१ इतिहास ६:१-८१
६ लेवीच्या+ मुलांची नावं ही: गेर्षोन, कहाथ+ आणि मरारी.+
२ कहाथच्या मुलांची नावं ही: अम्राम, इसहार,+ हेब्रोन आणि उज्जियेल.+
३ अम्रामच्या+ मुलांची नावं ही: अहरोन+ व मोशे;+ आणि त्याच्या मुलीचं नाव मिर्याम.+ अहरोनच्या मुलांची नावं ही: नादाब, अबीहू,+ एलाजार+ आणि इथामार.+
४ एलाजारच्या मुलाचं नाव फिनहास+ होतं. फिनहासच्या मुलाचं नाव अबीशूवा,
५ अबीशूवाच्या मुलाचं नाव बुक्की आणि बुक्कीच्या मुलाचं नाव उज्जी होतं.
६ उज्जीच्या मुलाचं नाव जरहयाह, जरहयाहच्या मुलाचं नाव मरायोथ,
७ मरायोथच्या मुलाचं नाव अमऱ्‍या आणि अमऱ्‍याच्या मुलाचं नाव अहीटूब+ होतं.
८ अहीटूबच्या मुलाचं नाव सादोक,+ सादोकच्या मुलाचं नाव अहीमास,+
९ अहीमासच्या मुलाचं नाव अजऱ्‍या, अजऱ्‍याच्या मुलाचं नाव योहानान,
१० आणि योहानानच्या मुलाचं नाव अजऱ्‍या होतं; तो शलमोनने यरुशलेममध्ये बांधलेल्या मंदिरात याजक म्हणून सेवा करायचा.
११ अजऱ्‍याच्या मुलाचं नाव अमऱ्‍या होतं. अमऱ्‍याच्या मुलाचं नाव अहीटूब,
१२ अहीटूबच्या मुलाचं नाव सादोक+ आणि सादोकच्या मुलाचं नाव शल्लूम होतं.
१३ शल्लूमच्या मुलाचं नाव हिल्कीया,+ हिल्कीयाच्या मुलाचं नाव अजऱ्‍या,
१४ अजऱ्‍याच्या मुलाचं नाव सराया+ आणि सरायाच्या मुलाचं नाव यहोसादाक+ होतं.
१५ यहोवाने जेव्हा नबुखद्‌नेस्सरचा उपयोग करून यहूदाच्या आणि यरुशलेमच्या लोकांना बंदिवासात नेलं, तेव्हा यहोसादाकही त्यांच्यामध्ये होता.
१६ लेवीच्या मुलांची नावं ही: गेर्षोम,* कहाथ आणि मरारी.
१७ गेर्षोमच्या मुलांची नावं लिब्नी आणि शिमी+ अशी होती.
१८ कहाथच्या मुलांची नावं अम्राम, इसहार, हेब्रोन आणि उज्जियेल+ अशी होती.
१९ मरारीच्या मुलांची नावं महली आणि मूशी होती.
आपल्या पूर्वजांपासून आलेली लेव्यांची घराणी पुढे दिली आहेत.+
२० गेर्षोमचे+ वंशज हे: गेर्षोमचा मुलगा लिब्नी, लिब्नीचा मुलगा यहथ, यहथचा मुलगा जिम्मा,
२१ जिम्माचा मुलगा यवाह, यवाहचा मुलगा इद्दो, इद्दोचा मुलगा जेरह आणि जेरहचा मुलगा यात्राय.
२२ कहाथचे वंशज हे: कहाथचा मुलगा अम्मीनादाब, अम्मीनादाबचा मुलगा कोरह,+ कोरहचा मुलगा अस्सीर,
२३ अस्सीरचा मुलगा एलकाना, एलकानाचा मुलगा एब्यासाफ,+ एब्यासाफचा मुलगा अस्सीर,
२४ अस्सीरचा मुलगा तहथ, तहथचा मुलगा उरीयेल, उरीयेलचा मुलगा उज्जीया आणि उज्जीयाचा मुलगा शौल.
