आम्ही मदत करू इच्छितो

यहोवाच्या साक्षीदारांच्या कार्याची आणि पवित्र शास्त्राबाबत तुमचे ज्ञान वाढविण्यासाठी त्यांनी केलेल्या व्यवस्थेची तुम्हाला अधिक चांगली माहिती करून देण्यासाठी या माहिती पत्रकाची तरतूद करण्यात आली आहे. यहोवाचे साक्षीदार तुम्हाला भेटून गेले असतील वा रस्त्यावर किंवा इतरत्र तुम्ही त्यांच्याशी बोलला असाल. कदाचित एखादा साक्षीदार सध्या तुमच्यासोबत अभ्यासहि करीत असेल.

देवाच्या राज्याविषयी ते विदित करीत असलेल्या संदेशाची घोषणा सर्व जगभर होत असल्याचे तुम्हाला माहीत होते का? पण हा संदेश देण्याचे कारण? सर्व राष्ट्रातील लोकांनी एकतेने आपली उपासना करावी असे देवाला, आपल्या सृष्टीकर्त्याला वाटते हे ते कारण आहे. त्याने आपल्या काळाबद्दल सांगितले होतेः “देशोदेशातील लोकांच्या झुंडी जातील व म्हणतीलः ‘चला, आपण यहोवाच्या पर्वतावर, याकोबाच्या देवाच्या मंदिराकडे चढून जाऊ. तो आम्हास आपले मार्ग शिकवो, म्हणजे आम्ही त्याच्या पथांनी चालू.’”—यशया २:२, ३.

देवाच्या मार्गाविषयी तुम्हाला सांगण्याचे यहोवाच्या साक्षीदारांचे कार्य ही याच भविष्यवाणीची पूर्तता आहे. या कार्याचे महत्व आज काय आहे व त्यापासून तुम्हाला कसा फायदा होईल हे पुढील पानांवर दर्शविलेले आहे.