योना २:१-१०
२ मग योनाने माशाच्या पोटातून आपला देव यहोवा याला प्रार्थना केली.+
२ तो म्हणाला:
“मी संकटात सापडलो, तेव्हा मी यहोवाला हाक मारली आणि त्याने मला उत्तर दिलं.+
खोल कबरेतून* मी मदतीसाठी याचना केली.+
आणि तू माझा आवाज ऐकलास.
३ तू मला महासागराच्या तळाशी टाकलंस,तेव्हा प्रवाहांनी मला घेरलं.+
तुझ्या प्रचंड मोठ्या लाटा माझ्यावरून गेल्या.+
४ तेव्हा मी म्हणालो, ‘तू मला आपल्या नजरेसमोरून घालवून दिलं आहेस!
आता मी तुझं पवित्र मंदिर कसं पाहू शकेन?’
५ पाण्याने मला वेढलं; माझा प्राण धोक्यात होता;+मी खोल समुद्रात बुडालो.
सागरातल्या वेलींनी माझ्या डोक्याला गुरफटलं.
६ मी पर्वतांच्या अगदी तळाशी गेलो.
पृथ्वीच्या फाटकांनी मला कायमचं कोंडलं असतं,पण हे यहोवा, माझ्या देवा, तू माझा जीव मृत्यूच्या गर्तेतून* वर आणलास.+
७ माझा प्राण हळूहळू जाऊ लागला,*तेव्हा हे यहोवा, मी तुझी आठवण केली.+
मग माझी प्रार्थना तुझ्यापर्यंत, तुझ्या पवित्र मंदिरात पोहोचली.+
८ निरुपयोगी मूर्तींची भक्‍ती करणारे, एकनिष्ठ प्रेम* करायचं सोडून देतात.
९ पण मी उपकारस्तुती करून तुला बलिदान अर्पण करीन.
मी जो नवस केला आहे, तो मी फेडीन.+
हे यहोवा, तारण करणारा तूच आहेस.”+
१० मग, यहोवाने माशाला आज्ञा दिली आणि माशाने योनाला जमिनीवर ओकून टाकलं.
तळटीपा
^ हिब्रू भाषेत “शिओल.” शब्दार्थसूची पाहा.
^ किंवा “कबरेतून.”
^ किंवा “माझ्या प्राणाला ओहोटी लागली होती.”
^ किंवा कदाचित, “त्यांची निष्ठा.”
