स्तोत्रं ११९:१-१७६
-
देवाच्या मौल्यवान शब्दांची कदर
-
“तरुण आपला मार्ग शुद्ध कसा ठेवू शकतो?” (९)
-
“मला तुझ्या स्मरण-सूचना आवडतात” (२४)
-
“तुझ्या नियमशास्त्रावर माझं मनापासून प्रेम आहे!” (९७)
-
“माझ्या सर्व शिक्षकांपेक्षा माझ्याकडे जास्त सखोल समज आहे” (९९)
-
“तुझे शब्द माझ्या पायांसाठी दिव्यासारखे” आहेत (१०५)
-
“तुझे शब्द अगदी पूर्णपणे सत्य आहेत” (१६०)
-
देवाच्या नियमशास्त्रावर प्रेम करणाऱ्‍यांना शांती (१६५)
-
א [आलेफ ]
११९ जे निर्दोष मार्गाने चालतात;*जे यहोवाच्या नियमशास्त्राप्रमाणे वागतात, ते सुखी आहेत!+
२ जे त्याच्या स्मरण-सूचना* पाळतात;+जे पूर्ण मनाने त्याचा शोध घेतात, ते सुखी आहेत!+
३ ते कधीही अनीतीने वागत नाहीत;ते त्याच्या मार्गांवर चालतात.+
४ तुझ्या आदेशांचं काळजीपूर्वक पालन केलं जावं,अशी तू आज्ञा दिली आहेस.+
५ मी नेहमी स्थिर मनाने+तुझ्या कायद्यांचं पालन करू शकलो, तर किती बरं होईल!*
६ मग, तुझ्या सर्व आज्ञांवर मनन करतानामला लज्जित व्हावं लागणार नाही.+
७ तुझे नीतिमान न्याय-निर्णय* समजल्यावर,मी खऱ्‍या मनाने तुझी प्रशंसा करीन.
८ मी तुझ्या कायद्यांचं पालन करीन;मला कधीही कायमचं सोडून देऊ नकोस.
ב [बेथ ]
९ एक तरुण आपला मार्ग शुद्ध कसा ठेवू शकतो?
तुझ्या शब्दांप्रमाणे वागून आणि नेहमी सावध राहून.+
१० मी अगदी पूर्ण मनाने तुझा शोध घेतो.
तुझ्या आज्ञांपासून मला भरकटू देऊ नकोस.+
११ तुझ्याविरुद्ध मी पाप करू नये,+म्हणून मी तुझे शब्द हृदयात जपून ठेवतो.+
१२ हे यहोवा, तुझी स्तुती असो!
मला तुझे कायदे शिकव.
१३ तुझ्या तोंडून निघालेल्या सर्व न्याय-निर्णयांचं,मी आपल्या ओठांनी वर्णन करतो.
१४ इतर कोणत्याही मौल्यवान वस्तूंपेक्षा+मला तुझ्या स्मरण-सूचनांमुळे आनंद होतो.+
१५ मी तुझ्या आदेशांवर मनन* करीन+आणि तुझ्या मार्गांवर लक्ष देईन.+
१६ तुझे कायदे मला प्रिय आहेततुझे शब्द मी विसरणार नाही.+
ג [गिमेल ]
१७ आपल्या या सेवकावर दया कर,म्हणजे मी जिवंत राहीन आणि तुझ्या शब्दांचं पालन करीन.+
१८ तुझ्या नियमशास्त्रातल्या सुंदर गोष्टी स्पष्टपणे दिसाव्यात,म्हणून माझे डोळे उघड.
१९ या देशात मी एक विदेशी म्हणून राहतोय.+
तुझ्या आज्ञा माझ्यापासून लपवून ठेवू नकोस.
२० तुझ्या न्याय-निर्णयांच्या ओढीने,माझा जीव सतत व्याकूळ असतो.
२१ जे गर्विष्ठ आहेत आणि जे तुझ्या आज्ञांपासून भरकटतात,अशा शापित लोकांचं तू ताडन करतोस.+
२२ माझ्यापासून अपमान आणि तिरस्कार दूर कर,कारण मी तुझ्या स्मरण-सूचना पाळल्या आहेत.
