ईयोब ४०:१-२४
४० यहोवा ईयोबला पुढे म्हणाला:
२ “दोष लावणाऱ्‍याने सर्वशक्‍तिमान देवाशी वाद घालावा का?+
ज्याला देवाची चूक दाखवायची असेल, त्याने उत्तर द्यावं.”+
३ तेव्हा ईयोब यहोवाला म्हणाला:
४ “माझी काहीच लायकी नाही.+
मी तुला काय उत्तर देणार?
मी आपला हात तोंडावर ठेवतो.+
५ मी एकदा बोललो, पण पुन्हा उत्तर देणार नाही;मी दुसऱ्‍यांदाही बोललो, पण आता मी काही बोलणार नाही.”
६ मग यहोवाने वादळातून ईयोबला उत्तर दिलं:+
७ “चल, आता मर्दासारखी कंबर कस;मी प्रश्‍न विचारतो आणि तू मला उत्तर दे.+
८ तू माझ्या न्यायीपणावर शंका घेतोस का?*
स्वतःला निर्दोष ठरवण्यासाठी, तू मला दोषी ठरवतोस का?+
९ तुझा हात देवाइतका ताकदवान आहे का?+
तू त्याच्यासारखी गर्जना करू शकतोस का?+
१० तुझं तेज आणि ऐश्‍वर्य दाखव;तुझा महिमा आणि वैभव प्रकट कर.
११ तुझ्या क्रोधाची आग भडकू दे;प्रत्येक गर्विष्ठ माणसाकडे बघ आणि त्याला धूळ चार.
१२ प्रत्येक गर्विष्ठ माणसाकडे बघ आणि त्याला नमव,दुष्टाला जागच्या जागी चिरडून टाक.
१३ त्या सर्वांना मातीला मिळव;त्यांना* बांधून काळोख्या जागी टाक.
१४ मग, तुझा उजवा हात तुला वाचवू शकतो,हे मीही मान्य करीन.*
१५ हा बेहेमोथ* बघ; तुझ्याप्रमाणेच मी त्यालाही बनवलं.
तो बैलासारखा गवत खातो.
१६ त्याच्या पायात किती ताकद आहे!
बघ, त्याच्या पोटाचे स्नायू किती बळकट आहेत!
१७ त्याची शेपटी देवदार वृक्षासारखी कडक आहे;त्याच्या मांड्यांचे स्नायू किती पीळदार आहेत!
१८ त्याची हाडं तांब्याच्या नळ्यांसारखी आहेत;त्याचे पाय लोखंडाच्या गजांसारखे आहेत.
१९ शक्‍तिशाली प्राण्यांमध्ये देवाने त्याला सर्वातआधी निर्माण केलं;त्याच्यापुढे तलवार घेऊन फक्‍त त्याचा निर्माणकर्ता जाऊ शकतो.
२० जिथे सर्व जंगली प्राणी बागडतात,त्या पर्वतांवरून त्याला अन्‍न मिळतं.
२१ तो कमळाच्या वेलींखाली पडून असतो;दलदलीतल्या लव्हाळ्यांखाली* राहतो.
२२ कमळाच्या वेली त्याला सावली देतातआणि दऱ्‍याखोऱ्‍यांतली झाडं त्याच्या अवतीभवती असतात.
२३ नदीला पूर आला तरी तो घाबरत नाही.
यार्देनच्या+ जोरदार प्रवाहाला तो धीटपणे तोंड देतो.
२४ तो सावध असताना कोणी त्याला पकडू शकतं का?
किंवा त्याच्या नाकात आकडा* घालून त्याला धरू शकतं का?
तळटीपा
^ किंवा “माझा न्याय रद्द करतोस का?”
^ शब्दशः “त्यांची तोंडं.”
^ किंवा “याबद्दल मीही तुला शाबासकी देईन.”
^ कदाचित पाणघोडा.
^ शब्दार्थसूचीत “पपायरस गवत” पाहा.
^ शब्दशः “पाश.”
