Proverbji 18:1-24
18 Kull min jinqataʼ għalih jiffoka biss fuq li jaqtaʼ x-xewqat egoisti tiegħu;Hu jirrifjuta li jaġixxi bl-għerf.*
2 Persuna stupida ma tkun trid tifhem xejn,Hi tippreferi tgħid dak li taħseb.*
3 Fejn ikun hemm xi ħadd ħażin ikun hemm it-tmaqdir ukoll,U fejn hemm xi ħadd li jagħmel affarijiet tal-mistħija jkun hemm id-diżunur.
4 Il-kliem taʼ bniedem hu bħal ilmijiet fondi.
L-għerf se joħroġ minnu bħal xmara.
5 Mhux tajjeb li turi preferenza mal-ħażinJew li ma turix ġustizzja mal-ġust.
6 Il-kliem tal-istupidu jwassal għal argumenti,U b’dak li jgħid jistieden lill-oħrajn jagħtuh xebgħa.
7 Bi kliemu, l-istupidu jġib diżastru fuqu stess,U dak li jgħid hu nassa għal ħajtu.*
8 Il-kliem taʼ min jimmalafama hu bħal ikel b’togħma tajba;Dan jinbelaʼ malajr u jinżel fl-istonku.
9 Min hu għażżien f’xogħluHu ħu dak li jġib qerda.
10 Isem Ġeħova hu bħal torri b’saħħtu
Li l-ġust imur jiġri fih u jkun protett.*
11 Il-ġid tas-sinjur hu bħal belt iffortifikata;Hu bħal sur taʼ protezzjoni fl-immaġinazzjoni tiegħu.
12 Qalb kburija twassal għal tisbita,U l-umiltà twassal għall-glorja.
13 Min iwieġeb qabel ma jismaʼ l-fattiJuri li hu iblah u jiġi umiljat.
14 Meta xi ħadd ikun kuraġġuż jistaʼ jissaporti l-mard,Imma min jistaʼ jissaporti l-iskuraġġiment?*
15 Min kapaċi jifhem ikollu l-għarfien,U l-għaref jismaʼ biex ikollu l-għarfien.
16 Ir-rigal li jagħti xi ħadd jiftaħlu t-triq;Dan iwasslu għand nies importanti.
17 Min jitkellem l-ewwel dwar il-każ tiegħu jidher li għandu raġun,Sakemm taʼ kontrih jiffaċċjah u jinterrogah.*
18 Li titfaʼ x-xorti jwaqqaf l-argumentiU din tiddeċiedi min għandu raġun fi kwistjoni taʼ* żewġ persuni importanti.
19 Hu iktar diffiċli li tikkalma ħu mweġġaʼ milli tirbaħ belt iffortifikata.
L-argumenti jistgħu jifirdu lin-nies bħall-bibien bl-istaneg taʼ fortizza.
20 Dak li persuna tgħid hu bħall-ikel li jimlielha l-istonku;Hi se tesperjenza r-riżultati taʼ dak li tgħid.
21 L-ilsien għandu l-qawwa li jġib il-mewt jew li jżomm lil xi ħadd ħaj;Dawk li jgħidu ħafna għandhom jaċċettaw il-konsegwenzi.
22 Min isib mara tajba għandu barka,U hu jkun approvat minn Ġeħova.
23 Il-fqir jittallab bil-ħniena,Imma s-sinjur iwieġbu bl-aħrax.
24 Hemm ħbieb li lesti li jkissru lil xulxin,Imma hemm ħabib li jintrabat miegħek iktar minn ħuk.
Noti taʼ taħt
^ Jew “Hu jmaqdar l-għerf.”
^ Letteralment “dak li hemm f’qalbha.”
^ Jew “ruħu.”
^ Letteralment “jitgħolla fl-għoli,” jiġifieri f’post li ma jintlaħaqx.
^ Jew “meta jkun iddisprat għalkollox.”
^ Jew “jgħarblu.”
^ Letteralment “U din tferraq.”
