स्तोत्रं १३:१-६
दावीदचं गीत. संचालकासाठी.
१३ हे यहोवा, तू कुठपर्यंत मला विसरशील? कायमचं?
तू कधीपर्यंत माझ्यापासून आपलं तोंड फिरवशील?*+
२ मी कधीपर्यंत असा चिंतेत राहू?
कधीपर्यंत दररोज मनात दुःख बाळगू?
माझा शत्रू कुठपर्यंत माझ्यावर विजयी ठरेल?+
३ हे यहोवा, माझ्या देवा, माझ्याकडे पाहा आणि मला उत्तर दे.
माझ्या डोळ्यांना प्रकाश दे, नाहीतर मी मरून जाईन.*
४ “मी त्याला हरवलं,” असं माझ्या शत्रूला म्हणू देऊ नकोस.
मी पडल्यामुळे माझ्या विरोधकांना आनंदी होऊ देऊ नकोस.+
५ मी तर तुझ्या एकनिष्ठ प्रेमावर भरवसा ठेवतो;+तुझ्या तारणाच्या कार्यांमुळे माझं मन हर्षित होईल.+
६ मी यहोवासाठी गीत गाईन कारण त्याने मला भरपूर आशीर्वाद दिले आहेत.+
