ईयोब १७:१-१६
१७ माझी शक्‍ती नाहीशी झाली आहे, माझे दिवस संपले आहेत;कबर माझी वाट पाहत आहे.+
२ थट्टा करणाऱ्‍यांनी मला घेरलंय.+
माझ्या डोळ्यांना त्यांचा बंडखोरपणा पाहावा लागतोय.*
३ कृपा करून, माझ्यासाठी जामीन राहा.
कारण दुसरा कोण माझ्याशी हात मिळवून माझ्यासाठी जामीन राहील?+
४ तू त्यांच्या हृदयापासून समंजसपणा लपवून ठेवला आहेस;+म्हणून तू त्यांना वरचढ होऊ देत नाहीस.
५ असे लोक आपली संपत्ती मित्रांमध्ये वाटत फिरतात,पण त्यांच्या मुलांची नजर अंधूक होते.
६ त्याने मला लोकांमध्ये थट्टेचा विषय* बनवलंय,+म्हणून ते लोक माझ्या तोंडावर थुंकतात.+
७ चिंतेमुळे माझे डोळे कमजोर झाले आहेत,+माझं शरीर हाडांचा सापळा झालंय.
८ हे पाहून प्रामाणिक लोकांना आश्‍चर्य वाटतं,निर्दोष माणसाला दुष्टामुळे* राग येतो.
९ नीतिमान आपल्या मार्गाला धरून राहतो,+ज्याचे हात निर्दोष आहेत, तो ताकदवान होत जातो.+
१० तुम्ही सगळे या आणि तुमचा वादविवाद पुन्हा सुरू करा,मला तर तुमच्यापैकी कोणीही बुद्धिमान वाटत नाही.+
११ माझे दिवस संपले आहेत;+माझ्या योजना, मनातल्या इच्छा धुळीला मिळाल्या आहेत.+
१२ ‘काळोख आहे तर लवकरच दिवस उजाडेल,’ असं म्हणून,ते रात्रीला दिवस म्हणत राहतात.
१३ मी आणखी थोडा वेळ थांबलो, तर कबर* माझं घर होईल;+मी माझा बिछाना अंधारात पसरीन.+
१४ मी खड्ड्याला*+ म्हणीन, ‘तू माझा बाप आहेस!’
मी अळीला म्हणीन, ‘तू माझी आई आणि बहीण आहेस!’
१५ मग माझ्यासाठी आशाच कुठे आहे?+
कोणाला माझ्यासाठी काही आशा दिसते का?
१६ ती* खाली, कबरेच्या* फाटकांपलीकडे जाईलमीही तिच्यासोबत धुळीला मिळेन.”+
तळटीपा
^ किंवा “लक्ष द्यावं लागतंय.”
^ शब्दशः “म्हण; वाक्प्रचार.”
^ किंवा “देवाला सोडून देणाऱ्‍यामुळे.”
^ हिब्रू भाषेत “शिओल.” शब्दार्थसूची पाहा.
^ किंवा “कबरेला.”
^ म्हणजे, माझी आशा.
^ हिब्रू भाषेत “शिओल.” शब्दार्थसूची पाहा.