२३ अधिकारी एकत्र बसून माझ्याविरुद्ध बोलतात,तेव्हासुद्धा तुझा हा सेवक तुझ्या कायद्यांवर मनन* करतो.
२४ मला तुझ्या स्मरण-सूचना आवडतात;+त्या माझ्या सल्लागार आहेत.+
ד [दालेथ ]
२५ मी धुळीत पडलोय.+
तू दिलेल्या वचनाप्रमाणे मला जिवंत ठेव.+
२६ माझ्या सर्व कार्यांबद्दल मी तुला सांगितलं आणि तू मला मार्गदर्शन केलंस;मला तुझे कायदे शिकव.+
२७ मला तुझ्या आदेशांचा अर्थ* कळू दे,म्हणजे मी तुझ्या अद्‌भुत कार्यांवर मनन* करीन.+
२८ दुःखामुळे मी रात्रभर जागा राहतो.
तुझ्या शब्दांनी मला बळ दे.
२९ कपटी मार्गापासून मला दूर ठेव,+आणि तुझं नियमशास्त्र मला शिकवून माझ्यावर कृपा कर.
३० मी विश्‍वासूपणाचा मार्ग निवडलाय.+
तुझे न्याय-निर्णय योग्य आहेत हे मला माहीत आहे.
३१ मी तुझ्या स्मरण-सूचनांना जडून राहतो.+
हे यहोवा, माझी निराशा* होऊ देऊ नकोस.+
३२ तुझ्या आज्ञांचं मी आतुरतेने पालन करीन*कारण तू माझ्या मनात त्यांच्यासाठी जागा निर्माण केली आहेस.*
ה [हे ]
३३ हे यहोवा, तुझ्या कायद्यांचा मार्ग मला शिकव,+म्हणजे मी शेवटपर्यंत त्यावर चालीन.+
३४ मी तुझ्या नियमशास्त्राप्रमाणे चालावंआणि अगदी पूर्ण मनाने त्याचं पालन करावं,म्हणून मला समजबुद्धी दे.
३५ मला तुझ्या आज्ञांच्या वाटेने चालव,+कारण यामुळे मला आनंद होतो.
३६ माझ्या मनाला स्वतःच्या फायद्याकडे नाही,+तर तुझ्या स्मरण-सूचनांकडे लक्ष द्यायला शिकव.
३७ माझे डोळे निरुपयोगी गोष्टींपासून वळव;+तुझ्या मार्गात मला जिवंत ठेव.
३८ तुझ्या या सेवकाला दिलेलं वचन* पूर्ण कर,म्हणजे लोक तुझं भय मानतील.*
३९ मला ज्याची भिती वाटते, तो अपमान माझ्यापासून दूर कर,कारण तुझे न्याय-निर्णय चांगले आहेत.+
४० पाहा, मला तुझ्या आज्ञांची किती ओढ लागली आहे!
तुझ्या नीतिमत्त्वाप्रमाणे मला जिवंत ठेव.
ו [वाव ]
४१ हे यहोवा, तुझं एकनिष्ठ प्रेम+आणि तुझ्या अभिवचनाप्रमाणे* तुझ्याकडून मिळणारं तारण मला अनुभवू दे.+
४२ मग मला टोमणे मारणाऱ्‍याला मी उत्तर देईन,कारण मी तुझ्या शब्दांवर भरवसा ठेवतो.
४३ सत्याचे शब्द माझ्या तोंडातून काढून टाकू नकोस,कारण मी तुझ्या न्याय-निर्णयाची आशा धरली आहे.*
४४ मी तुझ्या नियमशास्त्राचं नेहमी,सदासर्वकाळ पालन करीन.+
४५ आणि मी सुरक्षित ठिकाणी* चालीन+कारण मी तुझ्या आदेशांचा शोध घेतो.
