मोठे संकट जवळ आलं आहे हे लक्षात घेता आपण वेळ वाया न घालवता प्रचार करणं खूप महत्त्वाचं आहे. (नीति २४:११, १२, २०) आपण लोकांना देवाच्या वचनाबद्दल आणि आपल्या वेबसाईटबद्दल माहिती देण्यासाठी संपर्क कार्डचा वापर करू शकतो. कार्डवर जो कोड दिला आहे तो स्कॅन केल्यावर आपल्या वेबसाईटवर बायबलचा अभ्यास का करावा? हा व्हिडिओ पाहायला मिळतो. तसंच अधिक माहिती मिळवण्यासाठी किंवा बायबल अभ्यास सुरू करण्यासाठी विनंती करा, हा पेज पाहायला मिळतो. काही लोक साहित्य घेण्यासाठी कचरतात पण आपली वेबसाईट पाहायला तयार असतात. त्यांना संपर्क कार्ड द्यायला कचरू नका. पण जे लोक आपल्या संदेशात आवड दाखवत नाहीत त्यांना कार्ड देऊ नका.

कार्ड नेहमी आपल्याजवळ ठेवा. तुम्ही असं विचारू शकता: “नमस्ते, एका वेबसाईटबद्दल हे कार्ड आहे. या वेबसाईटवर तुम्हाला वेगवेगळ्या विषयावर मोफत लेख आणि व्हिडिओ पाहायला मिळतील.” (योहा ४:७) संपर्क कार्ड लहान असल्यामुळे तुम्ही ते नेहमी तुमच्यासोबत ठेवू शकता आणि संधी मिळाल्यास लोकांना देऊ शकता.