होशेय ६:१-११
६ “चला, आपण यहोवाकडे परत जाऊ या,कारण त्याने फाडून आपले तुकडे केले आहेत,+ पण तोच आपल्याला बरं करेल.
त्याने आपल्याला जखमी केलं, पण तोच आपल्या जखमांना पट्टी बांधेल.
२ तो दोन दिवसांनी आपल्याला जिवंत करेल.
तिसऱ्‍या दिवशी तो आपल्याला उठवेल,आणि आपण त्याच्यासमोर जिवंत राहू.
३ आपण यहोवाला जाणून घेऊ, आपण त्याला जाणून घेण्याचा मनापासून प्रयत्न करू.
पहाट उगवण्याइतकंच त्याचं येणं निश्‍चित आहे;तो बरसणाऱ्‍या सरींसारखा आपल्याकडे येईल,पृथ्वीला ओलंचिंब करणाऱ्‍या वसंतातल्या पावसासारखा तो येईल.”
४ “अरे एफ्राईम, मी तुझ्यासोबत काय करू?
अरे यहूदा, मी तुझं काय करू?
कारण तुझं प्रेम सकाळच्या मेघांसारखं आहे,लगेच नाहीशा होणाऱ्‍या दवासारखं आहे.
५ म्हणून मी संदेष्ट्यांद्वारे त्यांना कापून टाकीन;+माझ्या तोंडातून निघणाऱ्‍या शब्दांनी मी त्यांना ठार मारीन.+
तुमच्यावर येणारे न्यायदंड प्रकाशासारखे चमकतील.+
६ कारण मला बलिदानाने नाही, तर एकनिष्ठ प्रेमाने* आनंद होतो,आणि होमार्पणांनी नाही, तर देवाच्या ज्ञानाने मला आनंद होतो.+
७ पण त्यांनी पापी मानवांप्रमाणे माझा करार मोडला आहे.+
त्यांनी तिथे माझ्याशी विश्‍वासघात केला आहे.
८ गिलाद दुष्टांचं नगर आहे,+ते रक्‍ताच्या पाऊलखुणांनी माखलेलं आहे.+
९ याजकांची टोळी एखाद्या माणसाला मारायला टपून बसलेल्या लुटारूंच्या टोळीसारखी आहे.
ते शखेमच्या+ रस्त्यावर खून करतात;त्यांचं वागणं लाजिरवाणं आहे.
१० इस्राएलच्या घराण्यात मला एक किळसवाणी गोष्ट दिसली.
तिथे एफ्राईम व्यभिचार करतो;*+इस्राएलने स्वतःला दूषित केलं आहे.+
११ हे यहूदा, तुझ्यासाठी तर कापणीचा काळ ठरलेला आहे;त्या वेळी मी माझ्या बंदिवान लोकांना गोळा करून परत आणीन.”+
