जे भरवशालायक आहेत असं मानलं जातं तेच जेव्हा भरवसा तोडतात, तेव्हा लोक निराश आणि हताश होतात. आज अशा प्रकारच्या लोकांवरून अनेकांचा विश्‍वास उडालाय. यांमध्ये . . .

•   लोकांच्या गरजांपेक्षा स्वतःचा स्वार्थ पाहणारे राजकीय नेते आहेत.

•   निष्पक्ष न राहता, अर्धसत्य किंवा अर्धवट माहिती देणारे न्यूज चॅनल आणि इतर प्रसार माध्यमं आहेत.

•   लोकांच्या हिताचा विचार न करणारे शास्त्रज्ञ आहेत.

•   लोकांचा देवाधर्मावरचा विश्‍वास वाढवण्याऐवजी, राजकारणामध्ये आणि राजकीय गोष्टींमध्ये जास्तीत जास्त गुंतलेले धार्मिक पुढारी आहेत.

 त्यामुळे, लोक आजकाल एखाद्यावर लगेच भरवसा का ठेवत नाहीत हे आपण समजू शकतो. बायबलमध्येही म्हटलं आहे:

•   “माणसावर भरवसा ठेवू नका, कारण तो तारण करू शकत नाही.”—स्तोत्र १४६:३, नवे जग भाषांतर.

  तुम्ही कोणावर पूर्णपणे भरवसा ठेवू शकता याबद्दल बायबलमध्ये सांगितलंय. ती व्यक्‍ती म्हणजे: येशू ख्रिस्त. तो फक्‍त अनेक शतकांपूर्वी होऊन गेलेला एक चांगला माणूस नव्हता, तर स्वतः देवाने त्याला राज्य करायला नियुक्‍त केलंय. बायबलमध्ये त्याच्याबद्दल म्हटलंय: “तो राजा म्हणून  . . . राज्य करेल आणि त्याच्या राज्याचा कधीच अंत होणार नाही.” (लूक १:३२, ३३) येशू देवाच्या राज्याचा राजा आहे. आणि देवाचं हे राज्य आत्ताही स्वर्गातून राज्य करत आहे.—मत्तय ६:१०.

•   तुम्ही येशू ख्रिस्तावर का भरवसा ठेवू शकता याबद्दल आणखी जाणून घेण्यासाठी “देवाच्या राज्याचा राजा कोण आहे?” आणि “देवाचं राज्य कोणकोणत्या गोष्टी करेल?” हे दोन लेख वाचा.