ईयोब १८:१-२१
१८ मग बिल्दद+ शूही याने उत्तर दिलं:
२ “तुमची ही भाषणं कधी थांबणार?
थोडा तरी समजूतदारपणा दाखवा, म्हणजे आपण बोलू.
३ आम्हाला जनावरांसारखं;+मूर्ख* माणसांसारखं का समजता?
४ तुम्ही जरी रागाने स्वतःचे तुकडेतुकडे केले,तरी तुमच्यासाठी पृथ्वी ओसाड पडेल का?
आणि खडक आपल्या जागेवरून हलेल का?
५ दुष्ट माणसाचा प्रकाश विझून जाईल,त्याच्या ज्वालेचं तेज नाहीसं होईल.+
६ त्याच्या तंबूतला प्रकाश अंधूक होईल,त्याचा दिवा विझून जाईल.
७ त्याला भरभर पावलं टाकता येणार नाहीत,तो स्वतःच्याच योजनांमुळे अडखळून पडेल.+
८ कारण त्याची पावलं त्याला जाळ्याकडे नेतील,आणि चालता-चालता त्याचा पाय अडकेल.
९ त्याची टाच सापळ्यात अडकेल;आणि तो पाशात पकडला जाईल.+
१० त्याच्यासाठी जमिनीवर दोरी लपवलेली असते;त्याच्या वाटेवर सापळा रचून ठेवलेला असतो.
११ भय त्याला सर्व बाजूंनी घेरतं;+भीती त्याचा पाठलाग करते.
१२ त्याची ताकद नाहीशी होते,संकटामुळे+ त्याचे पाय लटपटतात.*
१३ त्याची त्वचा सडून जाते;त्याच्या हातापायांना अतिशय भयानक रोग* जडतो.
१४ त्याला त्याच्या सुरक्षित तंबूमधून बाहेर काढून,+भयांच्या राजाकडे* नेलं जातं.
१५ त्याच्या तंबूत परके लोक* राहतील;त्याच्या घरावर गंधक विखरला जाईल.+
१६ त्याची मुळं सुकून जातील,त्याच्या फांद्या कोमेजून जातील.
१७ पृथ्वीवर त्याची आठवण राहणार नाही,कोणालाही त्याचं नाव लक्षात राहणार नाही.*
१८ त्याला उजेडातून अंधारात हाकलून दिलं जाईलसुपीक देशातून त्याला घालवून दिलं जाईल.
१९ त्याला मुलंबाळं किंवा वंशज नसतील,त्याच्या देशात* त्याचा कोणीही वारस उरणार नाही.
२० त्याच्या संकटाच्या दिवशी पश्चिमेकडचे लोक सुन्न होतीलआणि पूर्वेकडचे लोक भीतीने थरथर कापतील.
२१ देवाला न ओळखणाऱ्या माणसाच्या ठिकाणाचीआणि दुष्टाच्या तंबूंची हीच दशा होईल.”
तळटीपा
^ किंवा कदाचित, “अशुद्ध.”
^ किंवा “तो लंगडत चालतो.”
^ शब्दशः “मृत्यूचा प्रथम जन्मलेला.”
^ किंवा “भयानक मृत्यूकडे.”
^ शब्दशः “जे त्याचं नाही.”
^ शब्दशः “त्याला नाव नसेल.”
^ किंवा “तात्पुरत्या राहण्याच्या ठिकाणी.”