२५ एलकानाच्या मुलांची नावं अमासय आणि अहीमोथ अशी होती.
२६ एलकानाचे वंशज हे: एलकानाचा मुलगा सोफय, सोफयचा मुलगा नहाथ,
२७ नहाथचा मुलगा अलीयाब, अलीयाबचा मुलगा यरोहाम आणि यरोहामचा मुलगा एलकाना.+
२८ शमुवेलच्या+ पहिल्या मुलाचं नाव योएल आणि दुसऱ्‍याचं नाव अबीया+ असं होतं.
२९ मरारीचे वंशज हे: मरारीचा मुलगा महली,+ महलीचा मुलगा लिब्नी, लिब्नीचा मुलगा शिमी, शिमीचा मुलगा उज्जा,
३० उज्जाच्या मुलाचं नाव शिमा, शिमाच्या मुलाचं नाव हग्गीयाह आणि हग्गीयाहच्या मुलाचं नाव असाया होतं.
३१ यहोवाच्या उपासना मंडपात* कराराची पेटी ठेवल्यावर गायकांचं निर्देशन करण्यासाठी दावीदने काहींना नेमलं.+
३२ हे लोक उपासनेच्या मंडपात, म्हणजे भेटमंडपात गाण्यासाठी जबाबदार होते. यरुशलेममध्ये शलमोनने यहोवाचं मंदिर बांधून पूर्ण केलं+ तोपर्यंत त्यांनी ही सेवा केली. त्यांना जसं सांगण्यात आलं होतं, अगदी त्याप्रमाणे ते ही सेवा करायचे.+
३३ ही सेवा करणाऱ्‍या पुरुषांची आणि त्यांच्या मुलांची नावं पुढे दिली आहेत. कहाथच्या वंशजांपैकी हे: गायक हेमान;+ तो योएलचा+ मुलगा होता. योएल शमुवेलचा;
३४ शमुवेल एलकानाचा;+ एलकाना यरोहामचा; यरोहाम अलीएलचा; आणि अलीएल तोहाचा मुलगा होता.
३५ तोहा सूफचा मुलगा होता. सूफ एलकानाचा; एलकाना महथचा; महथ अमासयचा;
३६ अमासय एलकानाचा; एलकाना योएलचा; योएल अजऱ्‍याचा आणि अजऱ्‍या सफन्याचा मुलगा होता.
३७ सफन्या तहथचा मुलगा होता. तहथ अस्सीरचा; अस्सीर एब्यासाफचा; एब्यासाफ कोरहचा;
३८ कोरह इसहारचा; इसहार कहाथचा; कहाथ लेवीचा आणि लेवी इस्राएलचा मुलगा होता.
३९ हेमानचा भाऊबंद आसाफ;+ तो हेमानच्या उजवीकडे उभा राहायचा. आसाफ हा बरेख्याचा मुलगा होता. बरेख्या शिमाचा;
४० शिमा मीखाएलचा; मीखाएल बासेयाचा; आणि बासेया मल्कीयाचा मुलगा होता.
४१ मल्कीया एथनीचा; एथनी जेरहचा; जेरह अदायाचा;
४२ अदाया एथानचा; एथान जिम्माचा; जिम्मा शिमीचा;
४३ शिमी यहथचा; यहथ गेर्षोमचा आणि गेर्षोम लेवीचा मुलगा होता.
४४ आणि मरारी+ वंशातला त्यांचा भाऊबंद एथान; तो हेमानच्या डावीकडे उभा राहायचा. एथान+ हा किशीचा मुलगा होता. किशी अब्दीचा आणि अब्दी मल्लूखचा मुलगा होता.