४६ मी राजांसमोर तुझ्या स्मरण-सूचनांबद्दल बोलीन,मला लाज वाटणार नाही.+
४७ मला तुझ्या आज्ञा आवडतात,खरंच, मला त्या प्रिय आहेत.+
४८ तुझ्या आज्ञा मला प्रिय वाटतात;+त्यांमुळे मी हात उंचावून तुला प्रार्थना करीनआणि तुझ्या कायद्यांवर मनन* करीन.+
ז [झाइन ]
४९ तुझ्या या सेवकाला दिलेलं अभिवचन आठवणीत ठेव,त्याद्वारे तू मला आशा देतोस.*
५० माझ्या दुःखात मला यामुळे सांत्वन मिळतं,+कारण तुझ्या शब्दांनी मला जिवंत ठेवलंय.
५१ गर्विष्ठ लोक मला अगदी तुच्छ लेखतात,पण तरीही मी तुझ्या नियमशास्त्रापासून भरकटत नाही.+
५२ हे यहोवा, मला जुन्या काळातले तुझे न्याय-निर्णय आठवतात+आणि त्यांमुळे मला सांत्वन मिळतं.+
५३ तुझ्या नियमशास्त्राच्या विरोधात वागणाऱ्‍या दुष्टांचामला संताप येतो.+
५४ मी जिथे जिथे विदेशी म्हणून राहिलो,*तिथे तिथे तुझे कायदे माझ्यासाठी गीतांसारखे होते.
५५ हे यहोवा, मला तुझ्या नियमशास्त्राचं पालन करता यावं,म्हणून मी रात्री तुझं नाव आठवतो.+
५६ ही माझी सवय आहे,कारण मी तुझ्या आदेशांचं पालन करत आलोय.
ח [हेथ ]
५७ हे यहोवा, तू माझा वाटा आहेस;+मी तुझ्या शब्दांचं पालन करण्याचा निश्‍चय केलाय.+
५८ मी मनापासून तुला विनवणी करतो,+तू दिलेल्या वचनाप्रमाणे माझ्यावर कृपा कर.+
५९ तुझ्या स्मरण-सूचनांकडे माझी पावलं पुन्हा वळवण्यासाठी,मी आपल्या मार्गांचं परीक्षण केलंय.+
६० मी लगेच तुझ्या आज्ञा पाळतो;मी उशीर करत नाही.+
६१ दुष्टांच्या दोरांनी मला घेरलंय,पण मी तुझं नियमशास्त्र विसरलो नाही.+
६२ तुझ्या नीतिमान न्याय-निर्णयांबद्दलमी मध्यरात्री उठून तुझी उपकारस्तुती करतो.+
६३ जे तुझं भय मानतात आणि तुझ्या आज्ञा पाळतात,त्या सर्वांचा मी मित्र आहे.+
६४ हे यहोवा, पृथ्वी तुझ्या एकनिष्ठ प्रेमाने भरलेली आहे;+मला तुझे कायदे शिकव.
ט [तेथ ]
६५ हे यहोवा, तुझ्या अभिवचनाप्रमाणेतू आपल्या या सेवकाचं भलं केलं आहेस.
६६ मला शहाणपण आणि ज्ञान दे,+कारण मी तुझ्या आज्ञांवर भरवसा ठेवलाय.
६७ माझ्यावर संकट येण्याआधी, मी भरकटायचो,*पण आता मी तुझ्या सांगण्याप्रमाणे वागतो.+
६८ तू चांगला आहेस+ आणि तुझी कार्यंही चांगली आहेत.
मला तुझे कायदे शिकव.+
६९ गर्विष्ठ लोक माझ्यावर खोटे आरोप लावतात,पण मी अगदी मनापासून तुझ्या आदेशांचं पालन करतो.
७० त्यांचं मन कोडगं* आहे,+पण मला तुझं नियमशास्त्र प्रिय आहे.+
७१ माझ्यावर संकटं आली ते बरं झालं,+कारण त्यामुळे मी तुझे कायदे शिकलो.
७२ तू दिलेलं नियमशास्त्र माझ्या भल्यासाठी आहे;+ते भरपूर सोन्याचांदीपेक्षाही मौल्यवान आहे.+
י [योद ]
७३ तू आपल्या हातांनी मला निर्माण केलंस आणि घडवलंस.
