Salm 23:1-6
Għanja taʼ David.
23 Ġeħova hu r-Ragħaj tiegħi.
Mhu se jonqosni xejn.
2 Hu jiħodni f’art mimlija ħaxix biex nistrieħ.
Hu jiggwidani f’postijiet taʼ mistrieħ li fihom ħafna ilma.*
3 Hu jsaħħaħni.*
Hu jiggwidani fit-triq it-tajba minħabba ismu.
4 Għalkemm nimxi fil-wied li hu mudlam ħafna,Ma nibżax li nweġġaʼ,Għax int miegħi;Il-bastun u l-ħatar tiegħek jgħinuni nħossni protett.*
5 Int tlestili ikla kbira quddiem l-għedewwa tiegħi.
Tidlikli rasi biż-żejt, u jien nieħu r-ruħ;Int timla sew it-tazza tiegħi.*
6 Kemm indum ħaj, jien se nesperjenza l-qalb tajba u l-imħabba* tiegħek,U se ngħix fid-dar taʼ Ġeħova għal ħajti kollha.
Noti taʼ taħt
^ Jew forsi “lejn ilma kalm.”
^ Jew “isaħħaħ lil ruħi.”
^ Jew “ifarrġuni.”
^ Jew “tberikni ħafna.”
^ Jew “l-imħabba leali.” Ara Termini tal-Bibbja Spjegati.
