्षणाला शोभा” येते. आणि जे साक्षीदार नाहीत तेसुद्धा खऱ्‍या उपासनेकडे आकर्षित होतात.—तीत २:१०.

 आणखी जाणून घेऊ या

५. नेहमी प्रामाणिकपणे वागा

 ६. प्रामाणिक राहिल्यामुळे आपल्याला फायदा होतो

प्रामाणिक राहिल्यामुळे कधीकधी सुरुवातीला काही समस्या येऊ शकतात. पण पुढे जाऊन आपला नेहमी फायदाच होईल. स्तोत्र ३४:१२-१६ वाचा, आणि मग या प्रश्‍नावर चर्चा करा:

• प्रामाणिक राहिल्यामुळे तुम्हाला कोणते फायदे होतील?

1. १. प्रामाणिक पती-पत्नी आपलं नातं मजबूत करतात

2. २. प्रामाणिक कर्मचारी आपल्या मालकाचा भरवसा जिंकतात

3. ३. प्रामाणिक नागरिक अधिकाऱ्‍यांच्या नजरेत चांगलं नाव कमावतात

 थोडक्यात

यहोवाची अशी इच्छा आहे की त्याच्यासोबत मैत्री करणाऱ्‍यांचं वागणं आणि बोलणं नेहमी प्रामाणिक असलं पाहिजे.

उजळणी

• दररोजच्या जीवनात आपण प्रामाणिक कसं राहू शकतो?

• आपण सत्य लपवू शकतो असा विचार करणं चुकीचं का आहे?

• तुम्हाला काय वाटतं, सर्व गोष्टींत प्रामाणिक राहणं चांगलं का आहे?