जागे राहा!
पृथ्वीचा नाश केला जातोय—बायबल काय म्हणतं?
“आज आपण हवामान बदलाच्या जागतिक संकटाकडे वेगाने वाटचाल करत आहोत. पाण्याखाली गेलेली महानगरं, कधी पाहिल्या नव्हत्या अशा उष्णतेच्या भयंकर लाटा, विध्वंसक चक्रीवादळं, अनेक ठिकाणी पाणीटंचाई, प्राणी आणि वनस्पतींच्या लाखो प्रजाती लुप्त. या फक्‍त काल्पनिक किंवा वाढवून-चढवून सांगितलेल्या गोष्टी नाहीत. तर वैज्ञानिक सांगतात, की सध्याच्या उर्जाविषयक धोरणांमुळे या गोष्टी लवकरच घडताना दिसतील.”—४ एप्रिल, २०२२ ला जागतिक हवामान बदलाविषयी एका आंतरराष्ट्रीय समितीने दिलेल्या अहवालावर बोलताना, संयुक्‍त राष्ट्रसंघाचे महासचिव ॲन्टोनियो ग्युटारेश.
“वैज्ञानिक असा इशारा देत आहेत, की येणाऱ्‍या वर्षांमध्ये हवामान बदलांमुळे होणाऱ्‍या विनाशकारी परिणामांचा फटका [अमेरिकेतल्या] सगळ्याच म्हणजे जवळपास ४२३ राष्ट्रीय उद्यानांना बसेल. वणवे, महापूर, ध्रुवांवरचा बर्फ वितळणं, समुद्राच्या पातळीत वाढ, उष्णतेच्या लाटा अशा भयंकर संकटांचा इशारा वैज्ञानिक देत आहेत.”—१५ जून, २०२२, द न्यूयॉर्क टाइम्स यातल्या एका लेखातून.
पृथ्वीच्या पर्यावरणाच्या या समस्या खरंच कधी सोडवता येतील का? येत असतील तर त्या कोण सोडवेल? बायबल याबद्दल काय म्हणतं, याकडे लक्ष द्या.
पर्यावरणाच्या नुकसानाबद्दल आधीच भाकीत
बायबलमध्ये सांगितलंय की देव “पृथ्वीचा नाश करणाऱ्‍यांचा नाश” करेल. (प्रकटीकरण ११:१८) बायबलच्या या वचनातून आपल्याला तीन गोष्टी समजतात:
१. मानवांच्या चुकांमुळे पृथ्वीचं मोठ्या प्रमाणात नुकसान होईल.
२. पृथ्वीचं होणारं नुकसान थांबवलं जाईल.
३. मानव नाहीत, तर देव स्वतः पृथ्वीच्या पर्यावरणाच्या समस्या कायमच्या सोडवेल.
पृथ्वी ग्रहाचं भविष्य सुरक्षित
बायबलमध्ये म्हटलंय, की ‘पृथ्वी सर्वकाळ राहते.’ (उपदेशक १:४) तिच्यावर कायम मानवांची वस्ती असेल.
“नीतिमान लोकांना पृथ्वीचा वारसा मिळेल, आणि ते तिच्यावर सर्वकाळ राहतील.—स्तोत्र ३७:२९.
पृथ्वीचं झालेलं नुकसान पूर्णपणे भरून काढलं जाईल.
“ओसाड प्रदेश आणि कोरडी भूमी आनंदित होईल, वाळवंट हर्ष करेल आणि केशराच्या फुलांसारखा फुलेल.”—यशया ३५:१.
तुम्हाला कदाचित हेसुद्धा पाहायला आवडेल
बायबलमधून प्रश्‍नांची उत्तरं
पृथ्वीचा कधी नाश होईल का?
या प्रश्‍नाचं बायबलमध्ये दिलेलं उत्तर जाणून कदाचित तुम्हाला आश्‍चर्य होईल.
महत्त्वाच्या शिकवणी
देवाने पृथ्वी का बनवली?
आपली पृथ्वी खूप सुंदर आहे. पृथ्वी सूर्यापासून योग्य अंतरावर आहे, तिला एका उचित कोनात झुकवण्यात आलं आहे आणि ती योग्य गतीने परिभ्रमण करते. देवाने पृथ्वीची रचना करण्यात इतकी मेहनत का घेतली?
टेहळणी बुरूज
देवाचं राज्य कोणकोणत्या गोष्टी करेल?
फक्‍त देवाचंच राज्य पृथ्वीवरच्या समस्या काढू शकतं हे येशूला माहीत होतं. त्या राज्याने अशा कोणकोणत्या गोष्टी केल्या आहेत ज्यामुळे आपला त्याच्यावरचा भरवसा वाढेल?
आमच्याविषयी
यहोवाचे साक्षीदार यांच्या मंडळीच्या सभांना उपस्थित राहा
आमच्या सभांबद्दल जाणून घ्या. तुमच्या घराजवळ कुठे सभा भरतात ते जाणून घ्या.
