गीतरत्न २:१-१७
२ मी तर साधं रानफूल,*खोऱ्‍यातलं भुईकमळ.”+
२ “सगळ्या मुलींमध्ये माझी सखी,जणू काट्यांतलं भुईकमळ.”
३ “रानातल्या झाडांमध्ये जसं सफरचंदाचं झाड,तसा तरुणांमध्ये माझा सखा आहे.
त्याच्या सावलीत बसायला माझं मन आतुर झालंय;त्याचं फळ मला गोड लागतं.
४ त्याने मला मेजवानीच्या घरात* आणलं,त्याचं माझ्यावरचं प्रेम सर्वांना दिसलं.
५ मला मनुके+ आणि सफरचंद द्या,म्हणजे माझ्या जिवात जीव येईल,कारण मला प्रेमरोग झालाय.
६ त्याचा डावा हात माझ्या डोक्याखाली आहे,आणि उजव्या हाताने त्याने मला मिठी मारली आहे.+
७ यरुशलेमच्या मुलींनो, तुम्हाला शपथ आहे;रानातल्या हरणांची+ आणि हरिणींची तुम्हाला शपथ आहे:
माझी इच्छा होत नाही, तोपर्यंत माझ्या मनात प्रेम जागं करू नका.+
८ माझ्या सख्याची चाहूल ऐका!
पाहा, तो येतोय!
डोंगर चढून, टेकड्यांवरून धावत येतोय.
९ माझा सखा हरणासारखा; हरिणीच्या पाडसासारखा आहे.+
पाहा, तो भिंतीमागे उभा आहे,खिडक्यांमधून डोकावतोय,जाळीतून पाहतोय.
१० माझा सखा मला म्हणतो:
‘प्रिये ऊठ!
माझ्या सुंदर सखे, माझ्यासोबत चल.
११ बघ! हिवाळा* सरलाय,पावसाचे दिवस निघून गेले आहेत.
१२ रानात फुलं उमलली आहेत,+द्राक्षवेलींच्या छाटणीची वेळ झाली आहे,+ऐक! पारव्याचं गाणं ऐकू येतंय.+
१३ अंजिराच्या झाडाची पहिली फळं पिकली आहेत;+द्राक्षवेलींना बहर आलाय, त्यांचा सुगंध दरवळतोय.
प्रिये ऊठ! माझ्यासोबत चल.
माझ्या सुंदर सखे, माझ्यासोबत चल.
१४ माझ्या सखे, तू कबुतरासारखी आहेस.
खडकांमागून,+ कडेकपारींतून बाहेर ये,मला तुझं रूप पाहू दे, तुझा आवाज ऐकू दे.+
कारण तुझा आवाज सुखावणारा; तुझं रूप मोहवणारं आहे.’ ”+
१५ “कोल्ह्यांना पकडा,कारण द्राक्षवेलींना बहर आलाय,आणि त्यांची पिल्लं द्राक्षमळ्यांची नासधूस करत आहेत.”
१६ “मी माझ्या सख्याची आणि तो माझा आहे.+
तो भुईकमळांमध्ये+ कळप चारतोय.+
१७ माझ्या सख्या, लवकर परत ये.
वारा वाहण्याची वेळ होण्याआधी;* सावल्या नाहीशा होण्याआधी;आपल्याला वेगळं करणाऱ्‍या या पर्वतांवरच्या* हरणासारखा;+ हरिणीच्या पाडसासारखा+ परत ये.
तळटीपा
^ शब्दशः “केशराचं फूल.”
^ शब्दशः “द्राक्षारसाच्या घरात.”
^ किंवा “पावसाळा.”
^ शब्दशः “दिवस श्‍वास घेण्याआधी.”
^ किंवा कदाचित, “भेगांच्या पर्वतांवरच्या.” किंवा “बेथेरच्या पर्वतांवरच्या.”
