यशया २७:१-१३
२७ त्या दिवशी, यहोवा आपली मोठी, कठीण आणि मजबूत तलवार हाती घेईल,+आणि लिव्याथानाकडे,* त्या चपळ सापाकडे आपलं लक्ष वळवेल;वेटोळे घालणाऱ्‍या त्या सापाला, त्या लिव्याथानाला तो शिक्षा करेल;समुद्रातल्या त्या महाकाय प्राण्याला तो मारून टाकेल.
२ त्या दिवशी तिच्यासाठी* हे गीत गा:
“फेसाळलेल्या द्राक्षारसाचा मळा!+
३ मी, यहोवा, तिचं रक्षण करतो.+
मी वेळोवेळी तिला पाणी घालतो.+
कोणी तिचं नुकसान करू नये,म्हणून रात्रंदिवस मी तिची राखण करतो.+
४ तिच्यावरचा माझा राग शांत झालाय.+
जर एखाद्याने माझ्यासमोर जंगली गवत आणि काटेरी झुडपं ठेवली,तर मी त्यांना पायांखाली तुडवून एकत्र जाळून टाकीन आणि त्याच्याशी लढाई करीन.
५ पण असं होऊ नये अशी त्याची इच्छा असेल, तर त्याने माझ्या आश्रयस्थानात यावं.
त्याने माझ्याशी सलोखा करावा;माझ्यासोबत शांतीचे संबंध जोडावेत.”
६ येणाऱ्‍या दिवसांत याकोब मूळ धरेल,इस्राएलला पालवी फुटेल आणि फुलं येतील.+
आणि आपल्या पिकाने ते संपूर्ण भूमी भरून टाकतील.+
७ त्याला जसं मारलं जात आहे, तसं मारण्याची गरज आहे का?
त्याच्या लोकांना जसं ठार मारण्यात आलं, तसं त्याला ठार मारण्याची गरज आहे का?
८ तिला दूर पाठवून देताना, तू तिला घाबरवशील आणि तिच्याशी वादविवाद करशील.
पूर्वेकडच्या वाऱ्‍याच्या दिवशी, तू आपल्या क्रोधाच्या जोरदार झपाट्याने तिला हाकलून देशील.+
९ अशा प्रकारे याकोबच्या अपराधाचं प्रायश्‍चित्त होईल.+
त्याचं पाप दूर केलं जाईल तेव्हा त्याला हे प्रतिफळ मिळेल:
तो वेदीच्या सगळ्या दगडांचा
चुनखड्यांच्या चुऱ्‍यासारखा चुराडा करेल,आणि एकही पूजेचा खांब* किंवा धूपस्तंभ शिल्लक राहणार नाही.+
१० कारण तटबंदीचं शहर ओसाड पडेल;कुरणं रानासारखी रिकामी पडतील आणि सोडून दिली जातील.+
तिथे वासरू चरेल आणि विसावा घेईल,ते तिच्या फांद्या खाईल.+
११ तिच्या डहाळ्या जेव्हा सुकून जातील,तेव्हा बायका येऊन त्या तोडतील,आणि जाळण्यासाठी वापरतील.
या लोकांमध्ये समजबुद्धी नाही.+
म्हणून त्यांचा निर्माणकर्ता त्यांच्यावर दया करणार नाही;ज्याने त्यांना घडवलं तो त्यांच्यावर कृपा करणार नाही.+
१२ हे इस्राएलच्या लोकांनो, एखादा माणूस जसा झाडांवरची फळं पाडतो आणि एकेक करून ती गोळा करतो, तसं यहोवा महानदीच्या* वाहत्या ओढ्यापासून ते इजिप्तच्या खोऱ्‍यापर्यंत*+ विखुरलेल्या तुम्हा सगळ्यांना गोळा करेल.+
१३ त्या दिवशी, एक मोठं शिंग फुंकलं जाईल.+ आणि जे अश्‍शूर देशात नाश होण्याच्या बेतात आहेत+ व इजिप्त देशात पांगलेले आहेत+ ते येतील आणि यरुशलेममध्ये पवित्र डोंगरावर यहोवाला नमन करतील.+
तळटीपा
^ शब्दार्थसूची पाहा.
^ हे इस्राएलला सूचित करतं असं दिसतं. इथे इस्राएलला एका स्त्रीची उपमा देऊन तिची तुलना एका द्राक्षमळ्याशी करण्यात आली आहे.
^ शब्दार्थसूची पाहा.
^ म्हणजे, फरात नदी.
^ शब्दार्थसूची पाहा.
