यशया ३५:१-१०
३५ ओसाड प्रदेश आणि कोरडी भूमी आनंदित होईल,+वाळवंट हर्ष करेल आणि केशराच्या फुलांसारखा फुलेल.+
२ तो नक्कीच मोहरून जाईल;+तो अतिशय आनंदित होऊन जल्लोष करेल.
त्याला लबानोनचं वैभव दिलं जाईल,+कर्मेल+ आणि शारोनचं ऐश्‍वर्य त्याला मिळेल.+
लोक यहोवाचं वैभव पाहतील,त्यांना त्याचं ऐश्‍वर्य दिसेल.
३ कमजोर हातांना बळ द्या,लटपटणारे गुडघे स्थिर करा.+
४ जे घाबऱ्‍या मनाचे आहेत त्यांना म्हणा:
“हिंमत धरा! घाबरू नका!
पाहा! तुमचा देव तुमच्या शत्रूंवर सूड उगवायला येईल,तो त्यांचा बदला घ्यायला येईल.+
तो येईल आणि तुम्हाला वाचवेल.”+
५ त्या वेळी, आंधळे पाहू लागतील,+आणि बहिरे ऐकू लागतील.+
६ तेव्हा लंगडा हरणासारखा उड्या मारेल,+आणि मुक्याची जीभ आनंदाने गीत गाईल.+
ओसाड प्रदेशात पाण्याचे प्रवाह उफाळून बाहेर येतील,आणि वाळवंटात झरे फुटतील.
७ तापलेली, रखरखीत जमीन पाण्याचा तलाव* होईल,आणि तहानलेल्या जमिनीतून पाण्याचे झरे फुटतील.+
जिथे कोल्हे राहत होते,+तिथे हिरवंगार गवत, बोरू* आणि लव्हाळं उगवेल.
८ एक राजमार्ग तिथे असेल,+हो, ज्याला ‘पवित्रतेचा मार्ग’ म्हणतात तो तिथे असेल.
अशुद्ध असलेला कोणीही त्यावरून जाणार नाही.+
जो त्या मार्गानुसार चालतो, त्याच्यासाठीच तो असेल;मूर्ख त्यावरून जाणार नाही.
९ तिथे सिंह असणार नाही,कोणताही हिंस्र पशू त्यावर येणार नाही.
त्यांच्यापैकी कोणीही तिथे दिसणार नाही;+किंमत देऊन ज्यांना सोडवण्यात आलं आहे, फक्‍त तेच त्यावरून चालतील.+
१० यहोवाने ज्यांची सुटका केली आहे ते परत येतील;+ते आनंदाने जयघोष करत सीयोनमध्ये येतील.+
सर्वकाळ टिकणारा आनंद त्यांच्या डोक्यावरचा मुकुट होईल.+
ते आनंदाने आणि हर्षाने भरून जातील,शोक आणि दुःख त्यांच्यापासून दूर पळून जाईल.+
