स्तोत्रं ८:१-९
दावीदचं गीत. संचालकासाठी सूचना. गित्तीथ* याच्या चालीवर गायलं जावं.
८ हे यहोवा, आमच्या प्रभू, सबंध पृथ्वीवर तुझं नाव किती महान आहे!
तू आपलं वैभव आकाशापेक्षाही उंच केलं आहेस!*+
२ तुझा विरोध करणाऱ्‍यांमुळे,तू लहान मुलांच्या आणि तान्ह्या बाळांच्या तोंडून+ सामर्थ्य प्रकट केलं आहेस.
तू शत्रूचा आणि सूड घेणाऱ्‍याचा आवाज बंद केला आहेस.
३ तू आपल्या हातांनी निर्माण केलेलं आकाश*आणि तू घडवलेले चंद्र-तारे+ जेव्हा मी पाहतो,तेव्हा माझ्या मनात विचार येतो,
४ नाशवंत माणूस काय आहे, की तू त्याला आठवणीत ठेवावं?
आणि मानव काय आहे, की तू त्याची काळजी घ्यावी?+
५ तू त्याला स्वर्गदूतांपेक्षा काहीसं कमी बनवलंस;तू त्याला गौरवाचा आणि वैभवाचा मुकुट घातलास.
६ तुझ्या हातांच्या कार्यांवर तू त्याला अधिकार दिलास;+तू सर्व गोष्टी त्याच्या पायांखाली ठेवल्या.*
७ मेंढरांचे व गुरांचे कळप,आणि सर्व जंगली पशू;*+
८ आकाशातले पक्षी व समुद्रातले मासे,तसंच, समुद्रात फिरणारे सर्व जीव!
९ हे यहोवा, आमच्या प्रभू, सबंध पृथ्वीवर तुझं नाव किती महान आहे!
तळटीपा
^ शब्दार्थसूची पाहा.
^ किंवा कदाचित, “स्वर्गाच्याही वरती तुझ्या वैभवाचं वर्णन केलं जातं.”
^ शब्दशः “स्वर्ग.”
^ किंवा “तू सर्वकाही त्याच्या अधीन केलंस.”
^ शब्दशः “रानातले पशू.”
