नीतिवचनं ९:१-१८
९ खऱ्‍या बुद्धीने आपलं घर बांधलंय;तिने सात खांबांवर ते उभारलंय.
२ तिने मांस शिजवून ठेवलंय;चवदार द्राक्षारस तयार केलाय;आणि आपलं मेजही सजवलंय.
३ तिने आपल्या दासींना पाठवलंय;त्या शहराच्या उंच ठिकाणांहून अशी घोषणा करतात:+
४ “जे भोळे आहेत,* त्यांनी इथे यावं.”
ज्यांना समज नाही, त्यांना ती म्हणते:
५ “या, माझ्याकडची भाकर खाआणि मी तयार केलेला द्राक्षारस प्या.
६ आपला भोळेपणा सोडा, म्हणजे तुम्ही जिवंत राहाल;+समजशक्‍तीच्या मार्गाने पुढे चालत राहा.”+
७ जो थट्टा करणाऱ्‍याची चूक सुधारतो, तो आपला अपमान करून घेतो+आणि जो दुष्टाचं ताडन करतो त्याचं नुकसान होईल.
८ थट्टा करणाऱ्‍याचं ताडन करू नकोस, नाहीतर तो तुझा द्वेष करेल.+
बुद्धिमानाचं ताडन कर, म्हणजे तो तुझ्यावर प्रेम करेल.+
९ बुद्धिमान माणसाला ज्ञान दे, म्हणजे तो आणखी बुद्धिमान होईल.+
नीतिमानाला शिकव, म्हणजे तो आपलं ज्ञान वाढवेल.
१० यहोवाची भीती बाळगणं हीच बुद्धीची सुरुवात आहे,+आणि परमपवित्र देवाचं ज्ञान+ हीच समजशक्‍ती आहे.
११ कारण माझ्यामुळे* तुला मोठं आयुष्य लाभेल+आणि तू बरीच वर्षं जगशील.
१२ तू बुद्धिमान झालास, तर तुलाच त्याचा फायदा होईल,पण थट्टा करत राहिलास, तर तुलाच त्याचे परिणाम भोगावे लागतील.
१३ मूर्ख स्त्री मोठमोठ्याने बोलते.+
तिला कसलंही ज्ञान नसतं; कशाचीच माहिती नसते.
१४ ती शहरातल्या उंच ठिकाणी,आपल्या घराच्या दाराजवळ बसते.+
१५ ती येणाऱ्‍या-जाणाऱ्‍यांना;आपल्या रस्त्याने सरळ जाणाऱ्‍यांना हाक मारून म्हणते:
१६ “जे भोळे आहेत, त्यांनी इथे यावं.”
ज्यांना समज नाही त्यांना ती म्हणते:+
१७ “चोरलेलं पाणी गोड लागतंआणि चोरून खाण्यातच खरी मजा आहे.”+
१८ पण त्यांना माहीत नसतं, की तिचं घर म्हणजे मृतांचं घर;आणि तिच्या घरी जाणारे कबरेच्या* खोल ठिकाणांत जातात.+
