हबक्कूक ३:१-१९
३ हबक्कूक संदेष्ट्याने शोकगीत गाऊन केलेली प्रार्थना:
२ “हे यहोवा, मी तुझ्या पराक्रमांबद्दल ऐकलंय.
हे यहोवा, तुझ्या कार्यांबद्दल ऐकून मी अगदी थक्क झालोय.
या वर्षांदरम्यान* तशीच कार्यं पुन्हा कर!
या वर्षांदरम्यान* ती सर्वांना कळू दे.
संकटाच्या काळात दया दाखवायला विसरू नकोस.+
३ देव तेमानहून आला,पवित्र देव पारान पर्वतावरून आला.+ (सेला )*
त्याच्या वैभवाने आकाशाला झाकून टाकलं;+त्याच्या स्तुतीने पृथ्वी भरून गेली.
४ त्याचं तेज प्रकाशासारखं होतं.+
त्याच्या हातातून दोन किरणं निघत होती.
त्यात त्याचं सामर्थ्य दडलेलं होतं.
५ रोगाची साथ+ त्याच्यापुढे जात होती,आणि फणफणता ताप त्याच्यामागून येत होता.
६ तो स्तब्ध उभा राहिला आणि त्याने पृथ्वीला हादरून सोडलं.+
त्याने एक नजर टाकताच राष्ट्रांचा थरकाप उडाला.+
सर्वकाळापासून उभे असलेले पर्वत कोसळले,आणि वर्षानुवर्षांपासून असलेल्या टेकड्या खाली वाकल्या.+
हे त्याचे पूर्वीपासूनचे मार्ग आहेत.
७ कूशानच्या तंबूंत मला संकट दिसलं.
मिद्यान देशाच्या तंबूंची कापडं फडफडू लागली.+
८ हे यहोवा, तू नद्यांवर रागावला आहेस का?
तुझा क्रोध नद्यांवर भडकला आहे का?
की तू समुद्रावर संतापला आहेस?+
तू आपल्या घोड्यांवर स्वार झालास;+तुझे रथ विजयी झाले.*+
९ तू आपलं धनुष्य काढून तयार केलं आहेस.
तुझ्या शस्त्रांना* तू शपथ घालून नेमलं आहेस.* (सेला )
तू नद्यांनी पृथ्वीला दुभंगून टाकतोस.
१० तुला पाहून पर्वत वेदनांनी तळमळले.+
वादळी पावसामुळे पाण्याचे लोट वाहत आले.
पृथ्वीच्या पोटातल्या पाण्याने गर्जना केली.+
ते वर उफाळून आलं.*
११ सूर्य आणि चंद्र त्यांच्या उच्च ठिकाणी स्तब्ध झाले.+
तुझे बाण प्रकाशासारखे निघाले.+
तुझा भाला विजेसारखा चकाकला.
१२ तू संतप्त होऊन पृथ्वीवरून चाललास.
तू क्रोधाने राष्ट्रांना तुडवलंस. *
१३ तू आपल्या लोकांना तारण्यासाठी, तुझ्या अभिषिक्‍ताला वाचवण्यासाठी निघालास.
दुष्टांच्या घराच्या पुढाऱ्‍याला* तू चिरडून टाकलंस.
त्यांचं घर पायापासून छतापर्यंत* उघडं पडलं. (सेला )
१४ त्याचे योद्धे मला विखरून टाकायला तुफानासारखे आले,एकांतात दुःखी माणसाला नष्ट करायला त्यांना खूप आनंद वाटला,पण तू त्याचीच शस्त्रं* त्याच्या योद्ध्यांच्या डोक्यात खुपसलीस.
१५ तू आपल्या घोड्यांवरून समुद्रातून,अथांग सागराच्या उसळत्या पाण्यातून स्वारी केलीस.
१६ मी ऐकलं तेव्हा माझ्या काळजाचा थरकाप उडाला;त्या आवाजाने माझे ओठ थरथर कापू लागले.
माझी हाडं खिळखिळी झाली;+माझे पाय लटपटू लागले.
पण तरी मी संकटाच्या दिवसाची शांतपणे वाट पाहीन,+कारण आमच्यावर हल्ला करणाऱ्‍या लोकांवर तो दिवस येत आहे.
१७ जरी अंजिराच्या झाडाला बहर आला नाही,आणि द्राक्षवेलींवर द्राक्षं आली नाहीत;जरी जैतुनाचं पीक बुडालं,आणि शेतांत काहीच अन्‍न उगवलं नाही;जरी मेंढवाड्यातून कळप नाहीसे झाले,आणि गोठ्यांत गुरंढोरं उरली नाहीत,
१८ तरीही मी यहोवामुळे आनंदी होईन;माझं तारण करणाऱ्‍या देवामुळे मी हर्ष करीन.+
१९ सर्वोच्च प्रभू यहोवा माझी ताकद आहे;+तो माझे पाय हरणाच्या पायांसारखे करेल
आणि मला उच्च स्थानांवर चालवेल.+
तळटीपा
^ किंवा कदाचित, “आमच्या काळात.”
^ किंवा कदाचित, “आमच्या काळात.”
^ शब्दार्थसूची पाहा.
^ किंवा “तुझ्या रथांनी तारण केलं.”
^ किंवा कदाचित, “बाणांना.”
^ किंवा कदाचित, “वंशांच्या शपथा सांगण्यात आल्या आहेत.”
^ हे कदाचित लाटांना सूचित करत असावं.
^ शब्दशः “झोडपलंस.”
^ शब्दशः “डोकं.”
^ शब्दशः “मान.”
^ शब्दशः “त्याचेच दांडे.”
