Ġob 7:1-21
7 “Il-ħajja taʼ bniedem hi bħal xogħol taʼ bilfors,U l-ġranet tiegħu huma bħal taʼ ħaddiem mikri.
2 Bħal ilsir, hu jixtieq li l-ġurnata tispiċċa,U bħal ħaddiem mikri, hu jistenna ħlasu.
3 Bl-istess mod, għal ħafna xhur ħajti kienet għalxejn,U qattajt ħafna ljieli mdejjaq.
4 Meta nimtedd ngħid, ‘Iġri jisbaħ!’
Għax mal-lejl nixbaʼ nitqalleb ’l hemm u ’l hawn sa filgħodu.
5 Il-ġilda tiegħi mtliet bid-dud u bit-trab;Hi mimlija qoxra u materja.
6 Il-ġranet tiegħi qed jgħaddu malajr ħafna,Ħajti qed tispiċċa u m’għandi ebda tama.
7 Ftakar* li ħajti hi bħar-riħ;U li qatt mhu se nerġaʼ nkun ferħan.
8 M’intix se tibqaʼ tarani;Se tfittixni, imma mhux se nkun hawn.
9 Bħal sħaba li tisparixxi,Min imur fil-Qabar* ma jiġix lura.
10 Hu mhux se jerġaʼ lura d-dar tiegħu,U n-nies mhux se jibqgħu jiftakruh.
11 Għalhekk, mhux se nżomm lura milli nitkellem.
Se nesprimi d-dwejjaq li għandi;Se ngerger dwar il-problemi tiegħi!*
12 Mela jien bħall-baħar jew xi monstru tal-baħar,Biex tagħmel għassa fuqi?
13 Meta ngħid li jekk nimtedd se nħossni aħjar,U li s-sodda se tnaqqasli l-inkwiet,
14 Int twerwirni bil-ħolm,U tbeżżagħni bil-viżjonijiet,
15 Tant li nippreferi nifga,*Nippreferi mmut milli ngħix b’dan il-mod.
16 Ħajti nobgħodha; xbajt ngħix.
Ħallini waħdi, għax il-ġranet tiegħi qed jgħaddu malajr bħal nifs.
17 X’inhu l-bniedem biex tagħti kasu,U biex tiffoka daqshekk fuqu?
18 Għala teżaminah kull filgħodu,U tittestjah il-ħin kollu?
19 Tistaʼ tieqaf tħares lejjaU tħallini bi kwieti mqar għal ftit?
20 Jekk jien dnibt, xi ħsara għamiltlek,Int li tinnota kull ma jagħmlu n-nies?
Għala moħħok fija, jaqaw sirt taʼ piż għalik?
21 Għala ma taħfirx id-dnub tiegħiU tagħlaq għajnejk għall-iżball li għamilt?
Għax daqt immut u nsir trab,U int tfittixni, imma ma ssibnix.”
Noti taʼ taħt
^ Milli jidher hawn Ġob qed jitkellem m’Alla.
^ Jew “f’Xeol,” jiġifieri l-qabar komuni tan-nies. Ara Termini tal-Bibbja Spjegati.
^ Jew “taʼ ruħi.”
^ Jew “ruħi tippreferi tifga.”
