होशेय ७:१-१६
७ “जेव्हा जेव्हा मी एफ्राईमला बरं करायचा प्रयत्न करतो, तेव्हा तेव्हा त्यांचे अपराध,+आणि शोमरोनची दुष्टता+ उजेडात येते.
कारण ते फसवणूक करतात;+चोर घरफोडी करतात आणि बाहेर लुटारूंच्या टोळ्या लुटालूट करतात.+
२ पण मी त्यांची सगळी दुष्टता लक्षात ठेवीन, असं ते मनात म्हणत नाहीत.+
त्यांच्या अपराधांनी त्यांना घेरलं आहे;त्यांचे अपराध माझ्यापासून लपलेले नाहीत.
३ ते आपल्या दुष्टतेमुळे राजाला,आणि आपल्या लबाडीने राजकुमारांना खूश करतात.
४ ते सर्व व्यभिचारी आहेत,रोटी भाजणाऱ्याने तापवलेल्या भट्टीसारखे ते आहेत.
तो पीठ मळल्यावर ते फुगेपर्यंत, विस्तव चाळवत नाही.*
५ आमच्या राजाच्या उत्सवाच्या दिवशी, अधिकाऱ्यांना मळमळू लागलं—द्राक्षारसामुळे ते संतापले आहेत.+
राजाने थट्टा करणाऱ्यांच्या हातात हात दिला आहे.
६ कारण त्यांचं हृदय तापलेल्या भट्टीसारखं आहे.*
रोटी भाजणारा रात्रभर झोपतो,सकाळी त्याच्या भट्टीतली आग धगधगत असते.
७ ते सर्व भट्टीसारखे तापलेले असतात,ते आपल्या शासकांना* गिळून टाकतात.
त्यांचे सर्व राजे पडले आहेत;+त्यांच्यापैकी कोणीही मला हाक मारत नाही.+
८ एफ्राईम इतर राष्ट्रांसोबत मिसळतो.+
तो एका बाजूने भाजलेल्या रोटीसारखा आहे.
९ अनोळखी लोकांनी त्याची शक्ती शोषून घेतली आहे,+ पण त्याला याची कल्पना नाही.
त्याचे केस पांढरे झाले आहेत, पण त्याच्या लक्षात येत नाही.
१० इस्राएलच्या गर्वाने त्याच्याविरुद्ध साक्ष दिली आहे,+पण ते आपला देव यहोवा याच्याकडे परत आले नाहीत;+आणि हे सर्व झाल्यावरही त्यांनी त्याचा शोध घेतला नाही.
११ एफ्राईम एखाद्या भोळ्या कबुतरासारखा आहे, त्याला बुद्धी नाही.*+
त्यांनी इजिप्तला हाक मारली आहे+ आणि त्यांनी अश्शूरकडे धाव घेतली आहे.+
१२ ते कुठेही गेले, तरी मी माझं जाळं त्यांच्यावर टाकीन.
मी आकाशातल्या पक्ष्यांसारखं त्यांना खाली पाडीन.
त्यांना* ताकीद दिल्याप्रमाणे मी त्यांना शिक्षा करीन.+
१३ त्यांचा धिक्कार असो, कारण ते माझ्यापासून दूर गेले आहेत!
त्यांचा नाश होवो, कारण त्यांनी माझ्याविरुद्ध पाप केलं आहे!
मी त्यांना सोडवायला तयार होतो, पण ते माझ्याविरुद्ध खोटं बोलले आहेत.+
१४ त्यांनी मनापासून मला मदतीसाठी हाक मारली नाही,+ते फक्त आपल्या अंथरुणांवर पडून ओरडत राहिले.
ते धान्यासाठी आणि नवीन द्राक्षारसासाठी शरीरावर घाव करून घ्यायचे;ते माझा विरोध करतात.
१५ मी त्यांना शिकवलं आणि त्यांचे हात मजबूत केले,पण ते माझा विरोध करतात आणि कटकारस्थानं रचतात.
१६ त्यांनी आपला मार्ग बदलला, पण ते चांगल्या मार्गाला लागले नाहीत;*
सैल दोरी असलेल्या धनुष्यासारखे ते बेभरवशाचे होते.+
त्यांचे अधिकारी त्यांच्या उद्धट जिभांमुळे तलवारीने मारले जातील.
यामुळेच इजिप्त देशात त्यांची थट्टा केली जाईल.”+
तळटीपा
^ किंवा “आग वाढवण्यासाठी निखारे हलवत नाही.”
^ किंवा कदाचित, “कारस्थानं करायला येताना त्यांचं हृदय तापलेल्या भट्टीसारखं असतं.”
^ शब्दशः “न्यायाधीशांना.”
^ शब्दशः “हृदय नाही.”
^ शब्दशः “त्यांच्या मंडळीला.”
^ म्हणजे, उच्च दर्जाच्या उपासनेकडे वळले नाहीत.