गणना २:१-३४
२ मग यहोवा मोशे आणि अहरोन यांना म्हणाला:
२ “इस्राएली लोकांनी, त्यांच्या तीन वंशांच्या गटाला+ जिथे नेमण्यात आलं आहे, तिथे तंबू ठोकावेत. प्रत्येक माणसाने आपापल्या कुळाच्या झेंड्याजवळ* तंबू ठोकावा. त्यांनी भेटमंडपाच्या दिशेने त्याच्या चारही बाजूला छावणी करावी.
३ पूर्वेकडे, सूर्योदयाच्या दिशेला, यहूदाच्या छावणीत तीन वंशांचा गट आपापल्या तुकड्यांप्रमाणे* तंबू ठोकेल. अम्मीनादाबचा मुलगा नहशोन हा यहूदाच्या मुलांचा प्रधान आहे.+
४ त्याच्या सैन्यात नोंदणी झालेल्यांची संख्या ७४,६०० इतकी आहे.+
५ त्याच्याशेजारी इस्साखारचा वंश असेल; सुवारचा मुलगा नथनेल हा इस्साखारच्या मुलांचा प्रधान आहे.+
६ त्याच्या सैन्यात नोंदणी झालेल्यांची संख्या ५४,४०० इतकी आहे.+
७ यानंतर जबुलूनचा वंश असेल; हेलोनचा मुलगा अलीयाब हा जबुलूनच्या मुलांचा प्रधान आहे.+
८ त्याच्या सैन्यात नोंदणी झालेल्यांची संख्या ५७,४०० इतकी आहे.+
९ यहूदाच्या छावणीतल्या सैन्यांत नोंदणी झालेल्यांची संख्या १,८६,४०० इतकी आहे. त्यांनी सर्वात आधी तळ हलवावा.+
१० दक्षिणेकडे, रऊबेनच्या+ छावणीत तीन वंशांचा गट आपापल्या तुकड्यांप्रमाणे* तंबू ठोकेल. शदेयुरचा मुलगा अलीसूर हा रऊबेनच्या मुलांचा प्रधान आहे.+
११ त्याच्या सैन्यात नोंदणी झालेल्यांची संख्या ४६,५०० इतकी आहे.+
१२ त्याच्याशेजारी शिमोनचा वंश असेल; सुरीशादैचा मुलगा शलूमियेल हा शिमोनच्या मुलांचा प्रधान आहे.+
१३ त्याच्या सैन्यात नोंदणी झालेल्यांची संख्या ५९,३०० इतकी आहे.+
१४ यानंतर गादचा वंश असेल; रगुवेलचा मुलगा एल्यासाप हा गादच्या मुलांचा प्रधान आहे.+
१५ त्याच्या सैन्यात नोंदणी झालेल्यांची संख्या ४५,६५० इतकी आहे.+
१६ रऊबेनच्या छावणीतल्या सैन्यांत नोंदणी झालेल्यांची संख्या १,५१,४५० इतकी आहे. तळ हलवताना ते दुसरे असतील.+
१७ भेटमंडप हलवण्यात येईल,+ तेव्हा लेव्यांची छावणी इतर छावण्यांच्या मधोमध असावी.
इस्राएलचे वंश तीन वंशांच्या गटांप्रमाणे ज्या क्रमाने छावणी करतात, त्याच क्रमाने त्यांनी प्रवास करतानाही आपापल्या नेमलेल्या ठिकाणी असावं.+
१८ पश्‍चिमेकडे, एफ्राईमच्या छावणीत तीन वंशांचा गट आपापल्या तुकड्यांप्रमाणे* तंबू ठोकेल. अम्मीहूदचा मुलगा अलीशामा हा एफ्राईमच्या मुलांचा प्रधान आहे.+
१९ त्याच्या सैन्यात नोंदणी झालेल्यांची संख्या ४०,५०० इतकी आहे.+
२० त्याच्याशेजारी मनश्‍शेचा+ वंश असेल; पदाहसुरचा मुलगा गमलियेल हा मनश्‍शेच्या मुलांचा प्रधान आहे.+
२१ त्याच्या सैन्यात नोंदणी झालेल्यांची संख्या ३२,२०० इतकी आहे.+
२२ यानंतर बन्यामीनचा वंश असेल; गिदोनीचा मुलगा अबीदान हा बन्यामीनच्या मुलांचा प्रधान आहे.+
२३ त्याच्या सैन्यात नोंदणी झालेल्यांची संख्या ३५,४०० इतकी आहे.+
२४ एफ्राईमच्या छावणीतल्या सैन्यांत नोंदणी झालेल्यांची संख्या १,०८,१०० इतकी आहे. तळ हलवताना ते तिसरे असतील.+
२५ उत्तरेकडे, दानच्या छावणीत तीन वंशांचा गट आपापल्या तुकड्यांप्रमाणे* तंबू ठोकेल. अम्मीशद्दैचा मुलगा अहीएजर हा दानच्या मुलांचा प्रधान आहे.+
२६ त्याच्या सैन्यात नोंदणी झालेल्यांची संख्या ६२,७०० इतकी आहे.+
२७ त्याच्याशेजारी आशेरचा वंश असेल; आक्रानचा मुलगा पगीयेल हा आशेरच्या मुलांचा प्रधान आहे.+
२८ त्याच्या सैन्यात नोंदणी झालेल्यांची संख्या ४१,५०० इतकी आहे.+
२९ यानंतर नफतालीचा वंश असेल; एनानचा मुलगा अहीरा हा नफतालीच्या मुलांचा प्रधान आहे.+
३० त्याच्या सैन्यात नोंदणी झालेल्यांची संख्या ५३,४०० इतकी आहे.+
३१ दानच्या छावणीतल्या सैन्यांत नोंदणी झालेल्यांची संख्या १,५७,६०० इतकी आहे. त्यांनी त्यांच्या तीन वंशांच्या गटांप्रमाणे सर्वात शेवटी तळ हलवावा.”+
३२ या सर्व इस्राएली लोकांची आपापल्या कुळांप्रमाणे नोंदणी झाली. सर्व छावण्यांपैकी सैन्यात भरती होण्यासाठी नोंदणी झालेल्यांची संख्या ६,०३,५५० इतकी होती.+
३३ पण यहोवाने मोशेला आज्ञा दिल्याप्रमाणे, इतर इस्राएली लोकांसोबत लेव्यांची नोंदणी झाली नाही.+
३४ यहोवाने मोशेला आज्ञा दिल्याप्रमाणे इस्राएली लोकांनी या सर्व गोष्टी केल्या. ते याच रितीने आपापल्या घराण्याप्रमाणे आणि आपापल्या कुळांप्रमाणे, तीन वंशांच्या गटांनुसार छावणी करायचे आणि तळ हलवायचे.+
तळटीपा
^ किंवा “चिन्हाजवळ.”
^ शब्दशः “आपापल्या सैन्यांप्रमाणे.”
^ शब्दशः “आपापल्या सैन्यांप्रमाणे.”
^ शब्दशः “आपापल्या सैन्यांप्रमाणे.”
^ शब्दशः “आपापल्या सैन्यांप्रमाणे.”
