Proverbji 9:1-18
9 L-għerf veru hu bħal persuna li bniet id-dar tagħha,U għamlitilha sebaʼ kolonni.
2 Hi ppreparat sew il-laħam,*Ħalltet l-inbid,U lestiet ukoll il-mejda.
3 Hi bagħtet lill-qaddejja nisa tagħhaBiex mill-iktar postijiet għoljin tal-belt jgħajtu:
4 “Kull min m’għandux esperjenza, ħa jiġi hawnhekk.”
Lil min m’għandux sens f’moħħu tgħidlu:
5 “Ejja kul il-ħobż tiegħiU ħu mill-inbid li jien ħallatt.
6 Tibqax iblah* u tgħix;Ħalli l-abbiltà li tifhem tiggwidak.”
7 Min jikkoreġi lil xi ħadd li jwaqqaʼ għaċ-ċajt jiġi ddiżonorat,U min iwissi lil xi ħadd ħażin iweġġaʼ.
8 Twissix lil xi ħadd li jwaqqaʼ għaċ-ċajt, għax inkella jsir jobogħdok.
Wissi lil xi ħadd għaref, u jsir iħobbok.
9 Aqsam l-għarfien maʼ xi ħadd għaref u jsir iktar għaref.
Għallem lil xi ħadd ġust u hu jsir jaf iktar.
10 Biex wieħed ikun għaref l-ewwel irid ikollu rispett kbir lejn* Ġeħova.
U l-għarfien dwar l-Iktar Wieħed Qaddis se jgħinek tifhem.
11 Għax permezz tal-għerf se tgħix iktar ġranet,U jkollok ħajja twila.
12 Jekk issir għaref, issir għaref għall-ġid tiegħek stess,Imma jekk twaqqaʼ għaċ-ċajt, int biss se tbati l-konsegwenzi.
13 Mara stupida* hi storbjuża.
Hi injoranta u ma taf assolutament xejn.
14 Hi toqgħod bilqiegħda fid-daħla tad-dar tagħhaFuq siġġu fil-postijiet għoljin tal-belt,
15 Tgħajjat lil dawk li jkunu għaddejjin minn hemm;Lil dawk li jkunu għaddejjin fi triqithom tgħidilhom:
16 “Kull min m’għandux esperjenza, ħa jiġi hawnhekk.”
Lil min m’għandux sens f’moħħu tgħidlu:
17 “L-ilma misruq hu ħelu,U dak li tiekol bil-moħbi jagħti pjaċir.”
18 Imma hu ma jafx li fid-dar tagħha hemm in-nies mejtin,Li l-mistidnin tagħha qegħdin fil-Qabar.*
Noti taʼ taħt
^ Jew “qatlet l-annimali.”
^ Jew “Itlaq lil dawk taʼ bla esperjenza.”
^ Letteralment “jibżaʼ minn.”
^ Jew “Il-bluha.”
^ Jew “f’Xeol,” jiġifieri l-qabar komuni tan-nies. Ara Termini tal-Bibbja Spjegati.