४५ मल्लूख हशब्याहचा; हशब्याह अमस्याचा; अमस्या हिल्कीयाचा;
४६ हिल्कीया अमसीचा; अमसी बानीचा; बानी शेमेरचा;
४७ शेमेर महलीचा; महली मूशीचा; मूशी मरारीचा आणि मरारी लेवीचा मुलगा होता.
४८ त्यांच्या इतर लेवी भाऊबंदांना, खऱ्‍या देवाच्या उपासना मंडपातल्या सर्व सेवेसाठी नेमण्यात आलं होतं.*+
४९ अहरोन आणि त्याची मुलं+ होमार्पणाच्या वेदीवर आणि धूपवेदीवर+ बलिदानांचं हवन करायचे.*+ खऱ्‍या देवाचा सेवक मोशे याने सांगितलं होतं, त्याप्रमाणे ते परमपवित्र गोष्टींच्या बाबतीत असलेली आपली सगळी कर्तव्यं पार पाडायचे; आणि इस्राएलसाठी प्रायश्‍चित्त करायचे.+
५० अहरोनचे वंशज हे:+ अहरोनचा मुलगा एलाजार+ होता. एलाजारचा मुलगा फिनहास; फिनहासचा मुलगा अबीशूवा;
५१ अबीशूवाचा मुलगा बुक्की; बुक्कीचा मुलगा उज्जी; उज्जीचा मुलगा जरहयाह;
५२ जरहयाहचा मुलगा मरायोथ; मरायोथचा मुलगा अमऱ्‍या; अमऱ्‍याचा मुलगा अहीटूब;+
५३ अहीटूबचा मुलगा सादोक+ आणि सादोकचा मुलगा अहीमास.
५४ लेवी आपल्या प्रदेशांत ज्या ठिकाणी छावण्या* करून राहिले ती ठिकाणं ही: पहिली चिठ्ठी अहरोनच्या वंशातल्या कहाथच्या घराण्याची निघाली,
५५ म्हणून त्यांनी त्यांना यहूदाच्या प्रदेशातलं हेब्रोन+ आणि त्याच्या आसपासची कुरणं दिली.
५६ पण, त्या शहराची शेती आणि त्याच्या आसपासच्या वस्त्या त्यांनी यफुन्‍नेचा मुलगा कालेब+ याला दिल्या.
५७ त्यांनी अहरोनच्या वंशजांना दिलेली शहरं ही: हेब्रोन+ हे शरण-शहर;+ तसंच, लिब्ना+ व तिथली कुरणं, यत्तीर,+ एष्टमोवा व तिथली कुरणं,+
५८ हिलेन व तिथली कुरणं, दबीर+ व तिथली कुरणं,
५९ आशान+ व तिथली कुरणं आणि बेथ-शेमेश+ व तिथली कुरणं.
६० तसंच, बन्यामीन वंशाच्या प्रदेशातून त्यांना गेबा+ व तिथली कुरणं, आलेमेथ व तिथली कुरणं आणि अनाथोथ+ व तिथली कुरणं मिळाली. अशी एकूण १३ शहरं त्यांच्या घराण्यांना मिळाली.+
६१ कहाथच्या बाकी राहिलेल्या वंशजांना चिठ्ठ्या टाकून दहा शहरं देण्यात आली. ही शहरं, इतर वंशांतल्या घराण्यांच्या प्रदेशातून, तसंच अर्ध्या वंशाच्या, म्हणजे मनश्‍शेच्या अर्ध्या वंशाच्या प्रदेशातून देण्यात आली.+
६२ गेर्षोमच्या वंशजांना त्यांच्या घराण्यांप्रमाणे १३ शहरं देण्यात आली. ही शहरं इस्साखार, आशेर आणि नफताली वंशांच्या प्रदेशातून; तसंच, बाशानमध्ये असलेल्या मनश्‍शे वंशाच्या प्रदेशातून देण्यात आली.+
६३ मरारी वंशजांना त्यांच्या घराण्यांप्रमाणे रऊबेन, गाद आणि जबुलून या वंशांच्या प्रदेशातून १२ शहरं चिठ्ठ्या टाकून देण्यात आली.+
६४ अशा प्रकारे, इस्राएली लोकांनी ही शहरं आणि तिथली कुरणं लेव्यांना दिली.+
६५ यांशिवाय, त्यांनी चिठ्ठ्या टाकून यहूदा, शिमोन आणि बन्यामीन वंशांच्या प्रदेशातूनही शहरं दिली; त्या शहरांचा उल्लेख त्यांच्या नावांनी करण्यात आला आहे.
