ईयोब ८:१-२२
८ मग बिल्दद+ शूही+ म्हणाला:
२ “कधीपर्यंत तू असाच बोलत राहणार?+
तुझे शब्द सोसाट्याच्या वाऱ्‍यासारखे आहेत!
३ देव अन्याय करेल का?
किंवा सर्वशक्‍तिमान देव अनीतीने वागेल का?
४ तुझ्या मुलांनी त्याच्याविरुद्ध पाप केलं असेल,आणि त्यांच्या बंडामुळे त्याने त्यांना शिक्षा दिली असेल;
५ पण तरीही जर तू देवाकडे मदत मागितलीस+आणि सर्वशक्‍तिमान देवाकडे कृपेसाठी याचना केलीस,
६ आणि जर तू खरोखर शुद्ध आणि प्रामाणिक असशील,+तर तो नक्की तुझ्याकडे लक्ष देईलआणि तुझ्या हक्काचं स्थान तुला परत मिळवून देईल.
७ आणि जरी तुझी सुरुवात लहान असली,तरी तुझं भविष्य महान असेल.+
८ तुझ्या आधीच्या पिढीच्या लोकांना विचार,त्यांच्या वाडवडिलांनी ज्या गोष्टी शोधून काढल्या, त्यांकडे लक्ष दे.+
९ कारण आपला जन्म तर काल-परवाचा आहे, आणि आपल्याला काहीच माहीत नाही,पृथ्वीवरचं आपलं आयुष्य सावलीसारखं आहे.
१० ते तुला शिकवणार नाहीत का?
त्यांना माहीत असलेल्या गोष्टी ते तुला सांगणार नाहीत का?*
११ दलदल नसेल तर लव्हाळं* उंच वाढेल का?
पाण्याशिवाय गवत उंच वाढेल का?
१२ जरी त्यांना कळ्या आल्या असल्या,तरी ते इतर झाडांच्या आधी सुकून जातील.
१३ देवाला विसरणाऱ्‍या सर्वांची अशीच परिस्थिती होईल,*कारण दुष्टाची* आशा नष्ट होईल.
१४ तो व्यर्थ गोष्टींवर भरवसा ठेवतोत्याचा भरवसा कोळ्याच्या जाळ्यासारखा* नाजूक आहे.
१५ तो त्याच्या घराला टेकेल, पण ते तुटून जाईल;तो त्याला पकडण्याचा प्रयत्न करेल, पण ते टिकणार नाही.
१६ तो सूर्यप्रकाशातल्या एखाद्या कोवळ्या झाडासारखा आहे,त्याच्या फांद्या बागेत सगळीकडे पसरतात.+
१७ त्याची मुळं दगडाच्या ढिगाऱ्‍यांमध्ये गुंततात;तो आपलं घर दगडांमध्ये शोधतो.
१८ पण जेव्हा त्याला त्याच्या ठिकाणावरून उपटलं जाईल,तेव्हा ते ठिकाण त्याला नाकारून म्हणेल, ‘मी तुला कधीच पाहिलं नाही.’+
१९ हो, तो अशाच प्रकारे नाहीसा होईल;+मग त्याच्या जागी मातीतून इतर झाडं उगवतील.
२० जे खरेपणाने वागतात, त्यांना* देव कधीच नाकारणार नाही;आणि तो दुष्टांना कधीच मदत करणार नाही.*
२१ तो तुला पुन्हा हसवेलआणि तू पुन्हा आनंदाने जयजयकार करशील.
२२ तुझा द्वेष करणारे लज्जित होतील,दुष्टांच्या तंबूचा नाश केला जाईल.”
तळटीपा
^ शब्दशः “त्यांच्या हृदयातून शब्द बाहेर काढणार नाहीत का?”
^ किंवा “पपायरस गवत.” शब्दार्थसूचीत “पपायरस गवत” पाहा.
^ शब्दशः “मार्ग असे असतात.”
^ किंवा “देवाला सोडून जाणाऱ्‍यांची.”
^ शब्दशः “घरासारखा.”
^ किंवा “निर्दोष असलेल्यांना.”
^ शब्दशः “त्यांचा हात धरणार नाही.”