मला समजबुद्धी दे,म्हणजे मला तुझ्या आज्ञा समजतील.+
७४ तुझं भय मानणारे मला पाहून आनंद करतात,कारण तुझ्या शब्दांवर मी भरवसा ठेवलाय.*+
७५ हे यहोवा, तुझे न्याय-निर्णय नीतिमान आहेत याची मला जाणीव आहे;+तुझ्या विश्‍वासूपणामुळेच तू मला शिक्षा दिली आहेस.+
७६ मला दिलेल्या अभिवचनाप्रमाणे,तुझ्या एकनिष्ठ प्रेमाने+ माझं सांत्वन कर.
७७ मला दया दाखव म्हणजे मी जिवंत राहीन,+कारण तुझं नियमशास्त्र मला प्रिय आहे.+
७८ गर्विष्ठांना लज्जित कर,कारण ते विनाकारण* माझं वाईट करतात.
पण मी तर तुझ्या आदेशांवर मनन* करीन.+
७९ जे तुझं भय मानतात आणि ज्यांना तुझ्या स्मरण-सूचना माहीत आहेत,त्यांना माझ्याकडे परत येऊ दे.
८० मला निर्दोष मनाने तुझ्या कायद्यांचं पालन करायला साहाय्य कर,+म्हणजे मला लज्जित व्हावं लागणार नाही.+
כ [खाफ ]
८१ तुझ्याकडून मिळणाऱ्‍या तारणाची मला आस लागली आहे,*+कारण तुझ्या शब्दांवर मी भरवसा ठेवलाय.*
८२ “तू कधी माझं सांत्वन करशील?” असं म्हणताना,+माझे डोळे तुझ्या अभिवचनाची वाट पाहतात.+
८३ मी धुराने वाळून गेलेल्या बुधलीसारखा* झालोय,पण तुझे कायदे मी विसरत नाही.+
८४ तुझ्या या सेवकाला किती दिवस वाट पाहावी लागेल?
माझा छळ करणाऱ्‍यांविरुद्ध तू कधी न्यायदंड आणशील?+
८५ तुझं नियमशास्त्र मोडणारे गर्विष्ठ लोकमाझ्यासाठी खड्डे खणतात.
८६ तुझ्या सर्व आज्ञा भरवशालायक आहेत.
लोक उगाच माझा छळ करतात; मला मदत कर!+
८७ त्यांनी पृथ्वीवरून मला जवळजवळ नाहीसं केलं होतं,पण तुझ्या आदेशांचं पालन करण्याचं मी सोडलं नाही.
८८ तुझ्या एकनिष्ठ प्रेमामुळे मला जिवंत ठेव,म्हणजे तू दिलेल्या स्मरण-सूचना मी पाळीन.
ל [लामेद ]
८९ हे यहोवा, तुझे शब्द स्वर्गात कायम राहतील;ते सर्वकाळ टिकून राहतील.+
९० तुझा विश्‍वासूपणा पिढ्या न्‌ पिढ्या टिकून राहतो.+
तू पृथ्वीची स्थापना केली आहेस, म्हणून ती स्थिर आहे.+
९१ ते* सर्व तुझे सेवक आहेत,तुझ्या न्याय-निर्णयांमुळे ते आजपर्यंत अस्तित्वात आहेत.
९२ तुझं नियमशास्त्र मला प्रिय नसतं,तर माझ्या दुःखामुळे माझा कधीच नाश झाला असता.+
९३ तुझे आदेश मी कधीही विसरणार नाही,कारण त्यांमुळेच तू मला जिवंत ठेवलं आहेस.+
९४ मी तुझा आहे; मला वाचव,+कारण मी तुझ्या आदेशांचा शोध घेतो.+
९५ दुष्ट लोक माझा नाश करण्याची संधी शोधतात,पण मी तुझ्या स्मरण-सूचनांकडे बारकाईने लक्ष देतो.
९६ मी बऱ्‍याच परिपूर्ण गोष्टी पाहिल्या आहेत,पण तुझ्या आज्ञा त्या सर्वांपेक्षा श्रेष्ठ* आहेत.
