Salm 105:1-45
105 Irringrazzjaw lil Ġeħova, użaw ismu meta titolbu,Għidu lill-popli b’dak li għamel!
2 Kantawlu, faħħruh bil-kant,*Aħsbu* dwar l-affarijiet tal-għaġeb li għamel.
3 Ftaħru b’ismu l-qaddis,Ħa tifraħ qalb dawk li qed ifittxu lil Ġeħova.
4 Fittxu lil Ġeħova u afdaw fis-saħħa tiegħu.
Fittxu l-għajnuna tiegħu* l-ħin kollu.
5 Ftakru fl-affarijiet tal-għaġeb li għamel,Fil-mirakli u fil-ġudizzji tiegħu.
6 Iva, ftakru dan intom li tiġu minn Abraham il-qaddej tiegħu,Tfal taʼ Ġakobb, il-magħżulin tiegħu.
7 Hu Ġeħova l-Alla tagħna.
Hu jiġġudika l-art kollha.
8 Hu jiftakar fil-patt tiegħu għal dejjem,Il-wegħda li għamel* għal elf ġenerazzjoni,
9 Il-patt li għamel m’Abraham,U l-ħalfa li għamel lil Iżakk.
10 Hu għamel din il-ħalfa lil Ġakobb bħala garanzija,U bħala patt għal żmien twil għal Iżrael,
11 Billi qal: “Se nagħtik l-art taʼ Kangħan bħala wirt.”
12 Dan sar meta kienu vera ftit,U kienu barranin fl-art.
13 Huma marru ’l hemm u ’l hawn minn poplu għal poplu,Minn saltna għal saltna.
14 Ma ħalla lil ħadd jaħqarhom,U minħabba fihom wissa lir-rejiet,
15 Billi qal: “Tmissux lill-magħżulin* tiegħi,U tagħmlux ħsara lill-profeti tiegħi.”
16 Hu bagħat il-ġuħ fuq l-artU ċaħħadhom mill-ħobż.*
17 Hu bagħat qabilhom raġel jismu Ġużeppi,Li ġie mibjugħ bħala lsir.
18 Huma rabtulu saqajh bil-ktajjenU għonqu bil-ħadid
19 Sakemm sar dak li ntqal dwaru.
Kulma qal Ġeħova għamlu persuna aħjar.
20 Ir-re ta kmand biex jinħeles,Il-mexxej tal-popli ħelsu.
21 Hu għamlu sid fuq il-palazz tiegħu,Mexxej fuq il-propjetà kollha tiegħu,
22 Biex ikollu awtorità fuq* il-kapijiet tiegħuU jgħallem l-għerf lill-anzjani* tiegħu.
23 Imbagħad Iżrael mar l-Eġittu,U Ġakobb għex bħala barrani fl-art taʼ Ħam.
24 Alla kabbar lill-poplu tiegħu;Hu għamilhom iktar b’saħħithom mill-għedewwa tagħhom.
25 Hu ħalla lil dawn l-għedewwa jobogħdu lill-poplu tiegħuU jippjanaw kontra l-qaddejja tiegħu.
26 Hu bagħat lill-qaddej tiegħu Mosè,U għażel lil Aron biex imur miegħu.
27 Huma għamlu l-mirakli tiegħu fost in-niesU s-sinjali tiegħu fl-art taʼ Ħam.
28 Hu bagħat id-dlam u l-art iddallmet;Huma* ma rribellawx kontra dak li qal.
29 Hu bidel l-ilma tagħhom f’demmU qatlilhom il-ħut.
30 L-art tagħhom imtliet biż-żrinġijiet,Bil-kmamar tar-re b’kollox.
31 Hu kkmanda d-dubbien biex imur fuqhom,U n-nemus biex jinvadi t-territorji kollha tagħhom.
32 Hu biddel ix-xita f’silġU bagħat is-sajjetti fuq l-art tagħhom.
33 Hu qatlilhom id-dwieli u s-siġar tat-tinU kissrilhom is-siġar kollha.
34 Hu ta kmand biex il-ġurati jinvadu l-art,Ammont kbir taʼ ġurati żgħar.
35 Dawn belgħu l-ħaxix kolluU l-prodott kollu tal-art.
36 Imbagħad qatel lil kull l-ewwel imwieled tal-art tal-Eġittu,L-ewwel uħud li twildulhom.
37 Hu ħareġ lill-poplu tiegħu minn hemm,U ġarrew il-fidda u d-deheb magħhom;Ħadd mit-tribujiet tiegħu m’għeja.*
38 L-Eġizzjani ferħu meta l-Iżraelin telqu,Għax kienu qegħdin jibżgħu ħafna minnhom.
39 Hu bagħat sħaba biex jipproteġi lill-Iżraelin
U nar biex jagħtihom id-dawl billejl.
40 Meta talbuh il-laħam, bagħtilhom is-summien;Hu baqaʼ jxebbagħhom bil-ħobż mis-sema.
41 Hu qasam blata u ħareġ ħafna ilma;Dan kien bħal xmara fid-deżert.
42 Għax hu ftakar fil-wegħda qaddisa li kien għamel mal-qaddej tiegħu Abraham.
43 Għalhekk, ħareġ lill-poplu tiegħu u dawn ferħu,Il-magħżulin tiegħu bdew jgħajtu bil-ferħ.
44 Hu tahom l-artijiet tal-popli;Huma wirtu dak li ħaddieħor ħadem iebes għalih.
45 Hu għamel dan biex huma jżommu mar-regoli tiegħuU jobdu l-liġijiet tiegħu.
Faħħru lil Jah!*
Noti taʼ taħt
^ Jew “doqqulu l-mużika.”
^ Jew forsi “Tkellmu.”
^ Letteralment “wiċċu.” Jew “il-preżenza tiegħu.”
^ Letteralment “Il-kelma li kkmanda.”
^ Letteralment “lill-midlukin.” Ara Termini tal-Bibbja Spjegati.
^ Letteralment “kisser kull bastun tal-ħobż.” Jistaʼ jirreferi għal bsaten li kienu jintużaw biex idendlu l-ħobż magħhom.
^ Letteralment “Biex jorbot.”
^ Jistaʼ jirreferi għal Mosè u Aron.
^ Jew “ma tfixkel.”
^ Jew “Ħallelujah!” “Jah” hu forma mqassra tal-isem Ġeħova.
