स्तोत्रं ८८:१-१८
कोरहच्या मुलांचं गीत.+ स्तुतिगीत. संचालकासाठी सूचना. महलथ* शैलीप्रमाणे आळीपाळीने गायलं जावं. एज्राही हेमान+ याचं मस्कील.*
८८ हे यहोवा, माझं तारण करणाऱ्‍या देवा,+दिवसभर मी आक्रोश करतोआणि रात्री मी तुझ्यापुढे विनवणी करतो.+
२ माझी प्रार्थना तुझ्यासमोर येऊ दे.+
माझ्या मदतीच्या याचनेकडे लक्ष दे.*+
३ कारण माझा जीव* संकटांनी त्रस्त झालाय;+मी कबरेच्या* उंबरठ्याशी आलोय.+
४ खळग्यात* जाणाऱ्‍यांमध्ये मला मोजलं जातंय;+मी एक असाहाय्य माणूस* आहे.+
५ मला मेलेल्यांमध्ये टाकून देण्यात आलंय.
तू ज्यांची आठवण करत नाहीसआणि ज्यांना तुझ्याकडून कोणतीही मदत मिळत नाही,अशा कबरेत पडलेल्या प्रेतांसारखा मी झालोय.
६ तू मला सगळ्यात खोल खळग्यात;अंधाऱ्‍या ठिकाणी, एका अथांग डोहात टाकून दिलं आहेस.
७ तुझ्या क्रोधाच्या भाराखाली मी दबून गेलोय,+तुझ्या भयानक लाटा माझ्यावर आदळतात. (सेला )
८ माझ्या ओळखीच्या लोकांना तू माझ्यापासून दूर केलं आहेस;+त्यांना माझी घृणा वाटेल, अशी तू माझी स्थिती केली आहेस.
मी अशा जाळ्यात सापडलोय, ज्यातून सुटण्याचा मार्ग नाही.
९ माझ्या दुःखामुळे माझे डोळे निस्तेज झाले आहेत.+
हे यहोवा, मी दिवसभर तुला हाक मारतो;+तुझ्यापुढे मी आपले हात पसरतो.
१० तू मेलेल्यांसाठी अद्‌भुत कार्यं करशील का?
मृत्यूमुळे शक्‍तिहीन झालेले, उठून तुझी स्तुती करू शकतात का?+ (सेला )
११ कबरेत कोणी तुझ्या एकनिष्ठ प्रेमाबद्दल सांगेल का?
नाशाच्या ठिकाणी कोणी तुझ्या विश्‍वासूपणाचं वर्णन करेल का?
१२ अंधारात तुझे पराक्रम प्रकट होतील का?
विस्मरणाच्या देशात तुझं नीतिमत्त्व जाहीर होईल का?+
१३ तरीही, हे यहोवा, मी तुला मदतीची याचना करतो,+दररोज पहाटे मी तुला प्रार्थना करतो.+
१४ हे यहोवा, तू मला का झिडकारतोस?+
तू माझ्यापासून तोंड का फिरवतोस?+
१५ लहानपणापासूनचमी दुःखीकष्टी आहे आणि मृत्यूच्या सावलीत राहतोय;+तू माझ्यावर येऊ दिलेली संकटं सोसून मी अगदी बधिर झालोय.
१६ तुझ्या संतापाने मला दडपून टाकलंय;+तुझ्या धाकाने माझा नाश होत आहे.
१७ दिवसभर तो मला समुद्राच्या लाटांसारखा घेरतो.
चारही बाजूंनी* त्याने मला वेढलंय.
१८ तू माझ्या मित्रांना आणि सोबत्यांना माझ्यापासून दूर केलं आहेस;+आता मला फक्‍त अंधाराची सोबत आहे.
तळटीपा
^ शब्दार्थसूची पाहा.
^ शब्दार्थसूची पाहा.
^ किंवा “खाली वाकून ऐक.”
^ शब्दार्थसूची पाहा.
^ हिब्रू भाषेत “शिओल.” शब्दार्थसूची पाहा.
^ किंवा “शक्‍ती नसलेल्या माणसासारखा.”
^ किंवा “कबरेत.”
^ किंवा कदाचित, “अचानक.”
