• ईयो ३७:२०​—बायबल काळात एखादी बातमी किंवा माहिती कशी कळवली जायची? (इन्साइट-१ ४९२)

  तुमचं उत्तर

• या आठवड्याच्या बायबल वाचनातून तुम्हाला कोणती आध्यात्मिक रत्नं मिळाली?

  तुमचं उत्तर

रक्‍ताबद्दल असलेल्या यहोवाच्या नियमांचं पालन करण्यासाठी त्याच्या संघटनेने आपल्याला बरीच साधनं पुरवली आहेत. (प्रेका १५:२८, २९) या साधनांचा चांगला वापर तुम्ही करत आहात का?

ड्युरेबल पावर ऑफ ॲटर्नी (डिपीए) कार्ड आणि आयडेंटीटी कार्ड  (आय.सी.): या कार्डमध्ये रक्‍ताच्या वैद्यकीय वापराबद्दल रुग्णाची काय इच्छा आहे हे लिहिलेलं असतं. बाप्तिस्मा झालेले प्रचारक साहित्याची देखरेख करणाऱ्‍या बांधवाकडून स्वतःसाठी डीपीए कार्ड आणि आपल्या लहान मुलांसाठी आयडेंटीटी कार्ड  घेऊ शकतात. हे दोन्ही कार्ड आपण नेहमी सोबत ठेवले पाहिजेत. तुम्ही जर हे कार्ड भरलं नसेल, तर ते भरायला किंवा आधी भरलेल्या कार्डमध्ये काही सुधारणा करायच्या असतील तर त्या करायला उशीर करू नका.

इन्फॉरमेशन फॉर एक्सपेक्टंट मदर्स  (S-401; गरोदर स्त्रियांसाठी माहिती) आणि इन्फॉरमेशन फॉर रिक्वायरिंग सर्जरी ऑर किमोथेअरपी  (S-407; सर्जरी किंवा किमोथेअरपीची गरज असलेल्यांसाठी माहिती): कोणत्याही वैद्यकीय उपचारासाठी आधीच तयार राहायला ही दोन्ही माहितीपत्रक तुम्हाला मदत करतील. यामध्ये रक्‍त घेण्याविषयीचा प्रश्‍नसुद्धा येतो. एखादी बहीण गरोदर असेल किंवा एखाद्या भावाची किंवा बहिणीची शस्त्रक्रिया होणार असेल किंवा ते कॅन्सरचा उपचार घेणार असतील, आणि त्यांना जर यांपैकी एखादं माहितीपत्रक हवं असेल तर ते मंडळीतल्या वडिलांकडे मागू शकतात.

हॉस्पिटल संपर्क समिती (एच.एल.सी.): रक्‍ताबद्दल एखादी परिस्थिती निर्माण होते तेव्हा डॉक्टरांना आणि प्रचारकांना योग्य ती माहिती पुरवण्यासाठी काही प्रशिक्षित वडील एच.एल.सी. चे सभासद म्हणून काम करतात. रक्‍ताचं संक्रमण टाळण्यासाठी कोणते वैद्यकीय पर्याय उपलब्ध आहेत याबद्दल ते उपचार करणाऱ्‍या डॉक्टरांसोबत चर्चा करतात. जर गरज असेल तर रक्‍ताशिवाय उपचार करणारे डॉक्टर शोधण्यासाठी ते तुम्हाला मदत करू शकतात. ते आठवड्याचे सातही दिवस, २४ तास मदत देण्यासाठी तयार असतात. असं होऊ शकतं, की तुम्हाला उपचारासाठी हॉस्पिटलमध्ये ॲडमिट व्हावं लागणार असेल किंवा तुमच्यावर शस्त्रक्रिया किंवा कॅन्सरसारख्या आजारांसाठी काही उपचार केले जाणार असतील. अशा वेळी रक्‍ताचा प्रश्‍न निर्माण होणार नाही असं जरी तुम्हाला वाटत असलं तरी लवकरात लवकर एच.एल.सी. सोबत संपर्क करा. ही गोष्ट गरोदर असलेल्या बहिणींनासुद्धा लागू होते. याविषयी तुम्हाला काही मदत हवी असेल तर एच.एल.सी. सोबत संपर्क करण्यासाठी लागणारी माहिती तुम्ही मंडळीतल्या वडिलांना विचारू शकता.

हॉस्पिटल संपर्क समिती तुम्हाला कशी मदत करू शकते?  हा व्हिडिओ दाखवा आणि पुढे दिलेला प्रश्‍न विचारा:

वैद्यकीय उपचारांची किंवा शस्त्रक्रियेची गरज निर्माण होते तेव्हा एच.एल.सी. मुळे तुम्हाला कशी मदत मिळू शकते?