מ [मेम ]
९७ तुझ्या नियमशास्त्रावर माझं मनापासून प्रेम आहे!+
दिवसभर मी त्यावर मनन* करतो.+
९८ तुझ्या आज्ञा सतत माझ्या डोळ्यांसमोर असतात,त्यामुळे मी आपल्या शत्रूंपेक्षा बुद्धिमान ठरतो.+
९९ माझ्या सर्व शिक्षकांपेक्षा माझ्याकडे जास्त सखोल समज आहे,+कारण मी तुझ्या स्मरण-सूचनांवर मनन* करतो.
१०० मी वयस्क माणसांपेक्षा समजदारपणे वागतो,कारण मी तुझे आदेश पाळतो.
१०१ मला तुझ्या शब्दांचं पालन करायचंय,म्हणून मी कोणत्याही दुष्ट मार्गावर चालायला तयार होत नाही.+
१०२ तुझ्या न्याय-निर्णयांपासून मी दूर जात नाही,कारण तू मला मार्गदर्शन दिलं आहेस.
१०३ तुझे शब्द माझ्या जिभेला गोड लागतात,ते माझ्या तोंडाला मधापेक्षाही गोड लागतात!+
१०४ तुझ्या आदेशांमुळे मी समजदारीने वागतो.+
म्हणूनच मी प्रत्येक खोट्या मार्गाचा द्वेष करतो.+
נ [नून ]
१०५ तुझे शब्द माझ्या पायांसाठी दिव्यासारखे,आणि माझ्या मार्गासाठी प्रकाशासारखे आहेत!+
१०६ तुझे नीतिमान न्याय-निर्णय पाळण्याची मी शपथ घेतली आहेआणि मी ती पूर्ण करीन.
१०७ मी खूप दुःखं सोसली आहेत.+
हे यहोवा, तुझ्या अभिवचनाप्रमाणे मला जिवंत ठेव.+
१०८ हे यहोवा, स्वेच्छेने दिलेल्या माझ्या स्तुतीच्या अर्पणांचा* स्वीकार कर+आणि मला तुझे न्याय-निर्णय शिकव.+
१०९ माझं जीवन सतत धोक्यात आहे,पण मी तुझं नियमशास्त्र विसरलो नाही.+
११० दुष्टांनी माझ्यासाठी सापळा रचलाय,पण मी तुझ्या आदेशांपासून भरकटलो नाही.+
१११ तुझ्या स्मरण-सूचनांना मी आपला सर्वकाळाचा वारसा* समजतो,कारण त्या माझ्या मनाला आनंद देतात.+
११२ मी तुझ्या कायद्यांचं नेहमी, अगदी शेवटपर्यंतपालन करण्याचा निश्‍चय केलाय.*
ס [सामेख ]
११३ चंचल मनाच्या* लोकांचा मी द्वेष करतो,+पण तुझं नियमशास्त्र मला प्रिय आहे.+
११४ तू माझा आश्रय आणि माझी ढाल आहेस,+कारण तुझ्या शब्दांवर मी भरवसा ठेवलाय.*+
११५ दुष्ट लोकांनो, माझ्यापासून दूर राहा,+म्हणजे मी माझ्या देवाच्या आज्ञा पाळू शकेन.
११६ हे देवा, तू वचन दिल्याप्रमाणे मला साहाय्य कर,+म्हणजे मी जिवंत राहीन;माझ्या आशेची निराशा* होऊ देऊ नकोस.+
११७ माझा बचाव व्हावा म्हणून मला मदत कर;+मग मी नेहमी तुझ्या कायद्यांकडे लक्ष देईन.+
११८ तुझ्या कायद्यांपासून भरकटणाऱ्‍यांना तू नाकारतोस,+कारण ते खोटे आणि कपटी आहेत.
११९ पृथ्वीवरच्या सर्व दुष्टांना तू निरुपयोगी गाळासारखं फेकून देतोस.+
म्हणून मला तुझ्या स्मरण-सूचना प्रिय आहेत.
१२० तुझ्या भयाने माझा थरकाप उडतो;मला तुझ्या न्याय-निर्णयांची भीती वाटते.
ע [आयन ]
१२१ मी न्यायाला आणि नीतीला धरून वागलोय.
माझ्यावर जुलूम करणाऱ्‍यांच्या हाती मला देऊ नकोस.
