दृष्टान्तातून प्रत्येकाला याचं आश्‍वासन मिळालं, की तो आपल्या मायदेशात परत जाईल तेव्हा त्याला देशाच्या जमिनीचा वाटा वारसा म्हणून नक्की मिळेल. त्याचप्रमाणे आज आध्यात्मिक देशात यहोवाच्या सगळ्या सेवकांना महत्त्वाचं स्थान आहे. यहोवाच्या संघटनेत आपली भूमिका कितीही लहान असली, तरी प्रत्येकाची सेवा मौल्यवान आहे. यहोवा आपल्या सगळ्या सेवकांवर सारखंच प्रेम करतो.

यहेज्केलच्या दृष्टान्तात, देशाच्या जमिनीची वाटणी अशा प्रकारे करण्यात आली होती ज्यामुळे सगळ्या वंशांना देशाच्या सुपीक जमिनीचा आणि मुबलक पाण्याचा एकसारखा फायदा होईल. त्याचप्रमाणे आज यहोवाने आपल्या सगळ्या सेवकांना आध्यात्मिक नंदनवनात राहण्याची आणि त्याचे आशीर्वाद अनुभवण्याची एकसारखी संधी दिली आहे.