स्तोत्रं २५:१-२२
दावीदचं गीत.
א [आलेफ ]
२५ हे यहोवा, मी तुझ्याकडे वळतो.
ב [बेथ ]
२ माझ्या देवा, तुझ्यावर माझा भरवसा आहे;+मला लज्जित होऊ देऊ नकोस.+
माझ्या संकटांमुळे माझ्या शत्रूंना आनंदी होऊ देऊ नकोस.+
ג [गिमेल ]
३ तुझी आशा बाळगणाऱ्‍यांना लज्जित व्हावं लागणार नाही,+पण, कारण नसताना दगा देणारे लज्जित होतील.+
ד [दालेथ ]
४ हे यहोवा, तुझे मार्ग मला दाखव;+तुझ्या वाटेने चालायला मला शिकव.+
ה [हे ]
५ तुझ्या खऱ्‍या मार्गावर मला चालव आणि मला मार्गदर्शन कर,+कारण तू माझं तारण करणारा देव आहेस.
ו [वाव ]
मी सतत तुझी आशा धरतो.
ז [झाइन ]
६ हे यहोवा, तू पूर्वीपासून दाखवलेली*+
तुझी दया आणि तुझं एकनिष्ठ प्रेम आठव.+
ח [हेथ ]
७ हे यहोवा, माझ्या तारुण्यातली पापं आणि अपराध लक्षात ठेवू नकोस.
तुझ्या एकनिष्ठ प्रेमानुसार,+तुझ्या चांगुलपणामुळे माझी आठवण कर.+
ט [तेथ ]
८ यहोवा चांगला आणि खरा आहे.+
म्हणूनच तो पापी लोकांना योग्य मार्ग दाखवतो.+
י [योद ]
९ तो नम्र लोकांना नीतीच्या* मार्गाने नेतो,+तो नम्र लोकांना आपला मार्ग शिकवतो.+
כ [खाफ ]
१० जे यहोवाचा करार+ आणि त्याच्या स्मरण-सूचना+ पाळतात,त्यांच्याशी तो नेहमी एकनिष्ठ प्रेमाने आणि विश्‍वासूपणे वागतो.
ל [लामेद ]
११ हे यहोवा, माझा अपराध फार मोठा आहे.
तरी, तू आपल्या नावासाठी तो क्षमा कर.+
מ [मेम ]
१२ जो माणूस यहोवाची भीती बाळगतो,+त्याने कोणता मार्ग निवडावा, हे तो त्याला शिकवेल.+
נ [नून ]
१३ त्याचं भलं होईल;+त्याचे वंशज* सबंध पृथ्वीवर राहतील.+
ס [सामेख ]
१४ जे यहोवाची भीती बाळगतात, त्यांच्याशी त्याची जवळची मैत्री असते,+तो त्यांना आपला करार कळवतो.+
ע [आयन ]
१५ माझे डोळे सतत यहोवाकडे लागलेले आहेत,+कारण तोच माझे पाय जाळ्यातून सोडवेल.+
פ [पे ]
१६ माझ्याकडे लक्ष दे* आणि माझ्यावर कृपा करकारण मी एकटा आणि असाहाय्य आहे.
צ [सादे ]
१७ माझ्या मनाला खूप यातना होत आहेत;+माझ्या दुःखातून मला सोडव.
ר [रेश ]
१८ माझं दुःख, माझ्या यातना बघ;+माझ्या सर्व पापांची क्षमा कर.+
१९ माझे शत्रू असंख्य झाले आहेत;ते किती खुनशीपणे माझा द्वेष करतात, ते पाहा.
ש [शिन ]
२० माझ्या जिवाचं रक्षण कर आणि मला वाचव.+
मला लज्जित होऊ देऊ नकोस, कारण मी तुझा आश्रय घेतलाय.
ת [ताव ]
२१ खरेपणा आणि सरळपणा माझं रक्षण करोत,+कारण मी तुझ्यावर आशा ठेवतो.+
२२ हे देवा, इस्राएलच्या सर्व संकटांतून त्याची सुटका कर.*
तळटीपा
^ किंवा “प्राचीन काळापासून असलेली.”
^ शब्दशः “न्यायाच्या.”
^ शब्दशः “बीज.”
^ किंवा “तुझा चेहरा माझ्याकडे वळव.”
^ शब्दशः “सोडव.”