१२२ तुझ्या या सेवकाचं भलं होईल अशी हमी दे;गर्विष्ठांना माझ्यावर अत्याचार करू देऊ नकोस.
१२३ तुझ्याकडून मिळणाऱ्‍या तारणाचीआणि तुझ्या नीतिमान अभिवचनाची वाट पाहून+ माझे डोळे थकले आहेत.+
१२४ तुझ्या या सेवकावर असलेलं तुझं एकनिष्ठ प्रेम दाखव+आणि मला तुझे कायदे शिकव.+
१२५ मी तुझा सेवक आहे; तुझ्या स्मरण-सूचना कळाव्यात,म्हणून मला समजबुद्धी दे.+
१२६ हे यहोवा, तुझी कार्य करण्याची वेळ आली आहे,+कारण त्यांनी तुझे नियम मोडले आहेत.
१२७ मी तर तुझ्या आज्ञा सोन्यापेक्षा,अगदी शुद्ध सोन्यापेक्षाही मौल्यवान समजतो.+
१२८ म्हणून तुझ्याकडून येणाऱ्‍या सर्व सूचना* मला योग्य वाटतात;+प्रत्येक खोट्या मार्गाची मला चीड येते.+
פ [पे ]
१२९ तुझ्या स्मरण-सूचना अद्‌भुत आहेत.
म्हणून मी त्या पाळतो.
१३० तुझ्या शब्दांचा अर्थ उघड झाल्याने प्रकाश मिळतो,+अनुभव नसलेल्यांना त्यामुळे समजबुद्धी मिळते.+
१३१ मी तुझ्या आज्ञांसाठी तहानलेलो आहे,*मला त्यांची खूप ओढ लागली आहे.+
१३२ तुझ्या नावावर प्रेम करणाऱ्‍यांसाठी असलेल्या तुझ्या न्याय-निर्णयाप्रमाणे,+माझ्याकडे लक्ष दे आणि माझ्यावर कृपा कर.+
१३३ तुझ्या शब्दांनी माझ्या पावलांना सुरक्षित मार्ग दाखव;*कोणत्याही दुष्ट गोष्टीला माझ्यावर अधिकार गाजवू देऊ नकोस.+
१३४ जुलूम करणाऱ्‍यांपासून मला वाचव;*मी तुझे आदेश पाळीन.
१३५ तुझ्या या सेवकावर तुझ्या चेहऱ्‍याचा प्रकाश पडू दे+आणि मला तुझे कायदे शिकव.
१३६ लोक तुझं नियमशास्त्र पाळत नाहीत,हे पाहून माझ्या डोळ्यांतून अश्रू वाहतात.+
צ [सादे ]
१३७ हे यहोवा, तू नीतिमान आहेस+आणि तुझे न्याय-निर्णय योग्य आहेत.+
१३८ तुझ्या स्मरण-सूचना नीतिमान आहेत;त्या पूर्णपणे विश्‍वसनीय आहेत.
१३९ माझ्या आवेशाने मला झपाटून टाकलंय,+कारण माझे शत्रू तुझे शब्द विसरले आहेत.
१४० तुझे शब्द पूर्णपणे शुद्ध आहेत+आणि तुझ्या या सेवकाला ते प्रिय वाटतात.+
१४१ मी अगदी क्षुल्लक आणि तुच्छ आहे;+पण तुझे आदेश मी विसरलो नाही.
१४२ तुझं नीतिमत्त्व सर्वकाळाचं आहे+
आणि तुझं नियमशास्त्र खरं आहे.+
१४३ माझ्यावर संकटं आणि दुःखं आली,तरी तुझ्या आज्ञा मला प्रिय वाटतात.
१४४ तुझ्या स्मरण-सूचना सर्वकाळासाठी नीतिमान आहेत.
मला समजबुद्धी दे,+ म्हणजे मी जिवंत राहीन.
ק [खुफ ]
१४५ मी पूर्ण मनाने हाक मारतोय. हे यहोवा, मला उत्तर दे.
मी तुझ्या कायद्यांचं पालन करीन.
१४६ मी तुला प्रार्थना करतो, मला वाचव!
मी तुझ्या स्मरण-सूचना पाळीन.
