ईयोब ३५:१-१६
३५ अलीहू पुढे म्हणाला:
२ “‘मी देवापेक्षा जास्त नीतिमान आहे,’
हे तुझं म्हणणं योग्य असल्याची तुला खातरी आहे का?+
३ कारण तू म्हणतोस, ‘तुला* काय फरक पडतो?
मी पाप केलं नाही, तरी मला काय फायदा झाला?’+
४ मी तुला उत्तर देईन,आणि तुझ्या सोबत्यांनाही.+
५ वर आकाशाकडे पाहा!
तुझ्यापेक्षा फार उंचावर असलेले ढग निरखून पाहा.+
६ तू पाप केलंस, तरी देवाचं काय नुकसान होईल?+
तू कितीही अपराध केलेस, तरी त्याचं काय बिघडवशील?+
७ तू नीतीने वागल्यामुळे त्याला काय मिळेल?
तुझ्याकडून त्याला काय फायदा होईल?+
८ तुझ्या दुष्टतेमुळे फक्त तुझ्यासारख्या मानवाचं नुकसान होतं
आणि तू नीतीने वागल्यामुळे एखाद्या माणसाचाच फायदा होऊ शकतो.
९ अत्याचार वाढला, की लोक आरडाओरड करतात;बलवानांच्या जुलमापासून* सुटकेसाठी ते आक्रोश करतात.+
१० पण ‘ज्याच्यासाठी रात्रीही स्तुतिगीतं गायली जातात,+तो माझा देव, माझा महान निर्माणकर्ता कुठे आहे?’ असं कोणीच म्हणत नाही.+
११ पृथ्वीवरच्या पशूंपेक्षा+ तो आपल्याला जास्त शिकवतो,+आणि आकाशातल्या पक्ष्यांपेक्षा तो आपल्याला जास्त बुद्धिमान बनवतो.
१२ लोक आक्रोश करतात, पण ते गर्विष्ठ आणि दुष्ट असल्यामुळे+तो त्यांना उत्तर देत नाही.+
१३ कपटी मनाने केलेली प्रार्थना देव नक्कीच ऐकत नाही;*+सर्वशक्तिमान देव अशा प्रार्थनेकडे लक्ष देत नाही.
१४ मग, तू त्याला पाहू शकत नाही, या तुझ्या तक्रारीकडे तो लक्ष देईल का?+
तुझा खटला त्याच्यासमोर आहे, तेव्हा तू त्याची भीतभीत वाट पाहा.+
१५ कारण त्याने रागाच्या भरात तुझ्याकडून हिशोब मागितला नाही;आणि तुझ्या अहंकाराकडे लक्ष दिलं नाही.+
१६ ईयोब विनाकारण बडबड करतो;आणि ज्ञान नसताना बोलत सुटतो.”+
तळटीपा
^ हे कदाचित देवाला सूचित करत असावं.
^ शब्दशः “हातापासून.”
^ किंवा “देव लबाडी नक्कीच ऐकत नाही.”