बायबल हे देवाचे वचन आहे. त्यात आपल्यासाठी त्याचा संदेश आहे. जीवनात यशस्वी कसे होता येईल आणि देवाची संमती कशी मिळवता येईल ते या माहितीपत्रकात सांगण्यात आले आहे. पुढील प्रश्‍नांची उत्तरेदेखील त्यात देण्यात आली आहेत:

बायबल हे ६६ लहान-लहान पुस्तकांचे मिळून बनले आहे. त्याचे दोन भाग करण्यात आले आहेत: हिब्रू-अरेमिक शास्त्रवचने (“जुना करार”) आणि ख्रिस्ती ग्रीक शास्त्रवचने (“नवा करार”). प्रत्येक पुस्तकाचे अध्याय आणि वचने असे विभाजन करण्यात आले आहे. बायबलमधील वचनांचा उल्लेख केला जातो तेव्हा, पुस्तकाच्या नावानंतरचा पहिला आकडा म्हणजे त्या पुस्तकाचा अध्याय, दुसरा आकडा किंवा आकडे म्हणजे वचन अथवा वचने. जसे की, उत्पत्ति १:१ म्हणजे उत्पत्ति अध्याय १ आणि वचन १.