गीतरत्न ४:१-१६
४ “माझ्या प्रिये, तू सुंदर आहेस!
खरंच, तू सुंदर आहेस!
तुझ्या ओढणीमागे, तुझे डोळे कबुतरांच्या डोळ्यांसारखे आहेत.
तुझे केस गिलादच्या पर्वतांवरून खाली येणाऱ्‍या,बकऱ्‍यांच्या कळपासारखे आहेत.+
२ तुझे दात, नुकतीच लोकर कातरून
धुतलेल्या मेंढ्यांच्या कळपासारखे आहेत.
सगळ्यांना जुळी आहेत,एकीनेही आपलं मेंढरू गमावलेलं नाही.
३ तुझे ओठ गडद लाल रंगाच्या धाग्यासारखे आहेत,तुझं बोलणं किती गोड आहे!
तुझ्या ओढणीमागे तुझे गाल,डाळिंबाच्या फोडीसारखे आहेत.
४ तुझी मान,+ रांगेने दगड रचून बांधलेल्या
दावीदच्या बुरुजासारखी आहे.+
त्यावर हजार ढाली;शूरवीरांच्या गोलाकार ढाली+ लटकवलेल्या आहेत.
५ तुझे स्तन, हरिणीच्या पाडसांसारखे;भुईकमळांमध्ये चरणाऱ्‍या,हरिणीच्या जुळ्यांसारखे आहेत.”+
६ “वारा वाहण्याची वेळ होण्याआधी;* सावल्या नाहीशा होण्याआधी,मी गंधरसाच्या* पर्वतावर;उदाच्या* टेकडीवर जाईन.”+
७ “माझ्या सखे, तुझं सौंदर्य परिपूर्ण आहे,+तुझ्यात काहीच दोष नाही.
८ माझ्या वधू, लबानोनहून माझ्यासोबत चल,आपण लबानोनहून निघून जाऊ.+
अमानाच्या शिखरावरून, सनीरच्या शिखरावरून,हर्मोनच्या शिखरावरून आपण खाली उतरू.+
सिंहांच्या गुहा असलेल्या पर्वतांवरून; चित्ते राहतात त्या पर्वतांवरून आपण खाली उतरू.
९ माझ्या बहिणी, माझ्या वधू, तू माझं मन जिंकलं आहेस.+
एकाच नजरेने; तुझ्या हारातल्या एकाच मण्याने,तू माझं मन जिंकलं आहेस.
१० माझ्या बहिणी, माझ्या वधू, तुझं प्रेम किती मोहक आहे.+
तुझं प्रेम द्राक्षारसाहून गोड आहे.+
तुझ्या सुवासिक तेलांचा सुगंध सगळ्या अत्तरांपेक्षा उत्तम आहे.+
११ माझ्या वधू, तुझ्या ओठांतून मध पाझरतो.+
दूध आणि मध तुझ्या जिभेखाली आहे.+
तुझ्या वस्त्रांचा सुगंध लबानोनच्या सुगंधासारखा आहे.
१२ माझी बहीण, माझी वधू बंदिस्त बागेसारखी आहे.
बंदिस्त बाग, जणू झाकलेला झरा.
१३ तू* डाळिंबांनी डवरलेल्या झाडांच्या बागेसारखी आहेस.
रसरशीत फळांच्या झाडांसोबत, तिथे मेंदीची आणि जटामांसीची* झाडंही आहेत.
१४ जटामांसी+ आणि केशर, वेखंड* आणि दालचिनी,+सर्व प्रकारचा ऊद,* गंधरस* आणि अगरू*+ यांची झाडं
आणि सर्व प्रकारच्या सुगंधी वनस्पती+ तिथे आहेत.
१५ तू बागेतला झरा आणि गोड्या पाण्याची विहीर आहेस;तू लबानोनहून वाहणाऱ्‍या ओढ्यांसारखी आहेस.+
१६ हे उत्तरेच्या वाऱ्‍या, जागा हो!
हे दक्षिणेच्या वाऱ्‍या, तूही ये!
माझ्या बागेवर फुंकर घाल. *
तिचा सुगंध दरवळू दे.”
“माझ्या सख्याने त्याच्या बागेत यावं
आणि तिची रसरशीत फळं चाखावीत.”
तळटीपा
^ शब्दशः “दिवस श्‍वास घेण्याआधी.”
^ शब्दार्थसूची पाहा.
^ शब्दार्थसूची पाहा.
^ किंवा कदाचित, “तुझी त्वचा.”
^ शब्दार्थसूची पाहा.
^ एक सुगंधी वनस्पती.
^ शब्दार्थसूची पाहा.
^ शब्दार्थसूची पाहा.
^ किंवा “हळूवार वाहा.”
