होशेय ९:१-१७
९ “हे इस्राएल, तू आनंदी होऊ नकोस,+इतर राष्ट्रांप्रमाणे आनंद करू नकोस.
कारण व्यभिचारामुळे* तू आपल्या देवापासून दूर गेला आहेस.+
धान्याच्या प्रत्येक खळ्यामधली* वेश्येची कमाई तुला आवडते.+
२ पण खळ्यामुळे आणि द्राक्षकुंडामुळे त्यांचं पोट भरणार नाही,आणि त्यांना नवीन द्राक्षारस मिळणार नाही.+
३ ते यहोवाच्या देशात टिकणार नाहीत;+तर, एफ्राईम इजिप्तला परत जाईल,आणि अश्शूरमध्ये तो अशुद्ध गोष्टी खाईल.+
४ यापुढे ते यहोवाला द्राक्षारसाचं अर्पण देणार नाहीत;+त्यांच्या बलिदानांनी त्याला आनंद होणार नाही.+
ती बलिदानं शोक करणाऱ्यांच्या अन्नासारखी आहेत.
ते अन्न खाणारे स्वतःला दूषित करतात.
त्यांचं अन्न त्यांच्यासाठीच* आहे;ते यहोवाच्या मंदिरात* येणार नाही.
५ तुमच्या ठरलेल्या सणांच्या वेळी,आणि यहोवाच्या सणाच्या दिवशी तुम्ही काय कराल?
६ कारण पाहा! देशाचा नाश झाल्यामुळे त्यांना पळून जावं लागेल.+
इजिप्त त्यांना गोळा करेल+ आणि मोफ* त्यांना दफन करेल.+
जंगली झुडपं* त्यांच्या चांदीच्या मौल्यवान वस्तूंचा ताबा घेतील,आणि त्यांच्या तंबूंमध्ये काटेरी झुडपं येतील.
७ हिशोब घेण्याचे दिवस येतील,+सूड घेण्याचे दिवस येतील,आणि इस्राएलला हे कळेल.
त्यांचा संदेष्टा मूर्ख ठरेल आणि संदेश सांगणारा माणूस वेडा होईल;तुमचे अपराध पुष्कळ असल्यामुळे, तुमचा खूप द्वेष केला जाईल.”
८ एफ्राईमचा पहारेकरी+ माझ्या देवासोबत होता.+
पण आता संदेष्टे+ एफ्राईमच्या सर्व मार्गांवर पारध्याच्या फासासारखे आहेत;त्याच्या देवाच्या मंदिरात* द्वेष आहे.
९ गिबाच्या दिवसांत झालं त्याप्रमाणे, ते विनाशकारक गोष्टी करण्यात पूर्णपणे गुंतले आहेत.+
तो त्यांचे अपराध लक्षात ठेवेल आणि त्यांना त्यांच्या पापांची शिक्षा देईल.+
१० “ओसाड रानातल्या द्राक्षांसारखा इस्राएल मला सापडला.+
तुमचे वाडवडील मला अंजिराच्या झाडाला लागलेल्या पहिल्या अंजिरांप्रमाणे दिसले.
पण ते पौरच्या बआलकडे गेले;+त्यांनी स्वतःला लाजिरवाण्या गोष्टीला* समर्पित केलं,+आणि ज्याच्यावर त्यांचं प्रेम आहे, त्याच्यासारखेच ते घृणास्पद बनले आहेत.
११ एफ्राईमचं वैभव पक्ष्यासारखं उडून जातं;कोणाला गर्भ राहणार नाही, किंवा कोणी जन्मही देणार नाही.+
१२ त्यांना मुलं झाली तरी,मी त्यांच्या मुलांना हिरावून घेईन आणि शेवटी त्यांच्यात एकही माणूस उरणार नाही;+मी त्यांच्याकडे पाठ फिरवल्यावर त्यांची खरंच दुर्दशा होईल!+
१३ कुरणात* लावलेला एफ्राईम माझ्यासाठी सोरसारखा होता;+आता एफ्राईमला आपल्या मुलांना कत्तलीसाठी आणावं लागेल.”
१४ हे यहोवा, तू त्यांना जे दिलं पाहिजेस, ते त्यांना दे;ज्यात गर्भ टिकत नाही असं गर्भाशय आणि सुकलेले स्तन.
१५ “त्यांचा सगळा दुष्टपणा गिलगालमध्ये+ होता,कारण तिथे मी त्यांचा द्वेष करू लागलो.
त्यांच्या वाईट कृत्यांमुळे मी त्यांना माझ्या घरातून हाकलून लावीन.+
यापुढे मी त्यांच्यावर प्रेम करणार नाही.+
त्यांचे सगळे अधिकारी हट्टी आहेत.
१६ एफ्राईमला एखाद्या झाडासारखं पाडून टाकलं जाईल.+
त्याचं मूळ सुकून जाईल, आणि त्याला फळं येणार नाहीत.
त्यांना मुलं झाली, तरी मी त्यांच्या लाडक्या मुलांना* मारून टाकीन.”
१७ माझा देव त्यांना नाकारेल,कारण त्यांनी त्याचं ऐकलं नाही,+ते बेघर होऊन राष्ट्रा-राष्ट्रांतून भटकतील.+
तळटीपा
^ शब्दार्थसूची पाहा.
^ किंवा “वेश्येसारखी कामं केल्यामुळे; चारित्र्यहीन वर्तनामुळे.”
^ शब्दशः “घरात.”
^ किंवा “त्यांच्याच जिवासाठी.”
^ किंवा “मेम्फिस.”
^ किंवा “खाजकुइलीची झुडपं.”
^ शब्दशः “घरात.”
^ किंवा “लाजिरवाण्या देवाला.”
^ किंवा “गुरं चारण्याच्या जमिनीत.”
^ शब्दशः “संततीला.”