स्तोत्रं १०४:१-३५
१०४ माझ्या जिवा, यहोवाची स्तुती कर.+
हे यहोवा माझ्या देवा, तू खूप महान आहेस.+
तू ऐश्‍वर्याचं* आणि वैभवाचं वस्त्र घातलं आहेस.+
२ तू प्रकाशाने स्वतःला पांघरलं आहेस;+तंबू ताणावा तसं तू आकाश ताणलं आहेस.+
३ तो आपल्या माडीवरच्या खोल्यांच्या तुळया* आकाशातल्या पाण्यात बसवतो,+तो ढगांच्या रथावर स्वार होऊन,+वाऱ्‍याच्या पंखांवरून जातो.+
४ तो आपल्या स्वर्गदूतांना खूप शक्‍तिशाली बनवतो;आपल्या सेवकांना भस्म करणाऱ्‍या आगीसारखं बनवतो.+
५ त्याने पृथ्वीला तिच्या पायांवर स्थिर केलंय;+आपल्या ठिकाणावरून ती कधीच हलवली जाणार नाही.*+
६ तू तिच्यावर खोल पाण्याचं वस्त्र पांघरलंस.+
पर्वत जलाशयांनी झाकलेले होते.
७ तू धमकावलंस तेव्हा जलाशय पळून गेले;+तुझ्या गर्जनेने ते घाबरून पळून गेले.
८ तू त्यांच्यासाठी ठरवलेल्या ठिकाणी ते गेले.
पर्वत वर आले+ आणि दऱ्‍या खोल गेल्या.
९ तू जलाशयांना मर्यादा घालून दिलीस.
त्यांनी ती पार करू नये आणि पृथ्वीला पुन्हा झाकू नये,+म्हणून तू असं केलंस.
१० तो दऱ्‍यांमधून झरे वाहायला लावतो;ते पर्वतांच्या मधून वाहतात.
११ ते रानातल्या सर्व जंगली प्राण्यांना पाणी पुरवतात;रानगाढवं त्यांतलं पाणी पिऊन आपली तहान भागवतात.
१२ आकाशातले पक्षी त्यांच्या जवळपास घरटी बांधतात;ते दाट वृक्षांमध्ये किलबिल करतात.
१३ तो आपल्या माडीवरच्या खोल्यांमधून पर्वतांना पाणी देतो.+
तुझ्या कार्यांच्या फळाने पृथ्वी तृप्त होते.+
१४ तो गुराढोरांसाठी गवत उगवायला लावतो;आणि माणसांसाठी झाडंझुडपं उगवायला लावतो.+
त्यामुळे त्यांना जमिनीतून अन्‍न मिळतं;
१५ मनाला आनंद देणारा द्राक्षारस,+चेहऱ्‍यावर चमक आणणारं तेलआणि माणसाच्या हृदयाचं पोषण करणारी भाकर मिळते.+
१६ यहोवाच्या वृक्षांना, त्याने लावलेल्या लबानोनच्या देवदारांनाभरपूर पाणी मिळतं.
१७ त्यांच्यावर पक्षी आपली घरटी बांधतात.
करकोच्याचं+ घर गंधसरूच्या झाडांत असतं.
१८ उंच पर्वत पहाडी रानशेळ्यांसाठी असतात;+बिजू* डोंगरांच्या कडेकपारींत राहतात.+
१९ ऋतू ठरवण्यासाठी त्याने चंद्र बनवला;कधी मावळायचं, हे सूर्याला चांगलं माहीत असतं.+
२० तू अंधार करतोस तेव्हा रात्र होते+
आणि रानातले सर्व जंगली प्राणी इकडे तिकडे फिरतात.
२१ तरुण सिंह* आपल्या शिकारीसाठी डरकाळी फोडतात,+ते देवाकडे आपलं अन्‍न मागतात.+
२२ जेव्हा सूर्य उगवतो,तेव्हा ते आपल्या गुहेत जाऊन पडून राहतात.
२३ माणूस आपल्या कामाला जातो,तो संध्याकाळपर्यंत कष्ट करतो.
२४ हे यहोवा, तू किती अद्‌भुत गोष्टी निर्माण केल्या आहेत!+
त्या सर्व तू बुद्धीने निर्माण केल्या आहेत.+
तू बनवलेल्या गोष्टींनी ही पृथ्वी भरलेली आहे.
२५ समुद्र किती मोठा, किती अफाट आहे!
त्यात लहानमोठे असंख्य जीव राहतात.+
२६ त्यातून जहाजं प्रवास करतात आणि लिव्याथानसुद्धा;*+त्याला तू समुद्रात खेळण्यासाठी बनवलंस.
२७ तू त्यांना वेळच्या वेळी अन्‍न देशील,म्हणून ते सर्व तुझी वाट पाहतात.+
२८ तू दिलेलं अन्‍न ते गोळा करतात.+
तू आपली मूठ उघडतोस, तेव्हा ते चांगल्या गोष्टींनी तृप्त होतात.+
२९ तू आपलं तोंड फिरवतोस, तेव्हा ते अस्वस्थ होतात.
तू त्यांचा श्‍वास काढून घेतोस, तेव्हा ते मरून जातात आणि मातीला मिळतात.+
३० तू आपली पवित्र शक्‍ती* पाठवतोस तेव्हा ते निर्माण होतात,+तू पृथ्वीला नवजीवन देतोस.
३१ यहोवाचा गौरव सर्वकाळ टिकेल.
यहोवा त्याच्या कार्यांमुळे आनंद करेल.+
३२ तो पृथ्वीकडे पाहतो तेव्हा तिला हादरे बसतात;तो पर्वतांना स्पर्श करतो तेव्हा ते धुमसतात.*+
३३ मी आयुष्यभर यहोवाचं गुणगान करीन;*+माझ्या जिवात जीव असेपर्यंत मी माझ्या देवाची स्तुती गाईन.+
३४ माझ्या मनातले विचार त्याला आनंद देवोत.*
मी यहोवामुळे हर्ष करीन.
३५ पापी लोक पृथ्वीवरून नाहीसे होतीलआणि दुष्टांचं अस्तित्व राहणार नाही.+
माझ्या जिवा, यहोवाची स्तुती कर. याहची स्तुती कर!*
तळटीपा
^ किंवा “सन्मानाचं.”
^ किंवा “छताची लाकडं.”
^ किंवा “डळमळणार नाही.”
^ खडकांमध्ये राहणारा सशासारखा एक प्राणी.
^ किंवा “आयाळ असलेले तरुण सिंह.”
^ शब्दार्थसूची पाहा.
^ शब्दार्थसूची पाहा.
^ किंवा “त्यांतून धूर निघतो.”
^ किंवा “संगीत रचीन.”
^ किंवा कदाचित, “त्याच्याबद्दलचं माझं मनन त्याला आवडो.”
^ किंवा “हालेलूयाह!” “याह” हे यहोवा या नावाचं संक्षिप्त रूप आहे.
