गणना ३४:१-२९
३४ यहोवा मोशेला पुढे म्हणाला:
२ “इस्राएली लोकांना या सूचना दे: ‘जेव्हा तुम्ही कनान देशात जाल,+ तेव्हा जी जमीन तुम्हाला वारसा म्हणून मिळेल, तिच्या सीमा अशा असतील:+
३ तुमची दक्षिणेकडची सीमा अदोमच्या कडेने झिनच्या ओसाड रानापासून असेल आणि पूर्वेकडे ती मृत समुद्राच्या* टोकापासून सुरू होईल.+
४ तिथून तुमची सीमा दिशा बदलून अक्रब्बीमच्या चढावाच्या+ दक्षिणेकडून झिनपर्यंत जाईल आणि कादेश-बर्ण्याच्या+ दक्षिणेला ती संपेल. पुढे ती हसर-अद्दारपर्यंत+ आणि त्यापुढे असमोनकडे जाईल.
५ असमोनपासून ती सीमा, इजिप्तच्या खोऱ्‍याकडे वळून समुद्रापर्यंत* जाऊन संपेल.+
६ तुमची पश्‍चिमेकडची सीमा महासागर* आणि त्याचा समुद्रकिनारा असेल. हीच पश्‍चिम सीमा असेल.+
७ तुमची उत्तरेकडची सीमा अशी असेल: महासागरापासून तुम्ही होर पर्वतापर्यंत सीमा आखा.
८ होर पर्वतापासून लेबो-हमाथपर्यंत*+ सीमा आखा. ती सदादपर्यंत+ असेल.
९ तिथून ती सीमा जिप्रोनकडे जाईल आणि हसर-एनान+ इथे येऊन संपेल. ही तुमची उत्तरेकडची सीमा असेल.
१० मग तुम्ही पूर्वेकडे हसर-एनानपासून शफामपर्यंत तुमची सीमा आखा.
११ ही सीमा शफामपासून अईनच्या पूर्वेकडे, रिब्लापर्यंत असेल आणि ती खाली किन्‍नेरेथ+ समुद्राच्या* पूर्वेकडच्या उतारापलीकडे जाईल.
१२ ती पुढे यार्देनपर्यंत जाईल आणि मृत समुद्राजवळ जाऊन संपेल.+ हा तुमचा संपूर्ण देश+ आणि त्याच्या चारही बाजूंच्या सीमा असतील.’”
१३ तेव्हा मोशेने इस्राएली लोकांना या सूचना दिल्या: “ही सर्व जमीन यहोवाने साडेनऊ वंशांना वारसा म्हणून देण्याची आज्ञा दिली आहे. ती तुम्ही चिठ्ठ्या टाकून आपसात वाटून घ्या.+
१४ रऊबेनच्या आणि गादच्या वंशांनी, तसंच मनश्‍शेच्या अर्ध्या वंशाने आपापल्या वाडवडिलांच्या घराण्यांप्रमाणे आधीच आपली वारशाची जमीन घेतली आहे.+
१५ या अडीच वंशांनी यरीहोजवळ यार्देन प्रदेशाच्या पूर्वेकडे, म्हणजे सूर्योदयाच्या दिशेला आपली वारशाची जमीन आधीच घेतली आहे.”+
१६ यहोवा मोशेला पुढे म्हणाला:
१७ “तुम्ही ज्या जमिनीचा ताबा घेणार आहात, ती तुम्हाला वाटून देणाऱ्‍या पुरुषांची ही नावं आहेत: एलाजार+ याजक आणि नूनचा मुलगा यहोशवा.+
१८ यासोबतच तुमची वारशाची जमीन तुमच्यामध्ये वाटून देण्यासाठी तुम्ही प्रत्येक वंशातून एकेक प्रधान निवडा.+
१९ ही त्या प्रधानांची नावं आहेत: यहूदा वंशातला+ यफुन्‍नेचा मुलगा कालेब;+
२० शिमोनच्या+ वंशातला अम्मीहूदचा मुलगा शमुवेल;
२१ बन्यामीन वंशातला,+ किसलोनचा मुलगा अलीदाद;
२२ दानच्या वंशातला+ प्रधान, योग्लीचा मुलगा बुक्की;
२३ योसेफच्या मुलांपैकी,+ मनश्‍शेच्या वंशातला+ प्रधान, एफोदचा मुलगा हन्‍नीएल;
२४ एफ्राईमच्या वंशातला+ प्रधान, शिफटानचा मुलगा कमुवेल;
२५ जबुलूनच्या वंशातला+ प्रधान, पनीकचा मुलगा अलीसाफान;
२६ इस्साखारच्या वंशातला+ प्रधान, अज्जानचा मुलगा पलतीयेल;
२७ आशेरच्या वंशातला+ प्रधान, शलोमीचा मुलगा अहीहूद;
२८ नफतालीच्या वंशातला+ प्रधान, अम्मीहूदचा मुलगा पदाहेल.”
२९ या पुरुषांना यहोवाने कनान देशातली जमीन, इस्राएली लोकांना वाटून देण्याची आज्ञा दिली होती.+
तळटीपा
^ शब्दशः “क्षार समुद्र.”
^ म्हणजे, महासागर, भूमध्य समुद्र.
^ म्हणजे, भूमध्य समुद्र.
^ किंवा “हमाथच्या प्रवेशद्वारापर्यंत.”
^ म्हणजे, गनेसरेतचा सरोवर किंवा गालील समुद्र.
