Salm 103:1-22
Għanja taʼ David.
103 Jien* se nfaħħar lil Ġeħova;Jien se nfaħħar lil ismu l-qaddis b’qalbi kollha.
2 Jien* se nfaħħar lil Ġeħova;Jalla qatt ma ninsa dak li għamel.
3 Hu jaħfirli l-iżbalji kollhaU jfejjaqli l-mard kollu.
4 Hu jeħlisni mill-ħofra,*U jurini mħabba, lealtà,* u ħniena.
5 Hu jagħtini affarijiet tajbin tul ħajti kollha,B’hekk ikolli enerġija* bħal dik t’ajkla.
6 Ġeħova jaġixxi bil-ġustizzja u s-sewwaMaʼ dawk kollha li huma ttrattati ħażin.
7 Hu qal lil Mosè kif aġixxa,U lill-Iżraelin dak li għamel.
8 Ġeħova hu ħanin u qalbu tajba,*Ma jirrabjax malajr u juri ħafna mħabba u lealtà.*
9 Mhux se joqgħod ifittex l-iżbalji tagħna l-ħin kollu,Mhux se jżomm f’qalbu għal dejjem.
10 Ma kkastiganiex kif jistħoqqilna għad-dnubiet tagħna,U lanqas tana dak li ħaqqna għall-iżbalji tagħna.
11 Għax l-imħabba u l-lealtà tiegħu lejn dawk li jirrispettawh ħafna*Huma kbar daqs l-għoli li hemm bejn is-sema u l-art.
12 Hu tefaʼ l-iżbalji tagħna ’l bogħod minnaDaqs il-bogħod li hemm bejn tlugħ ix-xemx u nżulha.
13 Bħalma missier iħenn għat-tfal tiegħu,Ġeħova jħenn għal dawk li jirrispettaw ħafna lil* ismu.
14 Għax hu jaf sew kif aħna magħmulin,U jiftakar li aħna trab.
15 Il-ħajja taʼ bniedem hi bħal ħaxix;Bħall-ħaxix li jikber f’għalqa.
16 Imma meta jqum ir-riħ, imut,Qisu qatt ma kien hemm.*
17 Imma l-imħabba u l-lealtà taʼ ĠeħovaLejn dawk li jirrispettawh ħafna* hi għal dejjem.
Hu se jkompli juri ġustizzja ma’ dawk li se jiġu minnhom
18 Li jżommu l-patt tiegħuU joqogħdu attenti li jobdu l-kmandamenti tiegħu.
19 It-tron taʼ Ġeħova hu fis-sema għal dejjem;U s-saltna tiegħu tmexxi fuq kollox.
20 Faħħru lil Ġeħova, intom l-anġli kollha tiegħu, li għandkom qawwa kbira,Intom li tisimgħu minnu u tobdu l-kmandamenti tiegħu.*
21 Faħħru lil Ġeħova, intom l-anġli kollha tiegħu,Li taqduh u tagħmlu dak li jrid hu.
22 Ħa jfaħħar lil Ġeħova l-ħolqien kollu tiegħuFil-postijiet kollha fejn imexxi.
Jien* se nfaħħar lil Ġeħova b’qalbi kollha.
Noti taʼ taħt
^ Jew “Ruħi.”
^ Jew “Ruħi.”
^ Jew “mill-qabar.”
^ Jew “jurini mħabba leali.” Ara Termini tal-Bibbja Spjegati.
^ Letteralment “żgħożija.”
^ Letteralment “juri mogħdrija.”
^ Jew “imħabba leali.” Ara Termini tal-Bibbja Spjegati.
^ Letteralment “jibżgħu minnu.”
^ Letteralment “jibżgħu minn.”
^ Letteralment “U l-post fejn kien ma jibqax jafu.”
^ Letteralment “jibżgħu minnu.”
^ Letteralment “tisimgħu l-leħen (il-ħoss) tal-kelma tiegħu.”
^ Jew “Ruħi.”
