आपण जर २०२३ मध्ये जगभरात घडलेल्या घटना पाहिल्या तर आपल्याला हा स्पष्ट पुरावा मिळतो की आपण बायबलमध्ये सांगितल्याप्रमाणे “शेवटच्या दिवसांत” जगतोय. (२ तीमथ्य ३:१) बायबलमध्ये सांगितल्या होत्या, अगदी तशाच घटना आपल्या काळात कशा घडतायत ते पुढे पाहा.

बायबल आणि जगात घडणाऱ्‍या घटना

 “लढायांचा आवाज आणि लढायांच्या बातम्या.” ​—मत्तय २४:६.

•   “जगभरातल्या वेगवेगळ्या ठिकाणी युद्धं आणि हिंसाचार वाढतोय.” a

 “ठिकठिकाणी भूकंप होतील.” ​—मार्क १३:८.

•   “२०२३ च्या सुरुवातीपासून आतापर्यंत, जगभरात रिक्टर स्केलवर ७ तीव्रतेचे १३ भूकंप झालेत. जेव्हापासून भूकंपांची तीव्रता मोजण्यात येऊ लागली, तेव्हापासूनचे हे सर्वात जास्त आकडे आहेत.” b

 “भयानक दृश्‍यं.”​—लूक २१:११.

•   “ग्लोबल वॉर्मिंगचा नाही तर आता ग्लोबल बॉयलिंगचा [उकळण्याचा] काळ सुरू झालाय.”​—ॲन्टोनियो गुटेरेज, संयुक्‍त राष्ट्र संघाचे सरचिटणीस. c

 “ठिकठिकाणी दुष्काळ पडतील.” ​—मत्तय २४:७.

•   “२०२३: आपल्या कुटुंबांना खायला-प्यायला देण्यासाठी ज्यांना खूप संघर्ष करावा लागतो, त्यांच्यासाठी एक आणखी भयानक वर्ष.” d

 “शेवटच्या दिवसांत खूप कठीण काळ येईल.” ​—२ तीमथ्य ३:१.

•   “जगभरात राहणाऱ्‍या प्रत्येक आठ व्यक्‍तींच्या मागे एकाला मानसिक आरोग्याच्या समस्या आहेत.” e

२०२४ मध्ये आपण काय व्हायची अपेक्षा करू शकतो?

 २०२४ मध्ये नक्की काय होईल हे कोणीच सांगू शकत नाही. पण जगातल्या घटनांवरून कळतं, की लवकरच देवाचं राज्य, म्हणजेच त्याचं स्वर्गातलं सरकार सगळ्या मानवी सरकारांची जागा घेईल. आणि हे सरकार सगळं दुःख आणि चिंता कायमच्या काढून टाकेल.​—दानीएल २:४४; प्रकटीकरण २१:४.

 पण तोपर्यंत, आपल्याला जेव्हा-जेव्हा चिंता वाटते, तेव्हा-तेव्हा आपण देवाची मदत घेतली पाहिजे. बायबल म्हणतं:

 “मला भीती वाटते, तेव्हा मी तुझ्यावर भरवसा ठेवतो.” ​—स्तोत्र ५६:३.

 आपण देवावर भरवसा कसा दाखवू शकतो? भविष्यात दुःख नसेल असं बायबलमध्ये जे वचन देण्यात आलंय, त्याबद्दल आणखी शिकून घ्यायचं आम्ही तुम्हाला आमंत्रण देतो. बायबलमध्ये दिलेल्या वचनांमुळे तुम्हाला आणि तुमच्या कुटुंबाला कसा फायदा होऊ शकतो,हे जाणून घेण्यासाठी तुम्ही मोफत केल्या जाणाऱ्‍या बायबलवरच्या चर्चेत भाग घेऊ शकता.