स्तोत्रं ११६:१-१९
११६ माझं यहोवावर प्रेम आहेकारण तो माझी हाक, माझ्या मदतीच्या याचना ऐकतो.*+
२ तो माझ्याकडे लक्ष देतो*+आणि मी जिवंत असेपर्यंत* त्याला हाक मारत राहीन.
३ मृत्यूच्या दोरांनी मला वेढलं;कबरेने मला आपल्या विळख्यात घेतलं.+
संकटांनी आणि दुःखांनी मला घेरलं.+
४ पण मी यहोवाच्या नावाने हाक मारून म्हणालो:+
“हे यहोवा, मला* वाचव!”
५ यहोवा करुणामय* आणि नीतिमान आहे;+आपला देव दयाळू आहे.+
६ यहोवा अनुभव नसलेल्यांचं रक्षण करतो.+
मी अगदी खचून गेलो होतो, पण त्याने मला वाचवलं.
७ माझा जीव* पुन्हा निश्‍चिंत होईल,कारण यहोवाने माझ्यावर दया केली आहे.
८ तू मृत्यूपासून माझं रक्षण केलंस,माझ्या डोळ्यांतले अश्रू पुसलेसआणि माझ्या पायांना अडखळण्यापासून वाचवलंस.+
९ मी जिवंतांच्या देशात यहोवापुढे चालत राहीन.
१० मला विश्‍वास होता, म्हणून मी बोललो;+पण खरंतर मी खूप दुःखी होतो.
११ मी तर घाबरून गेलो आणि म्हणालो:
“प्रत्येक माणूस खोटा आहे.”+
१२ यहोवाने माझ्यावर जे उपकार केले आहेत,त्या सर्वांच्या बदल्यात मी त्याला काय देऊ?
१३ मी तारणाचा* प्याला हाती घेईन,मी यहोवाचं नाव घेऊन त्याला प्रार्थना करीन.
१४ मी यहोवाला केलेले नवस,त्याच्या सर्व लोकांच्या देखत फेडीन.+
१५ आपल्या एकनिष्ठ सेवकांचा मृत्यूयहोवा खूप मौल्यवान लेखतो.*+
१६ हे यहोवा, मी तुझ्याकडे भीक मागतो,कारण मी तुझा सेवक आहे.
मी तुझा सेवक, तुझ्या दासीचा मुलगा आहे.
तू मला माझ्या बंधनांतून मोकळं केलं आहेस.+
१७ मी तुला उपकारस्तुतीचं बलिदान देईन.+
मी यहोवाचं नाव घेऊन त्याला प्रार्थना करीन.
१८ मी यहोवाला केलेले नवस,+त्याच्या सर्व लोकांच्या देखत फेडीन.+
१९ यहोवाच्या घराच्या अंगणांत,+यरुशलेममध्ये मी ते फेडीन.
याहची स्तुती करा!*+
तळटीपा
^ किंवा कदाचित, “यहोवा ऐकतो म्हणून मी प्रेम करतो.”
^ किंवा “ऐकायला खाली वाकतो.”
^ शब्दशः “माझ्या दिवसांत.”
^ किंवा “माझा जीव.”
^ किंवा “कृपाळू.”
^ शब्दार्थसूची पाहा.
^ किंवा “महान तारणाचा.”
^ किंवा “यहोवा गंभीर गोष्ट समजतो.”
^ किंवा “हालेलूयाह!” “याह” हे यहोवा या नावाचं संक्षिप्त रूप आहे.
