होशेय १२:१-१४
१२ “एफ्राईम वाऱ्याने आपलं पोट भरतो.
तो दिवसभर पूर्वेच्या वाऱ्यामागे धावतो.
तो खोटेपणात आणि हिंसाचारात भर घालतो.
ते अश्शूरशी करार करतात+ आणि इजिप्तला तेल नेतात.+
२ यहोवाचा यहूदाविरुद्ध एक खटला आहे;+तो याकोबकडून त्याच्या वागणुकीचा हिशोब घेईल,आणि त्याच्या कृत्यांप्रमाणे त्याला प्रतिफळ देईल.+
३ त्याने आईच्या गर्भात आपल्या भावाची टाच धरली,+आणि तो जोमाने देवासोबत लढला.+
४ तो एका स्वर्गदूतासोबत लढत राहिला आणि शेवटी विजयी ठरला.
त्याने रडून त्याच्याकडे आशीर्वादाची याचना केली.”+
तो देवाला बेथेलमध्ये सापडला आणि तिथे देव आपल्याशी बोलला.+
५ यहोवा सैन्यांचा देव आहे,+यहोवा या नावाने त्याची आठवण केली जाते.*+
६ “म्हणून आपल्या देवाकडे परत या,+एकनिष्ठ प्रेमाने आणि न्यायाने वागायचं सोडू नका,+आणि देवाची सतत वाट पाहत राहा.
७ पण व्यापाऱ्याच्या* हातात फसवं तराजू आहे;त्याला लुबाडायला आवडतं.+
८ एफ्राईम सारखं म्हणतो, ‘मी खरंच श्रीमंत झालोय;+मला धनसंपत्ती मिळाली आहे.+
ती सगळी मी स्वतःच्या मेहनतीने मिळवली आहे, त्यांना माझ्यात कोणताही अपराध किंवा पाप सापडणार नाही.’
९ पण तुम्ही इजिप्तमध्ये होता, तेव्हापासून मी तुमचा देव यहोवा आहे.+
ठरलेल्या वेळी होणाऱ्या सणाच्या दिवसांप्रमाणे,मी तुम्हाला पुन्हा तंबूंमध्ये राहायला लावीन.
१० मी संदेष्ट्यांशी बोललो,+मी त्यांना पुष्कळ दृष्टान्त दाखवले.
मी संदेष्ट्यांद्वारे दाखले देऊन बोललो.
११ गिलादमध्ये फसवणूक*+ आणि असत्य आहे.
गिलगालमध्ये त्यांनी बैलांची बलिदानं दिली आहेत.+
त्यांच्या वेदी शेतातल्या दगडांच्या ढिगाऱ्यांप्रमाणे आहेत.+
१२ याकोब अरामच्या* प्रदेशात* पळून गेला;+तिथे इस्राएलने+ बायको मिळावी म्हणून चाकरी केली,+बायको मिळावी म्हणून त्याने मेंढरांची राखण केली.+
१३ यहोवाने एका संदेष्ट्याद्वारे इस्राएलला इजिप्तमधून बाहेर आणलं,+आणि एका संदेष्ट्याद्वारे त्याचं रक्षण केलं.+
१४ एफ्राईमने देवाला खूप चीड आणली;+त्याचा रक्तदोष त्याच्याच डोक्यावर राहील;त्याने केलेल्या अपमानाबद्दल त्याचा प्रभू त्याची परतफेड करेल.”+
तळटीपा
^ किंवा “हे नाव त्याचं स्मारक आहे.”
^ किंवा “दुकानदाराच्या.”
^ किंवा “गूढ गोष्टी.”
^ शब्दशः “शेतात.”
^ किंवा “सीरियाच्या.”