स्तोत्रं ८१:१-१६
आसाफचं गीत.+ संचालकासाठी सूचना: गित्तीथ* याच्या चालीवर गायलं जावं.
८१ देव आपली ताकद आहे.+ त्याचा जयजयकार करा!
जल्लोष करून याकोबच्या देवाची स्तुती करा!
२ संगीत वाजवायला सुरुवात करा आणि हातात डफ,सुरेल वीणा आणि तंतुवाद्य घ्या.
३ नवचंद्राच्या दिवशी*आणि पौर्णिमेला आपल्या उत्सवाच्या दिवशी शिंग फुंका.+
४ कारण हा इस्राएलसाठी एक नियम आहे,याकोबच्या देवाचा हा आदेश आहे.+
५ जेव्हा तो इजिप्तचा देश ओलांडून गेला,+तेव्हा त्याने योसेफला एक स्मरण-सूचना म्हणून तो दिला होता.+
मी एक आवाज* ऐकला, पण मी तो ओळखू शकलो नाही.
६ देव म्हणतो: “मी त्याच्या खांद्यावरचं ओझं काढलं;+त्याच्या हातातली टोपली मी घेतली.
७ तुझ्या संकटात तू मला हाक मारलीस आणि मी तुझी सुटका केली;+गरजणाऱ्‍या ढगातून* मी तुला उत्तर दिलं.+
मरीबाच्या* पाण्याजवळ मी तुझी परीक्षा पाहिली.+ (सेला )
८ माझ्या लोकांनो, ऐका, म्हणजे मी तुमच्याविरुद्ध साक्ष देईन.
हे इस्राएल, तू माझं ऐकलंस तर किती बरं होईल!+
९ मग तुझ्यात कोणताच अनोळखी देव असणार नाही,आणि तू परक्या देवाला नमन करणार नाहीस.+
१० मी यहोवा तुझा देव आहे.
मीच तुला इजिप्तच्या देशातून बाहेर आणलं.+
तुझं तोंड चांगलं उघड, म्हणजे तू तृप्त होईपर्यंत मी तुला अन्‍न भरवीन.+
११ पण माझ्या लोकांनी माझं ऐकलं नाही;इस्राएलने माझ्या आज्ञा पाळल्या नाहीत.+
१२ म्हणून मी त्यांना त्यांच्या हट्टी मनाप्रमाणे वागू दिलं;त्यांना जे योग्य वाटलं ते त्यांनी केलं.*+
१३ जर माझ्या लोकांनी माझं ऐकलं,आणि इस्राएलने माझ्या मार्गांचं पालन केलं, तर किती बरं होईल!+
१४ मग मी लगेच त्यांच्या शत्रूंना त्यांच्या हाती देईन;मी त्यांच्या वैऱ्‍यांचा पराभव करीन.+
१५ यहोवाचा द्वेष करणारे त्याच्यापुढे भीतीने थरथर कापत येतील,त्यांचा नाश* कायमचा असेल.
१६ पण तुला* मात्र तो सगळ्यात उत्तम गहू खायला देईल+तो खडकातल्या मधाने तुला तृप्त करेल.”+
तळटीपा
^ शब्दार्थसूची पाहा.
^ चंद्राची पहिली कोर दिसते तो दिवस.
^ किंवा “भाषा.”
^ शब्दशः “मेघगर्जनेच्या गुप्त ठिकाणातून.”
^ म्हणजे, “भांडण.”
^ शब्दशः “आपल्या इच्छेप्रमाणे चालले.”
^ शब्दशः “काळ.”
^ शब्दशः “त्याला.” म्हणजे, देवाच्या लोकांना.