१४७ मी पहाट होण्याआधीच* उठून तुला मदतीची याचना करतो,+कारण तुझे शब्द मला आशा देतात.*
१४८ तुझ्या शब्दांवर मनन* करण्यासाठी,+रात्रीच्या प्रहरीच माझे डोळे उघडतात.
१४९ तुझ्या एकनिष्ठ प्रेमामुळे माझी प्रार्थना ऐक.+
हे यहोवा, तुझ्या न्यायाप्रमाणे मला जिवंत ठेव.
१५० लाजिरवाणी कामं* करणारे माझ्याजवळ येतात;तुझ्या नियमशास्त्रापासून ते खूप दूर गेले आहेत.
१५१ हे यहोवा, तू माझ्या जवळ आहेस,+तुझ्या सर्व आज्ञा खऱ्‍या आहेत.+
१५२ तू तुझ्या स्मरण-सूचना सर्वकाळासाठी स्थिर केल्या आहेस,हे मी फार पूर्वी शिकलो.+
ר [रेश ]
१५३ माझं दुःख पाहा आणि माझी सुटका कर,+कारण मी तुझं नियमशास्त्र विसरलो नाही.
१५४ माझी बाजू घे* आणि मला वाचव;+तुझ्या अभिवचनाप्रमाणे मला जिवंत ठेव.
१५५ तारण दुष्टांपासून खूप दूर आहे,कारण त्यांनी तुझ्या कायद्यांचा शोध घेतला नाही.+
१५६ हे यहोवा, तुझी दया महान आहे.+
तुझ्या न्यायाप्रमाणे मला जिवंत ठेव.
१५७ माझा छळ करणारे आणि माझे वैरी पुष्कळ आहेत;+पण मी तुझ्या स्मरण-सूचनांपासून भरकटलो नाही.
१५८ विश्‍वासघात करणाऱ्‍यांकडे पाहून मला घृणा वाटतेकारण ते तुझ्या शब्दांप्रमाणे चालत नाहीत.+
१५९ पाहा, मला तुझे आदेश किती प्रिय आहेत!
हे यहोवा, तुझ्या एकनिष्ठ प्रेमामुळे मला जिवंत ठेव.+
१६० तुझे शब्द अगदी पूर्णपणे सत्य आहेत,+आणि तुझे सगळे नीतिमान न्याय-निर्णय सर्वकाळासाठी आहेत.
ש [शिन ]
१६१ अधिकारी उगाच मला छळतात,+पण माझं हृदय तुझ्या शब्दांनी विस्मित होतं.+
१६२ मोठा खजिना सापडलेल्या माणसासारखा,मी तुझ्या शब्दांमुळे आनंदित होतो.+
१६३ खोटेपणा मला अजिबात आवडत नाही, मला त्याची घृणा वाटते,+पण तुझं नियमशास्त्र मला प्रिय वाटतं.+
१६४ तुझ्या नीतिमान न्याय-निर्णयांमुळे,मी दिवसातून सात वेळा तुझी स्तुती करतो.
१६५ तुझ्या नियमशास्त्रावर प्रेम करणाऱ्‍यांना खूप शांती मिळते;+ते कोणत्याही गोष्टीमुळे अडखळणार नाहीत.
१६६ हे यहोवा, मी तुझ्या तारणाच्या कार्यांची आशा धरली आहेआणि मी तुझ्या आज्ञा पाळतो.
१६७ मी तुझ्या स्मरण-सूचनांप्रमाणे वागतो;माझं त्यांच्यावर मनापासून प्रेम आहे.+
१६८ मी तुझे आदेश आणि तुझ्या स्मरण-सूचना पाळतो,मी जे काही करतो, ते तुला माहीत आहे.+
ת [ताव ]
१६९ हे यहोवा, माझी मदतीची याचना तुझ्यापर्यंत पोहोचू दे.+
तुझ्या शब्दांतून मिळणारी समजबुद्धी मला दे.+
१७० माझी कृपेची याचना तुझ्यापुढे येऊ दे.
तू वचन दिल्याप्रमाणे* मला वाचव.
