आमोस ३:१-१५
३ “हे इस्राएली लोकांनो, यहोवाने तुमच्याविषयी, म्हणजे त्याने इजिप्त देशातून बाहेर आणलेल्या सबंध घराण्याविषयी सांगितलेला हा संदेश ऐका:
२ ‘पृथ्वीवरच्या सर्व घराण्यांपैकी मी फक्‍त तुमच्याच घराण्याला ओळखतो.+
म्हणूनच तुमच्या सर्व अपराधांबद्दल मी तुमच्याकडून हिशोब घेईन.+
३ जर दोन जणांनी भेटायचंच ठरवलं नसेल, तर ते सोबत चालू शकतील का?
४ जंगलात शिकार नसेल, तर सिंह गर्जना करेल का?
तरुण सिंहाने* काही पकडलं नसेल, तर तो गुहेतून गुरगुरेल का?
५ जर जमिनीवर सापळाच लावला नसेल,* तर पक्षी त्यात अडकेल का?
सापळ्यात काही अडकलं नाही, तर तो सापळा जमिनीवरून वर उडेल का?
६ शहरात शिंग फुंकलं गेलं, तर लोक थरथर कापत नाहीत का?
शहरावर विपत्ती आली, तर ती यहोवानेच आणलेली नाही का?
७ कारण सर्वोच्च प्रभू यहोवा आपल्या मनातली गोष्ट*आपल्या सेवकांना, म्हणजे संदेष्ट्यांना सांगितल्याशिवाय, काहीही करणार नाही.+
८ सिंह गरजला आहे!+ मग कोण घाबरणार नाही?
सर्वोच्च प्रभू यहोवा बोलला आहे! मग कोण भविष्यवाणी करणार नाही?’+
९ ‘अश्‍दोदच्या बुरुजांवरून घोषणा कराआणि इजिप्तच्या बुरुजांवरून जाहीर करा.
असं म्हणा: “शोमरोनच्या पर्वतांविरुद्ध एकत्र या;+शहरात माजलेला गोंधळआणि तिथे चाललेली फसवणूक पाहा.+
१० कारण योग्य ते कसं करायचं हे त्यांना माहीत नाही,” असं यहोवा म्हणतो,“ते आपल्या बुरुजांमध्ये हिंसाचार आणि विनाश साठवत आहेत.”’
११ म्हणून सर्वोच्च प्रभू यहोवा असं म्हणतो,‘देशाला एक शत्रू घेरेल,+तो तुमची शक्‍ती हिरावून घेईलआणि तुमचे बुरूज लुटले जातील.’+
१२ यहोवा म्हणतो,‘मेंढपाळ जसा सिंहाच्या जबड्यातून फक्‍त दोन पाय आणि कानाचा तुकडा खेचून घेतो,तसंच, जे आज शोमरोनमध्ये आपल्या सुंदर पलंगांवर आणि दिवाणांवर* बसले आहेत,+त्या इस्राएली लोकांपैकी फक्‍त काही जणांना वाचवलं जाईल.’
१३ सैन्यांचा देव, सर्वोच्च प्रभू यहोवा म्हणतो, ‘ऐका आणि याकोबच्या घराण्याला ताकीद द्या.’*
१४ ‘कारण इस्राएलने केलेल्या सर्व बंडांसाठी* ज्या दिवशी मी त्याच्याकडून हिशोब मागीन,+त्या दिवशी मी बेथेलच्या वेदींचाही नाश करीन;+मी प्रत्येक वेदीची शिंगं कापून टाकीन आणि ती जमिनीवर पडतील.+
१५ उन्हाळ्याच्या घरासोबत मी हिवाळ्याचं घरही पाडून टाकीन.’
‘हस्तिदंताची घरं नष्ट होतील,+आणि आलिशान* घरांचाही नाश होईल,’+ असं यहोवा म्हणतो.”
तळटीपा
^ किंवा “आयाळ असलेल्या तरुण सिंहाने.”
^ किंवा कदाचित, “त्यात आमिष लावलं नसेल.”
^ किंवा “त्याचं गुपित.”
^ किंवा “दिमिष्कच्या दिवाणांवर.”
^ किंवा “घराण्याविरुद्ध साक्ष द्या.”
^ किंवा “अपराधांसाठी.”
^ किंवा कदाचित, “पुष्कळ.”
