होशेय ४:१-१९
४ इस्राएली लोकांनो, यहोवाचा संदेश ऐका,देशाच्या रहिवाशांविरुद्ध यहोवाचा खटला आहे,+कारण देशात सत्य, एकनिष्ठ प्रेम किंवा देवाबद्दलचं ज्ञान नाही.+
२ खोट्या शपथा घेणं, खोटं बोलणं,+ हत्या करणं,+चोरी आणि व्यभिचार+ सगळीकडे होत आहे,हत्येमागून हत्या होत आहे.+
३ म्हणून हा देश शोक करेल;+त्यातला प्रत्येक रहिवासी अशक्‍त होत जाईल.
रानातले पशू, आकाशातले पक्षी,आणि समुद्रातले मासेही नष्ट होतील.
४ “म्हणून कोणीही दुसऱ्‍याचा विरोध करू नये किंवा दोष दाखवू नये,+कारण याजकाचा विरोध करणाऱ्‍या लोकांसारखे तुझे लोक झाले आहेत.+
५ म्हणून तू भरदिवसा अडखळशील,आणि रात्र असल्याप्रमाणे, संदेष्टा तुझ्यासोबत अडखळेल.
आणि मी तुझ्या आईचा आवाज बंद करीन.*
६ मी माझ्या लोकांचा आवाज बंद करीन,*कारण त्यांना माझी ओळख नाही.
त्यांनी मला नाकारल्यामुळे,+मीही त्यांना नाकारीन आणि माझे याजक म्हणून सेवा करू देणार नाही.
तुम्ही आपल्या देवाचं नियमशास्त्र* विसरलात,+म्हणून मीही तुमच्या मुलांना विसरेन.
७ त्यांची संख्या जितकी वाढली, तितकंच जास्त त्यांनी माझ्याविरुद्ध पाप केलं.+
मी त्यांचा गौरव अपमानात बदलून टाकीन.*
८ माझ्या लोकांच्या पापांवर ते आपलं पोट भरतात,त्यांच्या अपराधांसाठी ते हपापले आहेत.*
९ लोकांशी आणि याजकांशी मी एकसारखाच व्यवहार करीन;त्यांच्या वागणुकीबद्दल मी त्यांच्याकडून हिशोब मागीन,आणि त्यांच्या कृत्यांचे परिणाम मी त्यांना भोगायला लावीन.+
१० ते खातील पण तृप्त होणार नाहीत.+
ते व्यभिचार करतील,* पण त्यांची संख्या वाढणार नाही.+
कारण त्यांनी यहोवाचा अनादर केला आहे.
११ व्यभिचार,* द्राक्षारस आणि नवीन द्राक्षारसयोग्य ते करण्याची इच्छा* नष्ट करतात.*+
१२ माझे लोक आपल्या लाकडी मूर्तींचा सल्ला घेतात,त्यांची काठी* सांगेल तसं ते वागतात;कारण व्यभिचारी* वृत्तीमुळे ते भरकटले आहेत,आणि व्यभिचार* करून ते आपल्या देवाच्या अधीन राहायला नकार देतात.
१३ ते पर्वतांच्या माथ्यांवर बलिदानं देतात,+आणि टेकड्यांवर हवन करतात.
अल्लोन* आणि लिवने* वृक्षांखाली आणि प्रत्येक मोठ्या झाडाखाली ते बलिदानं देतात,+कारण या झाडांखाली चांगली सावली असते.
म्हणून तुमच्या मुली वेश्‍येसारखी कामं* करतातआणि तुमच्या सुना व्यभिचार करतात.
१४ मी तुमच्या मुलींना वेश्‍यांसारखं वागल्याबद्दल,*आणि तुमच्या सुनांना व्यभिचार केल्याबद्दल जबाबदार धरणार नाही.
कारण पुरुष वेश्‍यांसोबत जातातआणि मंदिरातल्या वेश्‍यांसोबत बलिदानं देतात.
समजबुद्धी नसलेल्या या लोकांचा+ नाश होईल.
१५ हे इस्राएल, तू वेश्‍येसारखं वागत आहेस,*+पण यहूदाने तसं पाप करू नये.+
गिलगाल+ किंवा बेथ-आवेन+ इथे येऊ नकोस,आणि ‘यहोवाच्या जिवाची शपथ!’ असं म्हणून शपथ घेऊ नकोस.+
१६ एखाद्या हट्टी गायीसारखा इस्राएल हट्टी झाला आहे.+
कोकऱ्‍याला मोकळ्या कुरणात* चरायला नेतात, तसं आता यहोवा त्याला चरायला नेईल का?
१७ एफ्राईम मूर्तींच्या नादी लागला आहे.+
त्याला सोडून द्या!
१८ त्याचं मद्य संपतं,तेव्हा तो व्यभिचार करतो.*
त्याच्या शासकांना* नीच कामं आवडतात.+
१९ वारा त्याला आपल्या पंखांत लपेटून टाकेल,*त्याच्या बलिदानांमुळे त्याची लाजिरवाणी स्थिती होईल.
तळटीपा
^ किंवा “नाश करीन.”
^ किंवा “नाश करीन.”
^ किंवा “शिक्षण.”
^ किंवा कदाचित, “त्यांनी माझा गौरव करण्याऐवजी अपमान केला आहे.”
^ किंवा “लोभी झाले आहेत.”
^ किंवा “अतिशय अनैतिक कामं करतील; वेश्‍येसारखी कामं करतील.”
^ शब्दशः “हृदय काढून घेतात.”
^ किंवा “प्रेरणा.”
^ किंवा “अनैतिक लैंगिक कृत्यं; चारित्र्यहीन वर्तन.”
^ किंवा “शकुन पाहणाऱ्‍याची काठी.”
^ किंवा “अनैतिक लैंगिक कृत्यं करण्याच्या; चारित्र्यहीन.”
^ किंवा “अनैतिक लैंगिक कृत्यं; चारित्र्यहीन वर्तन.”
^ एक प्रकारचा मोठा वृक्ष. इंग्रजीत त्याला “ओक” म्हणतात.
^ सुंदर आणि सुगंधी फुलांचं एक झाड.
^ किंवा “अनैतिक लैंगिक कृत्यं; चारित्र्यहीन वर्तन.”
^ किंवा “अनैतिक लैंगिक कृत्यं केल्याबद्दल; चारित्र्यहीन वर्तनाबद्दल.”
^ किंवा “अनैतिक लैंगिक कृत्यं करत आहेस; चारित्र्यहीन आहेस.”
^ शब्दशः “मोकळ्या जागेत.”
^ किंवा “अतिशय अनैतिक कामं करतो; वेश्‍येसारखी कामं करतो.”
^ शब्दशः “ढालींना.”
^ किंवा “वाहून नेईल.”