१७१ माझ्या ओठांतून तुझी स्तुती ओसंडून वाहू दे,+कारण तू मला तुझे कायदे शिकवतोस.
१७२ माझ्या जिभेला तुझ्या शब्दांचं गुणगान करू दे,+कारण तुझ्या सर्व आज्ञा नीतिमान आहेत.
१७३ तुझा हात मला मदत करण्यासाठी नेहमी तयार असो,+कारण तुझ्या आदेशांचं पालन करण्याची मी निवड केली आहे.+
१७४ हे यहोवा, तुझ्याकडून मिळणाऱ्‍या तारणाची मी वाट पाहतोय;मला तुझं नियमशास्त्र प्रिय आहे.+
१७५ मला जिवंत राहू दे, म्हणजे मी तुझी स्तुती करीन;+तुझे न्याय-निर्णय मला साहाय्य करोत.
१७६ वाट चुकलेल्या मेंढरासारखा मी भरकटलोय.+
तुझ्या या सेवकाला शोध,कारण मी तुझ्या आज्ञा विसरलो नाही.+
तळटीपा
^ किंवा “जे खरेपणाने वागतात.”
^ शब्दार्थसूची पाहा.
^ शब्दशः “माझे मार्ग स्थिर झाले, तर किती बरं होईल!”
^ शब्दार्थसूची पाहा.
^ किंवा “आदेशांचं परीक्षण.”
^ किंवा “कायद्यांचं परीक्षण.”
^ शब्दशः “मार्ग.”
^ किंवा “कार्यांचं परीक्षण.”
^ किंवा “मला लज्जित.”
^ शब्दशः “आज्ञांच्या मार्गावर धावीन.”
^ किंवा कदाचित, “तू माझ्या मनाला आत्मविश्‍वास देतोस.”
^ किंवा “दिलेला शब्द.”
^ किंवा कदाचित, “जे तू आपलं भय मानणाऱ्‍यांना दिलंस.”
^ किंवा “शब्दाप्रमाणे.”
^ किंवा “वाट पाहतोय.”
^ किंवा “मोकळ्या जागी.”
^ किंवा “कायद्यांचं परीक्षण.”
^ किंवा “ज्यासाठी तू मला थांबायला लावलंस.”
^ किंवा “ज्या घरात मी विदेशी म्हणून राहिलो.”
^ किंवा “मी नकळत पाप करायचो.”
^ शब्दशः “असंवेदनशील, चरबीसारखं.”
^ किंवा “मी तुझ्या शब्दांसाठी थांबलो.”
^ किंवा कदाचित, “खोटं बोलून.”
^ किंवा “आदेशांचं परीक्षण.”
^ किंवा “तारणासाठी माझा जीव झुरतो.”
^ किंवा “मी तुझ्या शब्दांसाठी थांबतो.”
^ किंवा “चामड्याच्या पिशवीसारखा.”
^ म्हणजे, त्याने निर्माण केलेल्या सर्व गोष्टी.
^ शब्दशः “खूप रुंद आहेत.”
^ किंवा “त्याचं परीक्षण.”
^ किंवा “स्मरण-सूचनांचं परीक्षण.”
^ शब्दशः “मी स्वेच्छेने दिलेल्या माझ्या तोंडाच्या अर्पणांचा.”
^ किंवा “कायमची संपत्ती.”
^ शब्दशः “माझं हृदय वळवलं आहे.”
^ किंवा “जे पूर्ण मनाने देवाची उपासना करत नाहीत अशा; विभाजित मनाच्या.”
^ किंवा “मी तुझ्या शब्दांची वाट पाहतो.”
^ किंवा “आशेला लज्जित.”
^ किंवा “आदेश.”
^ शब्दशः “धापा टाकतो.”
^ किंवा “स्थिर कर.”
^ शब्दशः “सोडव.”
^ किंवा “पहाटेच्या संधिप्रकाशात.”
^ किंवा “मी तुझ्या शब्दांसाठी थांबतो.”
^ किंवा “शब्दांचं परीक्षण.”
^ किंवा “अश्‍लील वर्तन.”
^ किंवा “माझा खटला चालव.”
^ किंवा “तुझ्या शब्दांप्रमाणे.”
