स्तोत्रं ५५:१-२३
दावीदचं गीत. मस्कील.* संचालकासाठी सूचना. तंतुवाद्यांसोबत गायलं जावं.
५५ हे देवा, माझी प्रार्थना ऐक.+
माझ्या दयेच्या याचनेकडे दुर्लक्ष करू नकोस.*+
२ माझ्याकडे लक्ष दे आणि मला उत्तर दे.+
काळजीमुळे माझं मन बेचैन झालंय.+
मला काहीच सुचत नाही.
३ कारण शत्रू मला धमक्या देत आहेत.
दुष्ट लोक माझ्यावर दबाव आणत आहेत.
ते माझ्यावर एकापाठोपाठ एक संकटं आणतात.
ते रागाने माझा विरोध करतात.+
४ माझ्या हृदयाला वेदना होत आहेत+
आणि मृत्यूच्या भीतीने मला घेरलंय.+
५ मला धडकी भरली आहे,भीतीने मी थरथर कापत आहे.
६ माझ्या मनात सारखा विचार येतो: “मला कबुतरासारखे पंख असते तर!
मी उडून गेलो असतो आणि सुरक्षित ठिकाणी जाऊन राहिलो असतो.
७ मी दूर कुठेतरी उडून गेलो असतो;+ओसाड रानात जाऊन राहिलो असतो.+ (सेला )
८ सोसाट्याच्या वाऱ्‍यापासून आणि वादळापासून वाचण्यासाठी,मी लगेच आश्रयाचं ठिकाण शोधलं असतं.”
९ हे यहोवा, त्यांना गोंधळात टाक आणि त्यांच्या योजना असफल कर.*+
कारण मी शहरात हिंसाचार आणि भांडणतंटे होताना पाहिले आहेत.
१० ते रात्रंदिवस शहराच्या तटबंदीवरून फेऱ्‍या मारतात;शहरात दुष्टाई आणि गुन्हेगारी माजली आहे.+
११ त्यावर संकट ओढवलंय;अत्याचार आणि फसवणूक चौकात ठाण मांडून बसले आहेत.+
१२ मला टोमणे मारणारा कोणी शत्रू नाही;+नाहीतर, मी ते सहन केलंही असतं.
माझ्याविरुद्ध उठलेला कोणी वैरी नाही;नाहीतर, मी त्याच्यापासून लपलो असतो.
१३ पण तो तू आहेस; माझ्यासारखाच एक माणूस.*+
माझा सोबती, ज्याला मी चांगलं ओळखतो.+
१४ पूर्वी आपण जिवाभावाचे मित्र होतो;आपण सर्व लोकांसोबत मिळून देवाच्या घराकडे चालत जायचो.
१५ त्यांचा अचानक नाश होऊ दे!+
त्यांना जिवंतच कबरेत* जाऊ दे!
कारण त्यांच्यात दुष्टाई आहे.
१६ पण मी तर देवाला हाक मारीन.
यहोवा मला वाचवेल.+
१७ सकाळपासून संध्याकाळपर्यंत, मी दुःखाने आक्रोश करत असतो,*+देव माझा आवाज ऐकतो.+
१८ पुष्कळ जण माझ्याविरुद्ध उठले आहेत.+
पण देव माझी सुटका करेल* आणि माझ्याविरुद्ध* लढणाऱ्‍यांपासून मला वाचवेल.
१९ देव माझं ऐकेल आणि त्यांच्याविरुद्ध कारवाई करेल.+
तो तर प्राचीन काळापासून राजासनावर बसलाय.+ (सेला )
पण, ते बदलायला तयार होणार नाहीत.
त्यांना देवाची भीती वाटत नाही.+
२० त्याने* आपल्याच मित्रांवर हल्ला केला;+त्याने आपला करार मोडला.+
२१ त्याचे शब्द लोण्याहून मऊ आहेत,+पण त्याच्या मनात खोट आहे.
त्याचे शब्द तेलापेक्षा गुळगुळीत आहेत,पण ते उपसलेल्या तलवारींसारखे आहेत.+
२२ तुझं सगळं ओझं यहोवावर टाकून दे,+म्हणजे तो तुला सांभाळेल.+
नीतिमान माणसाला तो कधीच पडू* देणार नाही.+
२३ पण हे देवा, तू त्यांना सगळ्यात खोल खळग्यात टाकून देशील.+
रक्‍तपात आणि फसवणूक करणारी ही माणसं, अर्धं आयुष्यही जगणार नाहीत.+
पण मी तर तुझ्यावरच भरवसा ठेवीन!
तळटीपा
^ शब्दार्थसूची पाहा.
^ किंवा “मी मदतीसाठी प्रार्थना करतो, तेव्हा माझ्यापासून तोंड फिरवू नकोस.”
^ शब्दशः “त्यांची जीभ दुभंगून टाक.”
^ किंवा “एक माणूस, माझ्या बरोबरीचा माणूस.”
^ हिब्रू भाषेत “शिओल.” शब्दार्थसूची पाहा.
^ किंवा “कण्हत असतो.”
^ शब्दशः “मला सोडवेल.”
^ किंवा “माझ्या जिवाविरुद्ध.”
^ म्हणजे १३ व्या आणि १४ व्या वचनांत उल्लेख केलेला पूर्वीचा मित्र.
^ किंवा “अडखळू; डळमळू.”
