होशेय ८:१-१४
८ “शिंग फुंका!+
शत्रू यहोवाच्या लोकांविरुद्ध गरुडासारखा येत आहे,+कारण त्यांनी माझा करारआणि माझा नियम मोडला आहे.+
२ ते मला हाक मारतात, ‘हे आमच्या देवा, आम्ही इस्राएल, तुला ओळखतो!’+
३ जे चांगलं आहे त्याला इस्राएलने नाकारलंय.+
शत्रू त्याचा पाठलाग करेल.
४ त्यांनी राजे नेमले आहेत, पण माझ्या परवानगीने नाही.
त्यांनी अधिकारी नेमले आहेत, पण त्यांनी मला विचारलं नाही.
त्यांनी सोन्याचांदीच्या मूर्ती बनवल्या,+त्यामुळे त्यांचा नाश होईल.+
५ हे शोमरोन, मी तुझं वासरू नाकारलंय.+
माझा राग त्यांच्याविरुद्ध भडकतो.+
या दोषापासून शुद्ध* व्हायला ते अजून किती काळ लावतील?
६ कारण ते वासरू इस्राएलचं आहे.
एका कारागिराने ते बनवलं, आणि ते देव नाही;शोमरोनच्या वासराचे तुकडेतुकडे होतील.
७ कारण ते वाऱ्याची पेरणी करतात,आणि ते वादळाची कापणी करतील.+
पेरलेल्या बियाण्याला पीक येत नाही;+अंकुरापासून पीठ मिळत नाही.
काही मिळालं, तरी विदेशी* लोक ते गिळून टाकतील.+
८ इस्राएलला गिळून टाकलं जाईल.+
ते राष्ट्रांमध्ये,+नको असलेल्या भांड्यासारखे होतील.
९ कारण ते एकट्या रानगाढवाप्रमाणे अश्शूरकडे गेले.+
ते वेश्यांकडे गेले.+
१० त्यांनी त्यांना पैसे देऊन राष्ट्रांमधून आणलं असलं,तरी, आता मी त्यांना गोळा करीन;राजाने आणि अधिकाऱ्यांनी टाकलेल्या ओझ्यामुळे,त्यांना दुःख भोगावं लागेल.+
११ कारण एफ्राईमने पाप करण्यासाठी पुष्कळ वेदी बांधल्या.+
या वेदी बांधून त्यांनी पाप केलं.+
१२ मी त्याला बरेच नियम लिहून दिले.*
पण त्याला ते विचित्र वाटले.+
१३ ते मला बलिदानांच्या भेटी आणून देतात, आणि बलिदानांचं मांस खातात.
पण यहोवाला या बलिदानांनी आनंद होत नाही.+
आता तो त्यांच्या अपराधांकडे लक्ष देईल आणि त्यांना त्यांच्या पापांसाठी शिक्षा देईल.+
ते इजिप्तकडे परत गेले आहेत.*+
१४ इस्राएल आपल्या निर्माणकर्त्याला विसरला आहे+ आणि त्याने मंदिरं बांधली आहेत,+आणि यहूदाने तटबंदी असलेली भरपूर शहरं बांधली आहेत.+
पण मी त्याच्या शहरांमध्ये आग पाठवीन,आणि ती प्रत्येक शहराचे बुरूज जाळून टाकेल.”+
तळटीपा
^ किंवा “निर्दोष.”
^ किंवा “अनोळखी.”
^ किंवा “बरंच शिक्षण दिलं.”
^ किंवा कदाचित, “परत जातील.”