६६ कहाथ वंशातल्या काही घराण्यांना एफ्राईम वंशाच्या प्रदेशातून काही शहरं देण्यात आली.+
६७ त्यांनी त्यांना ही शहरं दिली: एफ्राईमच्या डोंगराळ प्रदेशातलं शखेम+ हे शरण-शहर व तिथली कुरणं; गेजेर+ व तिथली कुरणं,
६८ यकमाम व तिथली कुरणं, बेथ-होरोन+ व तिथली कुरणं,
६९ अयालोन+ व तिथली कुरणं आणि गथ-रिम्मोन+ व तिथली कुरणं;
७० आणि मनश्‍शेच्या अर्ध्या वंशाच्या प्रदेशातून आनेर व तिथली कुरणं आणि बिलाम व तिथली कुरणं; ही सर्व शहरं कहाथ वंशातल्या बाकीच्या घराण्यांना देण्यात आली.
७१ त्यांनी गेर्षोमच्या वंशजांना पुढील शहरं दिली: मनश्‍शेच्या अर्ध्या वंशाच्या प्रदेशातून, बाशान प्रदेशातलं गोलान+ व तिथली कुरणं आणि अष्टरोथ व तिथली कुरणं.+
७२ इस्साखार वंशाच्या प्रदेशातून: केदेश व तिथली कुरणं, दाबरथ+ व तिथली कुरणं,+
७३ रामोथ व तिथली कुरणं आणि आनेम व तिथली कुरणं.
७४ आशेरच्या वंशाच्या प्रदेशातून: माशाल व तिथली कुरणं, अब्दोन व तिथली कुरणं,+
७५ हूकोक व तिथली कुरणं आणि रहोब+ व तिथली कुरणं.
७६ आणि नफताली वंशाच्या प्रदेशातून: गालीलमधलं+ केदेश+ व तिथली कुरणं, हम्मोन व तिथली कुरणं आणि किर्याथाईम व तिथली कुरणं.
७७ त्यांनी मरारीच्या उरलेल्या वंशजांना पुढील शहरं दिली: जबुलून वंशाच्या प्रदेशातून+ रिम्मोनो व तिथली कुरणं, ताबोर व तिथली कुरणं;
७८ तसंच, यार्देन नदीच्या प्रदेशात असलेल्या यरीहोजवळ, यार्देन नदीच्या पूर्वेकडे, रऊबेन वंशाच्या प्रदेशातून ओसाड रानातलं बेसेर शहर व तिथली कुरणं आणि याहस+ व तिथली कुरणं,
७९ कदेमोथ+ व तिथली कुरणं आणि मेफाथ व तिथली कुरणं.
८० आणि गाद वंशाच्या प्रदेशातून त्यांनी गिलादमधलं रामोथ व तिथली कुरणं, महनाइम+ व तिथली कुरणं,
८१ हेशबोन+ व तिथली कुरणं आणि याजेर+ व तिथली कुरणं दिली.
तळटीपा
^ या अध्यायाच्या पहिल्या वचनात याला गेर्षोन म्हटलं आहे.
^ शब्दशः “मंदिरात.”
^ शब्दशः “देण्यात आलं होतं.”
^ किंवा “धूर वर जाण्यासाठी बलिदानं जाळायचे.”
^ किंवा “सभोवती भिंती असलेल्या छावण्या.”
