यशया ६:१-१३
६ उज्जीया राजाचा मृत्यू झाला,+ त्या वर्षी मी यहोवाला उंच स्थानावर असलेल्या एका भव्य राजासनावर बसलेलं पाहिलं.+ त्याच्या झग्याच्या घेराने संपूर्ण मंदिर भरून गेलं होतं.
२ त्याच्या सभोवती सराफदूत उभे होते. त्या प्रत्येकाला सहा पंख होते. दोन पंखांनी ते आपला चेहरा झाकायचे, दोन पंखांनी आपले पाय झाकायचे आणि दोन पंखांनी ते उडायचे.
३ ते मोठ्या आवाजात एकमेकांना असं म्हणत होते:
“सैन्यांचा देव यहोवा हा पवित्र, पवित्र, पवित्र आहे!+
त्याच्या वैभवाने संपूर्ण पृथ्वी भरून गेली आहे.”
४ त्या मोठ्या आवाजाने दरवाजाच्या चौकटी हादरल्या आणि मंदिर धुराने भरून गेलं.+
५ तेव्हा मी म्हणालो: “आता माझं काही खरं नाही! मी नक्कीच मरणार!
कारण मी माझ्या डोळ्यांनी राजाला, प्रत्यक्ष सैन्यांचा देव यहोवा याला पाहिलंय!
मी तर अशुद्ध ओठांचा माणूस आहे,+आणि अशुद्ध ओठांच्या लोकांमध्ये मी राहतो.”
६ तेव्हा एक सराफदूत उडत माझ्याकडे आला. त्याच्या हातात एक जळता निखारा होता;+ त्याने तो निखारा चिमट्याने वेदीवरून घेतला होता.+
७ निखारा माझ्या ओठांना लावून तो मला म्हणाला:
“हे बघ! तुझ्या ओठांना याचा स्पर्श झालाय.
आता तुझा दोष दूर झालाय,आणि तुझं पाप क्षमा करण्यात आलंय.”*
८ मग मी यहोवाला असं बोलताना ऐकलं: “मी कोणाला पाठवू? आपल्यासाठी कोण जाईल?”+ तेव्हा मी म्हणालो: “मी जाईन! मला पाठव!”+
९ त्यावर तो म्हणाला, “जा, आणि या लोकांना सांग:
‘तुम्ही वारंवार ऐकाल,पण तुम्हाला कळणार नाही;तुम्ही पुन्हा पुन्हा पाहाल,पण तुम्हाला समजणार नाही.’+
१० या लोकांचं मन कठोर कर,+म्हणजे ते समजू शकणार नाहीत;त्यांचे कान बधिर कर,+म्हणजे ते ऐकू शकणार नाहीत;त्यांचे डोळे बंद कर,म्हणजे ते पाहू शकणार नाहीत;आणि ते माझ्याकडे परत येणार नाहीत व मी त्यांना बरं करणार नाही.”+
११ तेव्हा मी म्हणालो: “हे यहोवा! असं किती दिवस चालेल?” त्यावर तो मला म्हणाला:
“जोपर्यंत शहरांचा नाश होऊन त्यांत एकही माणूस उरत नाही,घरं रिकामी पडत नाहीत,आणि देश उद्ध्‌वस्त होऊन ओसाड पडत नाही तोपर्यंत;+
१२ तसंच जोपर्यंत मी, यहोवा, लोकांना दूर घालवून देत नाही,+आणि ओसाड पडलेल्या देशाची अवस्था आणखी बिकट होत नाही तोपर्यंत.
१३ पण त्यात दहावा भाग उरेल आणि तो पुन्हा जाळला जाईल; जसा एखादा मोठा वृक्ष किंवा अल्लोन* वृक्ष कापल्यावर त्याचा बुंधा उरतो, तशी एक पवित्र संतती* देशाचा बुंधा म्हणून उरेल.”
तळटीपा
^ किंवा “तुझ्या पापाचं प्रायश्‍चित्त झालंय.”
^ एक प्रकारचा मोठा वृक्ष. इंग्रजीत याला “ओक” म्हणतात.
^ किंवा “बीज.”
